ویب ڈیسک : کلبھوشن یادیو کیس میں اسلام آباد ہائیکورٹ کا لارجر بنچ تشکیل دے دیا گیا ہے۔ لارجربنچ میں چیف جسٹس اطہرمن اللہ،جسٹس عامر فاروق اور جسٹس میاں گل حسن اورنگزیب شامل ہیں۔
کلبوشن یادیوکیس کی گزشتہ سماعت پرہائیکورٹ نے لارجر بنچ تشکیل دینے کا فیصلہ کیا تھا۔ کلبھوشن یادیو کیس 3 ستمبر کو سماعت کے لئے مقررہے۔
لارجربنچ وزارت قانون کیجانب سے کلبھوشن کیلئے وکیل مقرر کرنے کی درخواست پر سماعت کرےگا۔عدالت نے حکومت کو ایک بار پھر بھارت سے رابطے کی ہدایت کر رکھی ہے۔
واضح رہے کہ حکومت پاکستان کی جانب سے 17 جولائی کو کلبھوشن یادھو کو تیسری بار قونصلر رسائی دینے کی پیشکش کی گئی تھی، جب کہ کلبھوشن کو قانونی مدد فراہم کرنے کیلئے 22 جولائی کو درخواست دائر کی گئی۔ درخواست 30 جولائی کو سماعت کیلئے منظور کی گئی۔
بھارتی نیوی کے حاضر افسر کلبھوشن یادھوکو3 مارچ 2016 میں اس وقت گرفتار کیا گیا، جب وہ غیر قانونی طریقے سے پاکستان میں داخل ہوا تھا۔