تازہ تر ین

طیارہ حادثے کی شفاف تحقیقات کرکے عوام کو حقائق سے آگاہ کیا جائے، وزیراعظم عمران خان

اسلام آبااد (ویب ڈیسک)وزیراعظم عمران خان کو کراچی طیارہ حادثے کی اب تک کی تحقیقات پر بریفنگ دی گئی ہے۔وزیر اعظم عمران خان نے کراچی میں پاکستان انٹرنیشنل ائیرلائنز (پی آئی اے) کے طیارے کو پیش آنے والے حادثے سے متعلق تحقیقات پر بریفنگ طلب کی تھی۔وزیراعظم عمران خان نے وفاقی وزیر برائے ہوا بازی غلام سرور خان اور چیف ایگزیکٹو آفیسر (سی ای او) پی آئی اے سمیت دیگر حکام طلب کیا اور بریفنگ لی۔پی آئی اے اور ایوی ایشن حکام نے وزیراعظم عمران خان کو طیارہ حادثےکی ابتدائی تحقیقات پر بریفنگ دی۔اس موقع پر وزیراعظم نے شفاف تحقیقات کی ہدایت کی اور کہا کہ شفاف تحقیقات کرکے عوام کو حقائق سے آگاہ کیا جائے۔یاد رہے کہ 22 مئی کو لاہور سے کراچی آنے والا پی آئی اے کا طیارہ لینڈنگ سے چندسیکنڈز قبل گر کر تباہ ہو گیا تھا ،حادثے میں عملے کے افراد سمیت 97 مسافر جاں بحق ہو گئے تھے جب کہ دو مکانات مکمل طور پر تباہ اور دیگر کو جزوی طور پر نقصان پہنچا تھا۔وزیراعظم عمران خان نے واقعے کا نوٹس لیتے ہوئے حادثے کی تحقیقات کے لیے اعلیٰ سطح کی کمیٹی تشکیل دینے کا حکم دیا تھا جب کہ ہوائی جہاز بنانے والی یورپی کثیرالقومی کمپنی ائیر بس کے ماہرین بھی حادثے کی تحقیقات کے سلسلے میں پاکستان میں موجود ہیں۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain