پاکستان نیوی کے بحری بیڑے میں نیا اسٹیٹ آف دی آرٹ جہاز پی این ایس یرموک بھی شامل ہو گیا ہے۔
ترجمان پاک بحریہ کے مطابق جہاز پی این ایس یرموک کی پاکستان نیوی بیڑے میں شمولیت کی تقریب پاکستان نیوی ڈاکیارڈ کراچی میں منعقد ہوئی، تقریب میں چیف آف دی نیول اسٹاف ایڈمرل ظفر محمود عباسی نے بطور خصوصی مہمان شرکت کی ۔
Induction ceremony of state of the art Corvette, PNS YARMOOK held at PN Dockyard, Khi. The Chief Guest, CNS Adm Zafar Mahmood Abbasi termed the induction as imp milestone for PN & said that PNS YARMOOK will act as force multiplier to safeguard maritime interests of Pakistan.(1/3) pic.twitter.com/7H8nQALUp0
— Rear Admiral M Arshid Javed DGPR Navy (@dgprPaknavy) July 13, 2020
ترجمان پاک بحریہ کے مطابق چیف آف نیول اسٹاف ایڈمرل ظفر محمود عباسی نے تقریب سے خطاب کے دوران کہا ہے کہ پی این ایس یرموک کی بحری بیڑے میں شمولیت ایک اہم سنگ میل ہے، نئے جدید جہاز کی شمولیت سے ملکی سمندری حدود اور بحری مفادات کا دفاع مزید مضبوط ہوگا۔
ترجمان کے مطابق نیول چیف کا کہنا تھا کہ پاک بحریہ کسی بھی قسم کی جارحیت کا بھرپور جواب دینے کی مکمل صلاحیت رکھتی ہے۔
ترجمان پاک بحریہ کے مطابق نیول چیف کی جانب سے قلیل وقت میں جہاز کی تعمیر پر ڈامین شپ یارڈ رومانیہ اور پراجیکٹ ٹیم کو سراہا گیا۔
ترجمان پاک بحریہ کے مطابق یہ جدید جنگی جہاز اسٹیٹ آف دی آرٹ ویپن اور ڈیفنس سسٹم سے لیس ہے اور پی این ایس یرموک متعدد نیول آپریشنز انجام دینے اور ہیلی کاپٹر اور ڈرون لے جانے کی صلاحیت بھی رکھتا ہے۔
ترجمان پاک بحریہ کے مطابق اس سلسلےکا دوسرا جہاز پی این ایس تبوک عنقریب پاک بحریہ کے بیڑے میں شامل کیا جائے گا۔