آرمی چیف جنرل قمر جاوید باجوہ سے امریکی ناظم الامور مسز اینجلا کی ملاقات ہوئی ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے امریکی ناظم الامور مسز اینجلا کی ملاقات میں باہمی دلچسپی کے اموراور افغانستان کی حالیہ صورتحال پر بات چیت ہوئی۔
آئی ایس پی آر کے مطابق ملاقات میں مختلف شعبوں میں پاک امریکہ دو طرفہ تعاون سے متعلق امور پر بھی تبادلہ خیال ہوا۔
پاک فوج کے ترجمان کے مطابق اس مو قع پر آرمی چیف جنرل قمر جاوید باجوہ نے کہاکہ پاکستان امریکہ کے ساتھ دیرپا تعلقات اور دو طرفہ روابط کی روایت برقرار رکھنے کا خواہشمند ہے۔
آرمی چیف نےافغانستان میں انسانی بحران سے بچنے کے لئے مشترکہ کوششیں کرنے پر زور دیتے ہوئے کہاکہ افغان عوام کی معاشی ترقی کے لیے عالمی سطح پر یکجا ہونے کی ضرورت ہے۔
آئی ایس پی آر کے مطابق امریکی ناظم الامورمسز اینجلا نے افغان صورتحال اورعلاقائی استحکام کے لیے پاکستان کی کوششوں کو بھی سراہا۔
اس اہم ملاقات میں پاکستان کے ساتھ ہر سطح پر سفارتی تعاون میں مزید بہتری کے لیے امریکی ناظم الامورمسز اینجلا نے کردار ادا کرنے کا عزم کیا۔
