لاہور(ویب ڈیسک) ڈائریکٹر جنر ل وائلڈ لائف اینڈ پارکس پنجاب لیفٹیننٹ (ر) سہیل اشرف کی ہدائیت پر تشکیل دی گئی خصوصی ٹیم نے جوہر ٹاﺅن کے رہائشی علاقے میں چھاپہ مار کر گھر میں شیروں کا جوڑاجانور قبضہ میں لے کر ذمہ داران کے خلاف کارروائی کا آغاز کر دیا ہے۔ تفصیلات کے مطابق ڈی جی وائلڈلائف کو خفیہ طور پر اطلاع ملی کہ جوہر ٹاو¿ن کے رہائشی علاقے کے ایک گھر میں غیر قانونی طور پر رکھے گئے شیروں کا جوڑا موجود ہیں جس پر انہوں نے ڈپٹی ڈائریکٹر لاہور ریجن عبدالشکور منج کی سربراہی میں اسسٹنٹ ڈائریکٹر لاہور ریجن چوہدری محمد رفیق، ڈسٹرکٹ وائلڈ لائف افسر لاہور تنویر جنجوعہ پر مشتمل ایک چھاپہ مار پارٹی تشکیل دی جبکہ اس ضمن میں ڈائریکٹر لاہور چڑیا گھر حسن علی سکھیرا کو ان کی معاونت کرنے کی ہدائت کی۔ چھاپہ مار ٹیم نے تمام قانونی کارروائی پوری کرتے ہوئے جوہر ٹاﺅن کے مذکورہ گھر کے سرچ وارنٹ حاصل کر کے چھاپہ مار کرشیروں کا جوڑا برآمد کر کےاور قبضہ میں لے کر لاہور چڑیا گھر منتقل کر دیا ہے جبکہ ملزمان سنی مسیح کا چالان کرتے ہوئے ان کے خلاف کارروائی کا آغاز کر دیا ہے۔ چھاپے کے موقع پر اعزازی گیم وارڈن لاہور نعمان یاسین اور ان کے سکواڈ اور اعزازی گیم وارڈن پنجاب بدر منیر کے سکواڈ نے بھی اس کارروائی میں حصہ لیا۔ لیفٹیننٹ (ر) سہیل اشرف نے کامیاب کارروائی کرنے پرچھاپہ مار ٹیم کو شاباش دیتے ہوئے ان کی کارکردگی کو سراہا ہے۔ انہوں نے کہا کہ وائلڈ لائف ایکٹ کی خلاف ورزی کسی صورت برداشت نہیں کی جائے گی اور اس ضمن میں بلا امتیاز کارروائی عمل میں لائے جائے گی۔ انہوں نے چھاپہ مار پارٹی کو تعریفی اسناد دینے کا بھی اعلان کیا ہے۔
