اسلام آباد (ویب ڈیسک) سینیٹ الیکشن میں شکست کا الزام جنرل فیض حمید پر عائد کرنے والے سینیٹر حاصل بزنجو نے یوٹرن لے لیا۔میڈیا رپورٹس میں بتایا گیا ہے کہ سینیٹر حاصل بزنجو کا کہنا ہے کہ ہمیں شروع سے ہی اطلاعات مل رہی تھیں کہ سینیٹ میں پیسہ چل رہا ہے۔میں سمجھتا ہوں کہ اس کی تمام ذمہ داری حکومت پر ہے اور ہارس ٹریڈنگ اس حکومت کا وطیرہ ہے۔جب وفاق اور پنجاب میں حکومت بننا تھی تو جہانگیر ترین کا جہاز بہت تیزی سے گھومتا رہا۔اور اس بار بھی حکومت نے ہارس ٹریڈنگ کی ہے۔حاصل بزنجو نے مزید کہا کہ کل کے دن پاکستان کا آئین بنانے والوں کی روح بھی تڑپی ہو گی۔آئین بنانے والوں نے نجانے کیا سوچا تھا اور آج کیا ہو گیا۔میں سمجھتا ہوں کہ یہ پاکستان کے آئین اور اپر ہاﺅس کے ساتھ کھیلے جانے والے کھیل کے نتائج خطرناک ہوں گے۔چاپے میں چئیرمین سینیٹ بنا یا نہیں بنا لیکن سینیٹ کے وقار کو کم کرنے سے مستقبل میں خطرناک نتائج ملیں گے۔خیال رہے کہ گذشتہ روز حزب اختلاف کے مرکزی رہنماءمیر حاصل بزنجو نے سینیٹ الیکشن میں شکست کا الزام جنرل فیض حمید پر عائد کردیا تھا۔ حاصل بزنجونے ایک سوال ” خفیہ رائے شماری کے وقت ان کو پھر کون لے گیا؟ کے جواب میں کہا کہ یہ جنرل فیض کے لوگ ہیں، جنرل فیض آئی ایس آئیکے چیف ہیں، جانتے ہیں آپ؟ یہ ان کے لوگ ہیں۔انہوں نے ایوان بالا میں چیئرمین سینیٹ صادق سنجرانی کے خلاف تحریک عدم اعتماد مسترد ہونے پر میڈیا سے گفتگو میں کہا کہ میں بالکل پریشان نہیں ہوں، میں کیوں پریشان ہوں گا؟ انہوں نے ایک سوال کے جواب میں کہا کہ ہمارے 64 امیدوار تھے، سب نے دیکھا وہاں64 امیدوار کھڑے ہوئے تھے۔ میں اخلاقی طور پر جیت گیا ہوں۔ مجھے متفقہ امیدوار بنایا گیا، میں ہارا نہیں جیت گیا ہوں۔ میر حاصل بزنجو کے اس الزام پر پاک فوج کے ترجمان ڈی جی آئی ایس پی آر میجر جنرل آصف غفور نے بھی شدید رد عمل دیا تھا۔ میجر جنرل آصف غفور کا کہنا تھا کہ قومی ادارے کے سربراہ کے حوالے سے ریمارکس افسوس ناک ہیں۔ ذاتی مقاصد کے لیے جمہوری عمل پر اعتراض کرنے سے جمہوریت کو کوئی فائدہ نہیں ہوگا۔

لاہور(ویب ڈیسک) پاکستان میں ذی الحج کا چاند نظر آگیا ہے، عید الضحیٰ 12اگست بروزپیر کو منائی جائے گی،چیئرمین رویت ہلال کمیٹی مفتی منیب الرحمان نے کہا کہ چاند دیکھنے کی 72 شہادتیں موصول ہوئی ہیں۔ میڈیا رپورٹس کے مطابق چیئرمین مفتی منیب الرحمان کی صدارت میں مرکزی رویت ہلال کمیٹی کا اجلاس ہوا۔ جس میں ذی الحج کا چاند دیکھنے سے متعلق ملک بھر میں زونل کمیٹیوں کی شہادتوں کو اکٹھا کیا گیا۔تاہم پاکستان میں ذی الحج کا چاند نظر آگیا ہے۔ چیئرمین رویت ہلال کمیٹی مفتی منیب الرحمان نے کہا کہ ملک بھر میں چاند دیکھنے کی 72 شہادتیں موصول ہوئی ہیں۔جس کے باعث کل بروز ہفتہ3 اگست کو یکم ذی الحج ہوگی، جبکہ عید الضحیٰ 12 اگست بروزپیر کو منائی جائے گی۔واضح رہے اس سے قبل وزارت سائنس اینڈ ٹیکنالوجی فواد چودھری نے بھی اسلامی کیلنڈر کے تحت 12 اگست کو عیدالضحیٰ کی تاریخ کا اعلان کیا تھا۔دوسری جانب سعودی عرب میں ذوالحج کا چاند نظر آگیا، خلیجی ملک میں یوم العرفة 10 اگست کو ہوگا اور عیدالضحیٰ 11 اگست کو منائی جائے گی۔ خلیجی خبر رساں اداروں کی جانب سے فراہم کردہ تفصیلات کے مطابق سعودی عرب میں ذوالحج کا چاند دیکھنے کیلئے سپریم کونسل کی جانب سے اجلاس طلب کیا گیا تھا۔ جبکہ مملکت کے شہریوں سے بھی ذوالحج کا چاند دیکھنے کی درخواست کی گئی تھی۔ اب اعلان کیا گیا ہے کہ سعودی عرب میں ذوالحج کا چاند دیکھ لیا گیا ہے۔ سعودی عرب میں ذوالحج کا چاند مختلف علاقوں المجمع، سدیر اور تمیر میں دیکھا گیا۔ اب کل سعودی عرب میں ذوالحج کی یکم تاریخ ہوگی۔ جبکہ یوم العرفة 10 اگست کو ہوگا اور عید الاضحیٰ 11 اگست کو منائی جائے گی۔

اسلام آباد(ویب ڈیسک) معاون خصوصی برائے اطلاعات ونشریات فردوس عاشق اعوان نے کہا ہے کہ کل وہی تعویزتھا جواپوزیشن نے سنجرانی کولانے کیلئے استعمال کیا تھا،کسی نے دیکھا کہ حکومت نے لوگوں کے ہاتھ پاو¿ں باندھ کر ٹھپے لگوائے ہوں؟ سینیٹرز کو آئین کے تحت خفیہ رائے شماری کا موقع ملا تو انہوں نے وہ غلامی کی زنجیریں توڑیں اور کھل کر اظہار کیا۔انہوں نے ذرائع کے پروگرام میں گفتگو کرتے ہوئے کہا کہ جب تحریک عدم اعتماد پر ووٹنگ کا عمل شروع ہوا، تو کیمرے لگے ہوئے تھے،آپ لوگوں نے کہاں دیکھا کہ حکومت نے کس کو پکڑ پکڑ مہریں لگوائیں؟ لوگوں کے ہاتھ پاو¿ں باندھ کر ٹھپے لگوائے، دیکھیں یہ ضمیر کے اندر جکڑے ہوئے قیدی جن کو ان جماعتوں نے یرغمال بنایا ہوا تھا۔لیکن اب ان سینیٹرز کو آئین کے تحت خفیہ رائے شماری کا موقع ملا تو انہوں نے وہ غلامی کی زنجیریں توڑیں اور خود کو غلامی سے آزاد کروایا اورکھل کر اظہار کیا۔فردوس اعوان نے کہا کہ یہ وہی تعویز ہے جو اپوزیشن سنجرانی کولانے کیلئے استعمال کیا تھا،انہوں نے ایک سوال پر کہا کہ پاکستان کے ادارے آئین اور قانون کے طابع ہیں خواہشات یا ارمانوں کے تابع نہیں ہیں، اگر اخلاقیات کی بات کی جائے تو پھر کون سی وہ اخلاقیات تھی ، سنجرانی نے ظل سبحانی کی شان میں کون سی گستاخی کی تھی، کہ ان کو جیل میں ہی حکم جاری کرنا پڑا کہ سنجرانی کو ہٹا دیا جائے۔ظل سبحانی کو معلوم ہونا چاہیے کہ اب نیا پاکستان ہے، اب ادارے ان کے تابع نہیں ہیں۔فردوس عاشق اعوان نے ایک سوال پر کہا کہ اس تعویز کا نام ضمیر ہے، ضمیر ہر انسان کو حق دیتا ہے ،یہ تعویز باہر سے نہیں آیا انسان کے اندر سے تعویز نے عملداری کی ہے۔فردوس عاشق اعوان نے کہا کہ چیزوں کی اکثریت امپورٹ ہوتی ہے۔ایران کی ترسیل کم ہوئی ہے، عالمی منڈی میں تیل کی قیمتیں بڑھی ہیں، جس سے تیل کی قیمتوں میں اضافہ کرنا پڑا۔انہوں نے کہا کہ وزیراعظم نے کل تندوروں پرروٹی اور نان مہنگا کرنے کا نوٹس لیا اور اس کو سستا کرنے کیلئے گیس پر سبسڈی دی۔ جس سے اب تندوروں پر روٹی کی قیمت کم ہوگی۔ کیونکہ آٹے اور گیس کی قیمت بالکل نہیں بڑھائی گئی اس لیے جو بھی قیمت بڑھائے گا وہ قانون کی شکنجے میں آئے گا۔