تازہ تر ین

تحفظات کے باوجود سابق حکومت کے منصوبے مکمل کر رہے ہیں،انشاءاللہ جنوبی پنجاب صوبہ بن کر رہے گا،آئندہ 6ماہ میں حالات تیزی سے بہتری کی طرف جائیں گے:صمصام بخاری

لاہور(ویب ڈیسک)سابق حکومت کی ترقی لاہور شہر کے چند علاقوں سے باہر نہیں نکلی، نواز لیگ نے آخری سال کو الیکشن سٹنٹ کے طور پر استعمال کیا۔نوا ز لیگ کے جاری منصوبوں کیلئے 35 سے40سال درکار ہیں بھاری کمیشن کھایا گیا، منصوبے ادھورے چھوڑے گئے صوبائی وزیراطلاعات سید صمصام علی بخاری نے کہا ہے کہ سابق حکومت کی ترقی لاہور شہر کے چند علاقوں سے باہر نہیں نکلی۔ تحفظات کے باوجود سابق حکومت کے منصوبوں کو مکمل کر رہے ہیں۔ یہ بات انہوں نے آج میڈیا سے گفتگو کرتے ہوئے کہی۔ صوبائی وزیر نے کہا کہ نواز لیگ نے آخری سال کو الیکشن سٹنٹ کے طور پر استعمال کیا۔ اس آخری سال کے دوران نو ن لیگ کے رہنماﺅں نے4کھرب کے ترقیاتی منصوبوں کا اعلان کیا مگر ان کیلئے صرف55ارب جاری ہوئے۔صوبائی وزیر نے کہا نوا ز لیگ کے جاری منصوبوں کی تکمیل کیلئے 35 سے40سال درکار ہیں کیونکہ ان منصوبوں میں بھاری کمیشن کھایا گیا، منصوبے ادھورے چھوڑے گئے۔وسائل کی غلط تقسیم نے مالیاتی ڈسپلن تباہ کر کے رکھ دیا۔ صمصام بخاری نے کہا کہ ہم صوبے بھر کی یکساں ترقی کا خواب شرمندہ تعبیر کرینگے۔تبدیلی آ رہی ہے اورانشاءاللہ پی ٹی آئی کی حکومت میں ہی جنوبی پنجاب صوبہ بن کر رہے گا،آئندہ 6ماہ میں حالات تیزی سے بہتری کی طرف جائیں گے۔ انہوں نے کہا کہ ٹھوس اور دیرپا پالیسیوں کیلئے پی ٹی آئی حکومت اداروں کو غیر سیاسی کررہی ہے اور پوری توقع ہے کہ آئندہ آئندہ 6ماہ میں حالات تیزی سے بہتری کی طرف جائیں گے۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved