All posts by Muhammad Shafiq

ٹماٹروں کی آسمان کو چھوتی قیمت پر شنیرا اکرم کا دلچسپ ٹوئٹ

کراچی: (ویب ڈیسک)سابق قومی کرکٹ ٹیم کے کپتان وسیم اکرم کی اہلیہ شنیرا اکرم نے ٹماٹروں کی ہوشربا قیمت پر مزاحیہ ٹوئٹ کرتے ہوئے حکمرانوں کی توجہ ملک میں جاری مہنگائی کی جانب مبذول کرائی ہے۔ملک بھر میں ٹماٹروں کی قیمت آسمان سے باتیں کررہی ہے اور کہیں ٹماٹر 250 توکہیں 300 روپے فی کلو میں فروخت ہورہے ہیں، جس کے باعث ٹماٹر عام عوام کی پہنچ سے دور ہوگئے ہیں۔ سونے پر سہاگہ مشیر خزانہ کے ٹماٹروں کی قیمت سے متعلق بیان جس میں انہوں نے کہا ہے کہ سبزی منڈی میں ٹماٹر 300 روپے کلو نہیں بلکہ 17 روپے فی کلو فروخت ہورہے ہیں نے عوام کے غصے کو مزید ہوا دی ہے۔سوشل میڈیاصارفین نے حفیظ شیخ کے بیان کی شدید مذمت کرتے ہوئے کہا کہ جنہیں یہ معلوم نہیں کہ ملک میں ٹماٹروں کی کیاقیمت ہے وہ ملک کیا چلائیں گے اور اب شنیر ا اکرم نے بھی مزاحیہ انداز میں حکمرانوں کی توجہ ملک میں جاری مہنگائی کی جانب کرائی ہے۔شنیرا نے ٹوئٹر پر ٹماٹر اورچلغوزوں کی آسمان کو چھوتی قیمتوں پر تبصرہ کرتے ہوئے لکھا پاکستان میں اس وقت ایسے حالات ہیں جب ٹماٹروں اور چلغوزوں سے بناہوا گلدستہ شادیوں میں بخوشی تحفے کے طور پر قبول کیا جائے گا۔سوشل میڈیا پر شنیرا اکرم کے اس ٹوئٹ پر لوگوں نے تبصرے کرتے ہوئے انہیں مختلف مشوروں سے نوازا ہے۔ کچھ لوگوں نے کہا آپ اپنے لان میں ٹماٹر اگاسکتی ہیں جب کہ کچھ لوگوں کا کہنا تھا کہ آپ مجھے میری شادی میں یہ تحفہ دے دیں۔

کابل میں کار بم دھماکے میں 7 افراد ہلاک، 7 زخمی

کابل(ویب ڈیسک): افغان دارالحکومت کابل میں کار بم دھماکے کے نتیجے میں 7 افراد ہلاک اور 7 زخمی ہوگئے۔افغان میڈیا کے مطابق افغانستان کے دارالحکومت کابل میں کار بم دھماکے کے نتیجے میں 7 افراد ہلاک اور 7 زخمی ہوگئے، واقعہ کے بعد ایمبولینس کے ذریعے زخمیوں کو اسپتال منتقل کیا گیا جہاں ہلاکتوں میں اضافے کا خدشہ ظاہر کیا جارہا ہے۔دوسری جانب سیکیورٹی فورسز نے دھماکے کی جگہ کو گھیرے میں لیکر شواہد اکھٹے کرنا شروع کردیے ہیں، دھماکا خودکش تھا یا کار میں بم نصب کیا گیا اس حوالے سے تحقیقات جاری ہیں جب کہ دھماکے کی ذمہ داری کسی بھی گروپ کی جانب سے قبول نہیں کی گئی۔

