فلائی دبئی ہائی جیکنگ، پائلٹ اسرائیلی ایئرپورٹ پر طیارہ ٹکرانا چاہتا تھا، یو اے ای

ابوظہبی(آئی این پی )متحدہ عرب امارات کے پراسیکیوٹر جنرل نے کہا ہے کہ فلائی دبئی کے طیارے کو ہائی جیک کرکے اسرائیل کے تل ابیب ایئرپورٹ سے ٹکرانے کی کوشش کرنے والا عمانی کو پائلٹ آسٹریلیا میں تعلیم کے دوران انتہا پسندی کی طرف راغب ہوا تھا۔ حکام کا کہنا ہے کہ واقعے کی مزید تحقیقات جاری ہیں۔اماراتی حکام کے مطابق 29 سالہ کو پائلٹ ہمام الہمامی نے گزشتہ ماہ دبئی سے تل ابیب جانے والی پرواز ایف زیڈ 1073 کو ہائی جیک کرنے کی کوشش کی تھی۔ 30 ستمبر کو پیش آنے والے واقعے کے وقت طیارے میں 170 سے زائد مسافر اور عملے کے ارکان سوار تھے، تاہم عملے اور مسافروں کی بروقت کارروائی سے طیارے کو ہائی جیک ہونے سے بچا لیا گیا۔