All posts by Daily Khabrain

پاکستان اور بنگلہ دیش کے خلاف بھارت کی ایک اور گیڈر بھپکی منظر عام پر

نئی دہلی (ویب ڈیسک)بھارت کے وزیرداخلہ راج ناتھ سنگھ نے بھارت کے ساتھ پاکستان اور بنگلہ دیش بارڈر کو بند کرنے کی دھمکی دیدی ۔تفصیلات کے مطابق بی ایس ایف اکیڈمی میں پاسنگ آو¿ٹ پریڈ سے خطاب کرتے ہوئے بھارتی وزیرداخلہ نے کہا کہ بھارت پاکستان اور بنگلہ کے ساتھ بین الاقوامی بارڈ ر کو سیل کرنے کی منصوبہ بندی کررہا ہے اور بہت جلدسرحدیں بند کردی جائیں گی۔انہوں نے کہا کہ سرحدیں بند کرنے کا فیصلہ دہشتگردی کے مسئلے سے نمٹنے کیلئے یہ بہت بڑا اقدام ہوسکتا ہے۔

گستاخانہ مواد بارے وزیر داخلہ کا اہم اقدام

اسلام آباد (ویب ڈیسک) سوشل میڈیا پر گستاخانہ مواد کے معاملے پر وزارت داخلہ نے سات رکنی مشترکہ تحقیقاتی ٹیم قائم کردی۔وزارت داخلہ سے جاری نوٹی فکیشن کے مطابق سات رکنی تحقیقاتی ٹیم کے سربراہی مظہر الحق کاکا خیل کریں گے ¾ٹیم زیر حراست افراد سے پوچھ گچھ کرکے رپورٹ عدالت کو پیش کرے گی۔تحقیقاتی ٹیم میں پولیس ¾آئی ایس آئی اور آئی بی سمیت پی ٹی اے کے نمائندے بھی موجود ہوں گے۔

چین کا سی پیک منصوبوں کو مزید آگے لے جانے کا عزم

بیجنگ (ویب ڈیسک)چین نے پاک چین اقتصادی راہداری منصوبے (سی پیک) کو مزید آگے لے جانے کا عزم کرتے ہوئے کہا ہے کہ وہ اس منصوبے سے دونوں ممالک کے عوام کو فائدہ پہنچانے کے لیے مزید مو¿ثر انداز میں کام کرنے کے لیے تیار ہے۔چینی وزارت خارجہ کی ترجمان ہوا چون اینگ نے اپنی معمول کی پریس کانفرنس میں کہا کہ سی پیک دونوں ممالک میں طویل المدتی ترقی کے قیام کے حوالے سے تعاون کا جدید طریقہ ہے۔انہوںنے کہاکہ سی پیک صرف پاکستان اورچین کی مشترکہ ترقی کےلئے اہم نہیں بلکہ اس سے خطے کے ممالک میں بھی خوشحالی آئےگی اور وہ آپس میں جڑجائیں گے۔ہوا چون اینگ کے مطابق سی پیک کو آگے بڑھانے کے لیے پاکستان اور چین نے وسیع پیمانے پرمشاورت کے اصولوں، مشترکہ تعاون اور فوائد کے اشتراک پر عمل کر رکھا ہے۔ترجمان کے مطابق سی پیک کے فوائد دونوں ممالک کے عوام سمیت خطے کے لوگوں کو حاصل ہوں گے۔سی پیک کے تحت ایک سرکاری روٹ کو کھولے جانے والے خدشات کو مسترد کرتے ہوئے انہوں نے ایک سوال کے جواب میں کہا کہ پاکستان، چین کی سستی مصنوعات سے بھر جائےگا جس سے وہاں کی مقامی کمپنیز کو خود کو زندہ رکھنے میں مشکلات درپیش ہوں گی۔ہوان چون اینگ نے کہا کہ پاکستانی فوج کی جانب سے چائنیز پیپلز لبریشن آرمی کی تینوں افواج کو یوم پاکستان کی فوجی پریڈ میں شمولیت کی دعوت دینا ان کےلئے اعزاز تھا۔ترجمان چینی دفتر خارجہ نے بتایا کہ پاکستان اور چین اسٹریٹجک تعاون کے شراکت دار ہیں اور دونوں ممالک کی افواج نے روایتی دوستی کو برقرار رکھا ہے۔ہوان چون اینگ نے کہاکہ پاکستان نے بھی 2015 میں چینی فوج کی جانب سے جاپانی فوج کی جارحیت اور فاشزم کے خلاف جیت کی 70 ویں سالگرہ کے موقع پر چینی فوجی پریڈ میں شرکت کے لیے اپنا فوجی دستہ بھیجا تھا۔ان کے مطابق حال ہی میں ان کی فوج کی جانب سے پاکستانی فوجی پریڈ میں شرکت کرنا دونوں ممالک اور فوج کے درمیان اعلیٰ سطح کے اسٹریٹجک تعلقات، باہمی اعتماد اور دوستی کو ظاہر کرتا ہے۔

آپریشن ردالفساد سے دہشت گردوں کے باقیات کا خاتمہ

واشنگٹن (ویب ڈیسک) امریکہ میں پاکستان کے سفیر اعزاز چودھری نے کہا ہے کہ افغانستان کے مسئلے کا فوجی حل نہیں ¾ سیاسی استحکام اور مذاکرات ہیں ¾ پاکستان اور بھارت کو بامعنی مذاکرات کرنے ہوں گے اسی سے خطے میں امن واستحکام ممکن ہوگا۔امریکی میڈیا کے نمائندوں سے گفتگومیں اعزاز چودھری نے کہا کہ افغانستان میں امن کا حل فوجی مہم جوئی میں نہیں ہے۔انہوں نے کہا کہ پاکستان بھارت کے ساتھ اچھے تعلقات کا خواہاں ہے، پاکستان اور بھار ت کو بامعنی مذاکرات کرنے ہوں گے، پاک بھارت بامعنی مذاکرات سے ہی خطے میں امن واستحکام ممکن ہوگا۔امریکا میں پاکستانی سفیر نے کہا کہ آپریشن ردالفساد دہشتگردوں کی باقیات کے خاتمے کیلئے شروع کیا گیا جو ان کے مکمل خاتمے تک جاری رہے گا۔انہوںنے کہاکہ دہشتگردی کیخلاف جاری ضرب عضب کے کامیاب نتائج نکلے ہیں۔اعزاز چودھری نے کہا کہ پاکستان میں تمام معاشی اعشارئیے بلندی کی جانب گامزن ہیں اور پاکستان دنیا میں ابھرتی ہوئی حقیقت کی طرح سامنے آرہا ہے۔

امریکی ویزوں اور اسامہ بن لادن کی پاکستان میں موجودگی بارے حسین حقانی کے انکشافات

واشنگٹن (ویب ڈیسک)امریکہ میں تعینات سابق سفیر حسین حقانی نے کہا ہے کہ انہوں نے امریکی حکام کو ویزے جاری کرنے سے پہلے سفارت خانے میں موجود سول و عسکری ونگز سے مشاورت کی تھی۔نجی ٹی وی کے مطابق حسین حقانی نے یہ نہیں بتایا کہ انہوں نے حکومت کو بتائے بغیر ویزے جاری کیے یا نہیں تاہم انہوں نے یہ کہا کہ انہوں نے ویزا درخواستیں منظور کرنے سے قبل سفارت خانے میں موجود سیکیورٹی ذمہ داروں سے مشاورت کی تھی۔ ایک ای میل میں انہوں نے لکھا کہ میں وثوق سے کہتا ہوں کہ میرے دور میں واشنگٹن کے سفارت خانے نے کسی مجاز اتھارٹی کی اجازت کے بغیر ویزے جاری نہیں کیے۔سابق سفیر نے کہا کہ اصل مسئلہ امریکی عہدیداروں کو ویزوں کا اجراءنہیں بلکہ اسامہ بن لادن کی پاکستان میں موجودگی تھی۔انہوںنے کہاکہ میڈیا میں شائع ہونے والے خط سے ان کے اس مو¿قف جس میں انہوں نے یہ دعوے کیے تھے کہ امریکی عہدیداروں کو جاری کیے گئے ویزوں کی نظرثانی یا جانچ پڑتال میں سفارت خانے کا عسکری ونگ بھی ملوث ہوتا ہے، سمیت دیگر معاملات پر ان کی پوزیشن واضح ہوتی ہے۔حسین حقانی نے رائی کا پہاڑ بنانے والے لوگوں کو مشورہ دیا ہے کہ شخصیات پر الزام لگانا بند کرکے اداروں کی ناکامیوں کی جانچ پڑتال کریں۔خیال رہے کہ میڈیا میں افشا ہونے والی دستاویز دراصل سابق وزیر اعظم یوسف رضا گیلانی کی پرنسپل سیکریٹری نرگس سیٹھی کے دستخط سے جاری ہونے والا وہ خط ہے جو اس وقت واشنگٹن کے سفارت خانے کو بھیجا گیا تھا، جس میں سفیر کو امریکی عہدیداروں کو اسلام آباد کی مشاورت کے بغیر ایک سال کی مدت تک ویزے جاری کرنے کا اختیار دیا گیا تھا۔

