تازہ تر ین

انگلینڈ میں آج رات آخری پارٹی؟ نئے سال سے سخت پابندیاں لگنے کا امکان

کیا آج کی رات انگلینڈ کے شہریوں کے لیے پارٹی کا آخری موقع ہوگا؟ وزیر اعظم بورس جانسن اگلے ہفتے فیصلہ کریں گے کہ آیا انگلینڈ میں نئی ​​کورونا پابندیاں عائد کی جائیں یا نہیں۔

مقامی میڈیا کے مطابق انگلینڈ کے وزیر اعظم بورس جانسن اگلے ہفتے فیصلہ کریں گے کہ آیا انگلینڈ میں کورونا وائرس کے اومیکرون ویریئنٹ کے پھیلاؤ کو روکنے کے لیے نئی پابندیاں عائد کی جائیں یا نہیں۔

طبی ماہرین نے متنبہ کیا ہے کہ ایک لاکھ 89 ہزار  مزید کیسز آنے کے بعد اسپتالوں پہ دباؤ بڑھ سکتا ہے جس کے سبب  نئی پابندیوں کی ضرورت پڑ سکتی ہے۔

بورس جانسن نے کرسمس اور نیو ایئر کے  موقع پر نئی پابندیاں عائد نہ کرنے کا فیصلہ کیا ہے لیکن اومیکرون کیسز کی بڑھتی ہوئی تعداد اس خدشے کو ہوا دے رہی ہے کہ نئے اقدامات طور پر نافذ کیے جاسکتے ہیں۔

گزشتہ روز برطانیہ بھر میں مزید ایک لاکھ 89 ہزار 213 کیسز ریکارڈ کیے گئے  جو کہ  یومیہ کیسز کا ایک نیا ریکارڈ ہے  جبکہ اسپتال میں داخل کورونا مریضوں کی تعداد بڑھ کر 11 ہزار 452 ہوگئی ہے جو صرف ایک ہفتے میں 61 فیصد کا اضافہ ہے۔

بورس جانسن نے نئے سال کے موقع پر پیغام میں کہا کہ ویکسین کی بدولت اس بیماری کے خلاف جنگ میں ملک کی پوزیشن اب گزشتہ سال کے مقابلے میں بہتر ہے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain