افغانستان اور جنوبی افریقہ کے درمیان پہلی دو طرفہ سیریز کیلئے شیڈول جاری کردیا گیا۔
افغان کرکٹ بورڈ (اے سی بی) جنوبی افریقہ کیخلاف تین میچز پر مشتمل سیریز کی میزبانی کرے گا جبکہ تینوں میچز شارجہ کے تاریخی کرکٹ گراؤنڈ میں کھیلے جائیں گے۔
شیڈول کے مطابق دونوں ٹیمیں 18 سے 22 ستمبر کے دوران میچز کھیلیں گی، یہ سیریز افغانستان کے فیوچر ٹور پروگرام کا حصہ نہیں تھی۔
دونوں ٹیموں کے درمیان میچز کی سیریز آئرلینڈ کے خلاف جنوبی افریقہ کے شیڈول میچز سے محض 5 روز قبل اختتام پذیر ہوگی۔
اس سے قبل جنوبی افریقی ٹیم ویسٹ انڈیز کے خلاف 2 ٹیسٹ اور 3 ٹی20 میچز کی سیریز کھیلے گی، جس کا آغاز 7 اگست سے ہوگا۔
افغانستان کیلئے یہ سیریز 9 سے 13 ستمبر تک بھارت کے نوئیڈا میں نیوزی لینڈ کیخلاف اپنے تاریخی ٹیسٹ میچ کے فوراً بعد منعقد ہوگی۔
