امریکی اٹارنی جنرل میرک گارلینڈ کاچین پر عدالتی نظام میں مداخلت کا الزام

واشنگٹن: (ویب ڈیسک) امریکا اور چین میں ایک بار پھر محاذ آرائی بڑھنے لگی، امریکی اٹارنی جنرل میرک گارلینڈ نے چین پر عدالتی نظام میں مداخلت کا الزام عائد کر دیا۔ امریکی اٹارنی جنرل میرک گارلینڈ کا چین پر عدالتی نظام میں مداخلت کا الزام عائد کرتے ہوئے کہا ہے کہ 13 چینی شہریوں نے چینی انٹیلی جنس کیلئے کام کیا، چین کی حکومت نے امریکا میں افراد کے حقوق اور آزادیوں میں مداخلت کی کوشش کی جو ہمارے عدالتی نظام کو کمزور کرنے کی کوشش ہے۔ میرک گارلینڈ نے 2 چینی جاسوسوں کے خلاف بھی الزامات عائد کئے اور کہا کہ یہ مبینہ طور پر چین میں قائم عالمی ٹیلی کام کمپنی کے خلاف وفاقی مقدمے میں مداخلت کر رہے تھے، دستاویز کے مطابق اس چینی ٹیلی کام کمپنی کو نیویارک کے علاقے بروکلین میں مقدمے کا سامنا ہے۔