پاکستانی میک اپ آرٹسٹ کا ملکہ ترنم نورجہاں کو منفرد اندازمیں خراج تحسین

کراچی:(ویب ڈیسک) نامورپاکستانی میک اپ آرٹسٹ شعیب خان نے ملکہ ترنم نورجہاں کو منفردانداز میں خراج تحسین پیش کیا ہے۔پاکستانی میک اپ آرٹسٹ اوربیوٹی بلاگرشعیب خان نے انسٹاگرام پراپنی تصاویرشیئر کی ہیں جن میں انہوں نے میک اپ کے ذریعے خود کو ملکہ ترنم نور جہاں کے روپ میں ڈھالا ہوا ہے۔ شعیب خان نے اتنی مہارت سے میک اپ کیا ہے کہ پہلی نظر میں انہیں پہچاننا مشکل ہوجاتا ہے کہ یہ میڈم نور جہاں نہیں بلکہ ایک مَرد میک اپ آرٹسٹ ہے۔شعیب خان نے میڈم نورجہاں کو خراج تحسین پیش کرتے ہوئے کہا ہے کہ وہ بچپن ہی سے ان کی خوبصورتی کے بہت بڑے مداح ہیں۔
اس سے قبل بھی شعیب خان فلموں کے مشہورکرداروں کے روپ میں خود کو ڈھال چکے ہیں۔ چند روز قبل انہوں نے دپیکا پڈوکون کے مشہور کردار شانتی، انجلینا جولی کے کردار میلیفشنٹ اور جوکر سمیت مختلف اداکاروں کی طرح میک اپ کرکے تصاویر پوسٹ کی تھیں جنہیں سوشل میڈیا پر بے حد سراہا گیا تھا۔شعیب خان کی صلاحتیوں کے معترف صرف سوشل میڈیا صارفین ہی نہیں بلکہ پاکستان شوبز انڈسٹری سے تعلق رکھنے والے فنکار بھی ہیں۔ ماڈل صدف کنول، اداکارہ مایا علی اورصحیفہ جبار خٹک نے شعیب خان کی صلاحتیوں کی تعریف کرتے ہوئے کہا ہے کہ شعیب کو آسکرایوارڈ ملنا چاہیئے۔

نوازشریف کا نام ای سی ایل سے نکالنے کا معاملہ لٹک گیا

اسلام آباد(ویب ڈیسک): نوازشریف کا نام ای سی ایل سے نکالنے کا معاملہ کابینہ کی ذیلی کمیٹی کا اجلاس نہ ہونے کے باعث لٹک گیا ہے۔گزشتہ روز وزیر قانون فروغ نسیم کی زیرصدارت وفاقی کابینہ کی ذیلی کمیٹی کا اجلاس ہوا تھا جوبے نتیجہ رہا، طویل اجلاس کے بعد بھی نواز شریف کا نام ای سی ایل سے نکالنے کا فیصلہ نہیں ہوسکا تھا تاہم اس بارے میں کابینہ کی ذیلی کمیٹی کا آج اجلاس ہونا تھا جو نہ ہوسکا۔ذرائع کا کہنا ہے کہ نوازشریف کا نام ای سی ایل سے نکالنے کے معاملہ پر کابینہ کی ذیلی کمیٹی کا آج اجلاس نہیں ہوگا، ذیلی کمیٹی نے اپنی صرف سفارشات مرتب کرنا ہیں اور معاملہ کابینہ کو بھیجا جائے گا، ذیلی کمیٹی کی سفارشات پر حتمی فیصلہ کابینہ کرے گی۔میڈیا سے گفتگو میں وزیر قانون بیرسٹر فروغ نسیم کا کہنا تھا کہ نواز شریف کا نام ای سی ایل سے نکالنے کے معاملے پر مشاورت کی ہے جس میں معاون خصوصی شہزاد اکبر اور سیکرٹری داخلہ نے شرکت کی تھی، حتمی سفارشات تیار کرکے وزیراعظم عمران خان اور کابینہ کو بھیجیں گے، جو بھی فیصلہ ہوگا اس سے باقاعدہ آگاہ کریں گے۔فروغ نسیم نے کہا کہ نواز شریف کی رضامندی سے ہمارا فیصلہ مشروط نہیں ہو گا، جو فیصلہ ہوگا ہم دے دیں گے، نواز شریف کی میڈیکل رپورٹ کے مطابق ان کی صحت خراب ہے۔سیکرٹری صحت پنجاب مومن آغا اور نواز شریف میڈیکل بورڈ کے سربراہ ذیلی کمیٹی کے اجلاس میں شرکت کے لیے وزارت قانون پہنچے لیکن اجلاس نہ ہونے پر واپس روانہ ہوگئے۔ ڈاکٹر محمود ایاز کا کہنا ہے کہ اجلاس نہیں ہورہا، شریف خاندان کے نمائندے عطا تارڑ کا کہنا تھا کابینہ ذیلی کمیٹی کا نہ تو بایئکاٹ کیا اور نہ ہی اس میٹنگ کے لیے بلایا گیا ہے۔واضح رہے کہ گزشتہ روز وفاقی کابینہ نے سابق وزیر اعظم نواز شریف کو علاج کے لیے بیرون ملک جانے کی مشروط اجازت دینے کی منظوری دی تھی تاہم سابق وزیراعظم نے ای سی ایل سے نام نکالنے کے معاملے پر حکومتی شرائط تسلیم کرنے سے انکار کردیا تھا۔