حکومت پاکستان کا جنرل (ر)راحیل شریف بارے بڑا فیصلہ

اسلام آباد (ویب ڈیسک)حکومت پاکستان نے سعودی عرب کی درخواست پر جنرل(ر) راحیل شریف کوسعودی عسکری اتحادکی سربراہی کی اجازت دےدی ہے ¾ رسمی کارروائی باقی ہے ۔نجی ٹی وی سے گفتگو کرتے ہوئے وزیردفاع خواجہ آصف نے کہا کہ سابق آرمی چیف جنرل (ر) راحیل شریف کو سعودی عسکری اتحاد کی سربراہی کی اجازت کیلئے سعودی حکومت نے پاکستان سے تحریری اجازت مانگی تھی اور پاکستان نے سعودی حکومت کو تحریری طور پرآگاہ کردیا ہے کہ پاکستان کو معاملے پر کوئی اعتراض نہیں ہے اور اس سے متعلق اب صرف رسمی کارروائی باقی ہے تاہم ہمیں ابھی تک جنرل(ر) راحیل شریف کی طرف کوئی درخواست موصول نہیں ہوئی ہے۔یاد رہے کہ سعودی عرب نے مسلم ممالک کی افواج کیلئے سابق آرمی چیف جنرل(ر )راحیل شریف کو قیادت کرنے کی پیشکش کی تھی۔

پانچ کتوں کا بچے کے ساتھ درندوں جیسا سلوک

کوئٹہ (ویب ڈیسک)کوئٹہ کے علاقے میاں غنڈی کے علاقے میں پانچ کتوں نے آٹھ سالہ بچے کو نوچ ڈالا ¾ بچے کو ہسپتال انتظامیہ نے داخل کرنے سے انکار کر دیا۔میاں غنڈی کے علاقے میں مدرسہ جانے والے ظہور احمد نامی آٹھ سالہ بچے پر پانچ آوارہ کتوں نے حملہ کر دیا اور بچے کو بری طرح نوچ ڈالا ، بچے کی چیخ و پکار پر اہل علاقہ جمع ہوئے اور بچے کو شدید زخمی حالت میں سول ہسپتال منتقل کیا جہاں اسے ابتدائی طبی امداد کے بعد داخل نہ کرنے پر ہسپتال انتظامیہ نے موقف اختیار کیا کہ بچے کے ساتھ کوئی خاتون نہیں جس کی وجہ سے ظہور احمد کا والد ایسے تشویشناک حالت میں اٹھائے ہسپتال کے چکر کاٹتا رہا۔صوبائی حکومت نے گزشتہ سال بھی آوارہ کتوں کو ٹھکانے لگانے کی مہم شروع کی تھی مگر باوجود اس کے شہر میں آوارہ کتوں کی بھر مارہے۔

قومی ٹیم کا کالی آندھی کے خلاف پلڑا بھاری

لاہور(ویب ڈیسک)پاکستان اورویسٹ انڈیزکی کرکٹ ٹیموں کے مابین 2011ءسے 27ستمبر2016ءتک7ٹی ٹونٹی میچ کھیلے گئے جن میں سے پاکستان نے5اورویسٹ انڈیزنے2میچ جیتے۔پاکستان کی کامیابی کاتناسب71.42فیصداورویسٹ انڈیزکی کامیابی کاتناسب28.57فیصدہے۔

گرین شرٹس کی کامیابی سری لنکا پر منحصر

لاہور(ویب ڈیسک)89پوائنٹس کے ساتھ آئی سی سی ون ڈے رینکنگ میں آٹھویں درجے پر موجود پاکستان ٹیم کی بغیر کھیلے ایک درجہ ترقی کا امکان پیدا ہوگیاتاہم اس کا مکمل انحصار سری لنکاکی ٹیم پر ہوگا۔سری لنکا کی ٹیم اگر تین ون ڈے میچوں کی سیریزمیں بنگلہ دیش کو کلین سوئپ سے دوچار کردے تو بنگلہ دیشی ٹیم ایک درجہ تنزلی کا شکار ہوکر پاکستان کی جگہ آٹھویں نمبرپر چلی جائیگی جس کے سبب پاکستان ایک درجہ ترقی پاکر ا±س کی جگہ ساتویں پوزیشن پر آجائیگی۔واضح رہے کہ ان دنوں تین ٹیموں بنگلہ دیش، پاکستان اور ویسٹ انڈیزکے درمیان آئی سی سی ورلڈکپ2019ءمیں براہ راست شرکت کیلئے مقابلہ چل رہاہے ان میں سے ایک ٹیم کوورلڈکپ کھیلنے کیلئے لازماً کوالیفائنگ راﺅنڈکھیلنا پڑے گا۔ یاد رہے کہ 2019ءمیں انگلینڈمیں شیڈول آئی سی سی ورلڈکپ میں وہی ٹیمیں براہ راست شرکت کی اہل ہوں گی جو 30ستمبر تک آئی سی سی ون ڈے رینکنگ میں ٹاپ 8 پوزیشنز پر موجود ہوں گی۔ورلڈکپ2019ءمیں براہ راست شرکت سے محرومی کا سب سے زیادہ خطرہ ویسٹ انڈیز اور پاکستان کو ہے جن کے درمیان 7سے11اپریل کے درمیان ون ڈے سیریز کھیلی جانی ہے لیکن اس سے قبل ان ٹیموں کے درمیان(اتوار) سے چار ٹوئنٹی20میچوں کی سیریز شروع ہوگی۔اس دوران دونوں ٹیموں کی نظریں بنگلہ دیش اور سری لنکا پرجمی ہوں گی کیونکہ اس سیریزکا نتیجہ دونوں ٹیموں خصوصاً پاکستان کیلئے انتہائی اہمیت کا حامل ہے۔واضح رہے کہ پاکستان ویسٹ انڈیز کے خلاف اپنی ون ڈے سیریز سے قبل صرف اسی صورت میں ایک درجہ ترقی پاسکتا ہے کہ سری لنکا بنگلہ دیش کو کم ازکم دو میچوں کے مارجن سے شکست دے یعنی کلین سوئپ یاایک میچ بارش کی نذر ہوجانے کی صورت میں2-0سے کامیابی حاصل کرے بصورت دیگر رینکنگ ٹیبل پر کوئی تبدیلی نہیں آئیگی۔تین ون ڈے میچوں کی سیریز میںبنگلہ دیش کے پاس اپنی رینکنگ بہتر بنانے کیلئے کلین سوئپ کے علاوہ کوئی دوسراراستہ نہیں۔بنگلہ دیش کلین سوئپ کرنے کی صورت میں سری لنکاکی جگہ چھٹے نمبرپر آسکتا ہے۔

قوم کے تحفظ کے لیے ہر ممکن اقدامات کیے جائیں گے، سربراہ پاک فوج

راولپنڈی(خبریں ویب ڈیسک) پاک فوج کے سربراہ جنرل قمر جاوید باجوہ کا کہنا ہے کہ پ±رامن پاکستانی قوم کے تحفظ کے لیے ہر ممکن اقدامات کیے جائیں گے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے مہمند اوراورکزئی ایجنسی کا دورہ کیا جہاں انہیں بارڈر سیکیورٹی انتظامات اور سرحد پار سے دہشت گرد حملوں پر بریفنگ دی گئی جب کہ آرمی چیف نے پیشہ ورانہ تیاریوں، دہشت گرد حملوں پر مو¿ثر جواب اور انٹیلی جنس بیس آپریشن کے دوران 5 دہشتگردوں کی ہلاکت کو بھی سراہا۔آرمی چیف نے سوران اور کلایا میں جوانوں سے ملاقات کی، اس موقع پر ان کا کہنا تھا کہ قوم کے تحفظ کے لیے ہر ممکن اقدامات کیے جائیں گے اورفورسز ملک کو فسادیوں سے پاک کرنے کی کوشش کررہی ہیں جب کہ میجرمد ثراور 2 جوانوں نے قوم کی خاطر عظیم قربانی دی ہے اور فورسز کی عظیم قربانیوں پر فخر ہے۔آرمی چیف کا کہنا تھا کہ دہشتگردی کے خلاف پاکستان اورافغانستان نے بہت قربانیاں دی ہیں جب کہ پاک افغان سرحد پر دوطرفہ سیکیورٹی مکینزم بنانے کیلیے افغان حکام سے رابطے میں ہیں کیوں کہ موثر سرحدی نظام دونوں برادر اسلامی ملکوں کے مفاد میں ہے۔ انہوں نے کہا کہ افغان حکام کے ساتھ ملکر سرحدی انتظامات بہتر بنانے کے لیے کوشاں ہیں جس کے لئے سرحدی نگرانی کیلیے فضائی نگرانی کیساتھ جدید آلات بھی نصب کیے جارہے ہیں۔