تازہ تر ین

ترکیہ ، شام میں زلزلہ : امریکا کی ہرممکن امداد فراہم کرنےکی یقین دہانی

واشنگٹن: (ویب ڈیسک) امریکی صدر جو بائیڈن نے ترکیہ اور شام کے زلزلہ متاثرہ علاقوں میں مدد کی ہدایت کردی ۔
غیر ملکی میڈیا کے مطابق وائٹ ہاؤس سے جاری بیان میں کہا گیا ہے کہ ترکیہ اور شام میں زلزلے کی رپورٹس پر شدید تشویش ہے ، ہم ہر طرح کی امداد فراہم کرنے کیلئے تیار ہیں ، امریکی صدر جو بائیڈن نے یو ایس ایڈ اور حکومت کے اداروں کو زلزلے سے متاثرہ علاقوں میں امداد فراہم کرنے کی ہدایت کردی ۔
وائٹ ہاؤس کے بیان میں کہا گیا کہ ہم ترکی کی حکومت کے ساتھ ہیں اور صورتحال پر گہری نظر رکھے ہوئے ہیں۔
ترکیہ کی ڈیزاسٹر اینڈ ایمرجنسی مینجمنٹ ایجنسی نے بھی بین الاقوامی امداد کی اپیل کردی ہے ۔
واضح رہےکہ ترکیہ اور شام میں زلزلے سے اب تک ایک ہزار سے زائد افراد جاں بحق ہوچکے ہیں جبکہ سیکڑوں زخمی ہیں ، امریکی جیولوجیکل سروے کے مطابق زلزلے کی شدت 7.8 ریکارڈ کی گئی ، زلزلے سے کئی عمارتیں بھی ملبے کا ڈھیر بن گئیں، بڑے پیمانے پر امدادی سرگرمیاں جاری ہیں۔
ترک میڈیا کے مطابق زلزلے کے شدید ترین جھٹکے ایک منٹ تک محسوس کیے گئے، زلزلے کا مرکز ترکیہ سے 23 کلومیٹر جنوب میں تھا، جبکہ گہرائی 17.9 کلومیٹر تھی ۔
خیال رہے کہ ترکیہ میں اکثر زلزلے آتے رہتے ہیں ، اس سے قبل سال 1999 میں ترکیہ کے شمال مغرب میں آنیوالے زلزلے میں 18ہزار افراد جان کی بازی ہار گئے تھے ۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain