کراچی (ویب ڈیسک)پاکستان سپر لیگ کے افتتاحی میچ میں کوئئہ گلیڈی ایٹرز نے اسلام آباد یونائیٹڈ کو 3 وکٹوں سے شکست دے دی۔169 رنز کے ہدف کے تعاقب میں کوئٹہ گلیڈی ایٹرز کا آغاز اچھا نہ تھا اور 26 رنز پر ہی اس کے 3 کھلاو¿ی پویلین کی راہ لے چکے تھے۔گلیڈی ایٹرز کو پہلا نقصان جیسن رائے کا اٹھانا پڑا جو اننگز کی دوسری ہی گیند میں ایل بی ڈبلیو آو¿ٹ ہوئے۔شین واٹسن اور احمد شہزاد نے اسکور کو آگے بڑھانے کی کوشش کی لیکن 20 کے مجموعی اسکور پر شین واٹسن رن آو¿ٹ ہوگئے، انہوں نے 15 رنز بنائے۔احمد شہزاد بھی بڑی اننگز کھیلنے میں ناکام رہے اور 7 رنز بنانے والے بلے باز کا فہیم اشرف نے عمدہ کیچ لیا۔قبل ازیں اسلام آباد یونائیٹڈ کی پوری ٹیم 19 اعشاریہ 1 اوورز میں 168 رنز بنا کر آو¿ٹ ہوگئی تھے۔پاکستان سپر لیگ کے پانچویں ایڈیشن کی پہلی ہی گیند پر کوئٹہ گلیڈی ایٹرز کے محمد نواز نے وکٹ حاصل کر لی۔محمد نواز کی جانب سے کرائی گیند پر کولن منرو انہی کو واپس آسان کیچ تھما کر پویلین لوٹ گئے۔اس کے بعد لیوک رونکی اور ڈیوڈ ملان نے جارحانہ انداز اپنایا اور دوسری وکٹ کے لیے 37 رنز کی شراکت قائم کی۔رونکی نے سہیل خان کو ایک اوور میں چھکا اور چوکا لگایا لیکن ایک اور چوکا لگانے کی کوشش میں وہ پوائنٹ پر کھڑے فیلڈر کو کیچ دے بیٹھے، انہوں نے 13 گیندوں پر ایک چھکے اور چار چوکوں کی مدد سے 23 رنز بنائے۔ڈیوڈ ملان اور حسین طلعت نے ٹیم کے اسکور کو آگے بڑھایا تاہم 106 رن رنز کے مجموعے پر حسین طلعت 19 رنز بنا کر کیچ آو¿ٹ ہوگئے۔کولن انگرام بھی ٹیم کے اسکور میں کوئی خاطر خواہ اضافہ نہ کر پائے اور 6 کے انفرادی اسکور بین کٹنگ کی گیند پر کیچ آو¿ٹ ہو کر پویلین لوٹ گئے۔ڈیوڈ ملان نے شاندار بیٹنگ کا مظاہرہ کرتے ہوئے 5 چوکوں اور 3 چھکوں کی مدد سے 64 رنز کی عمدہ اننگز کھیلی جس کے بعد بین کٹنگ نے ان کی اننگز کا بھی خاتمہ کردیا۔وقفے وقفے سے وکٹیں گرنے کے بعد اسلام آباد یونائیٹڈ کی رنز بنانے کی رفتار بھی کم ہوئی اور ڈیوڈ ملان کے علاوہ کوئی بلے باز بڑی اننگز کھیلنے میں کامیاب نہ ہوا۔آصف علی 19، کپتان شاداب خان 8، فہیم اشرف 20، عماد بٹ اور محمد موسیٰ بغیر کوئی رنز بنائے آو¿ٹ ہوئے۔کوئٹہ گلیڈی ایٹرز کے محمد حسنین نے تباہ کن باو¿لنگ کا مظاہرہ کرتے ہوئے 4 وکٹیں حاصل کیں، بین کٹنگ 3، سہیل خان 2 جبکہ محمد نواز نے ایک وکٹ لی۔کوئٹہ گلیڈی ایٹرز کے غیر ملکی کھلاڑیوں میں جیسن روئے، شین واٹسن، بین کٹنگ اور فواد احمد شامل ہیں جبکہ کوچ معین خان کے بیٹے اعظم خان بھی فائنل الیون کا حصہ ہیں۔دونوں ٹیمیں اب تک مجموعی طور پر لیگ کے 10 میچوں میں مدمقابل آچکی ہیں جہاں کوئٹہ گلیڈی ایٹرز نے 6 اور اسلام آباد یونائیٹڈ نے 4 میچوں میں کامیابی حاصل کی۔یاد رہے کہ پاکستان سپر لیگ کے پہلے ایڈیشن کے فائنل میں اسلام آباد یونائیٹڈ نے کوئٹہ گلیڈی ایٹرز کو شکست دے کر چیمپیئن بننے کا اعزاز حاصل کیا تھا۔میچ کے لیے دونوں ٹیمیں ان کھلاڑیوں پر مشتمل ہیں۔کوئٹہ گلیڈی ایٹرز: سرفراز احمد (کپتان)، جیسن روئے، احمد شہزاد، شین واٹسن، عبدالناصر، محمد نواز، بین کٹنگ، اعظم خان، سہیل خان، محمد حسنین اور فواد احمداسلام آباد یونائیٹڈ: شاداب خان (کپتان)، کولن منرو، لیوک رونکی، ڈیوڈ ملان، حسین طلعت، آصف علی، فہیم اشرف، کولن انگرام، عماد بٹ، شاداب خان، عاکف جاوید اور محمد موسیٰ۔