ٹور میچ میں عمران خان کے خوف سے کینگروز پر لرزہ طاری

پرتھ:(ویب ڈیسک) سہ روزہ ٹور میچ کے دوسرے دن عمران خان کے خوف سے کینگروز پر لرزہ طاری ہوگیا، فاسٹ بولر نے آسٹریلیا کی بیٹنگ لائن اجاڑ کر رکھ دی۔پرتھ میں پنک گیند کے ساتھ کھیلے جارہے ڈے اینڈ نائٹ سہ روزہ میچ میں پاکستان نے بیٹنگ کے بعد بولنگ میں بھی عمدہ کارکردگی کا مظاہرہ کرتے ہوئے حریف آسٹریلیا کے ہوش اڑا کر رکھ دیے۔ خاص طور پر ٹیم میں کم بیک کرنے والے عمران خان نے بہترین بولنگ کا مظاہرہ کرتے ہوئے میزبان بیٹسمینوں کو زیادہ دیر کریز پر نہیں ٹکنے دیا، انھوں نے اپنی پہلی ہی گیند پر جوئے برنز کو کھاتہ کھولنے کی مہلت دیے بغیر بولڈ کردیا، دوسرے اوپنر مارکس ہیرس کو شاہین شاہ آفریدی نے انتہائی خوبصورت انداز میں کلین بولڈ کیا، ان کی اننگز 16 رنز تک محدود رہے۔ہائی کوالٹی پیس بولنگ کے ساتھ پنک گیند کا سامنا کرنا الگ چیز ہے مگر میزبان بیٹسمین ٹریوس ہیڈ نے سوچا بھی نہیں ہوگا کہ وہ افتخار احمد کی وکٹ بن جائیں گے، جنھوں نے انھیں اپنی شارٹ بال پر بابر اعظم کا کیچ بنوایا، ہیڈ 13 رنز بناسکے۔ عثمان خواجہ بھی افتخار کا ہی شکار ثابت ہوئے، ان کے بیٹ کے کنارے کو چھوتی ہوئی گیند سیدھی وکٹ کیپر محمد رضوان کے گلوز میں لینڈ کرگئی۔پاکستان کے خلاف ٹیسٹ اسکواڈ کا حصہ بننے کے خواہشمند ایک اور بیٹسمین ول پوکووسکی عمران خان کی گیند پر کاٹ بی ہائنڈ کی زوردار اپیل سے تو بچے مگر پھر انھوں نے عمران کی ہی شارٹ لینتھ بالکو سلپس میں موجود افتخار احمد کے ہاتھوں میں اچھال دیا، وہ بھی صرف 5 رنز بناسکے۔کپتان الیکس کیری نے عمران خان کی گیند کو نہ کھیلنے کا فیصلہ اتنی تاخیر سے کیا کہ وہ ان کے بیٹ سے ٹکرا کر وکٹوں میں جالگی۔ انھیں ڈک کے ساتھ پویلین واپس لوٹنا پڑا۔ مائیکل نیسیر (2) عمران کی گیند پر سلپ میں اسد شفیق کے ہاتھوں کیچ ہوئے، جھے رچرڈسن (0) کو ایل بی ڈبلیو کرکے عمران نے اپنی 5 وکٹیں مکمل کیں۔ 57 کے ٹوٹل پر نویں وکٹ گری جب یاسر شاہ نے سین ایبٹ (2) کو ایل بی ڈبلیو کیا، اس وقت تک 23.3 اوورز کا کھیل ہوا تھا۔ اس شرمناک صورتحال میں میزبان سائیڈ کو کیمرون ببینکرافٹ نے سنبھالنے کی کوشش کی، انھوں نے چھٹے نمبر پر بیٹنگ کرتے ہوئے سب سے زیادہ 49 رنز بنانے کے ساتھ 31.1 اوورز تک آخری کھلاڑی ریلی میریڈتھ کے ہمراہ 65 رنز جوڑ کر مجموعے کو 122 تک پہنچایا۔دلچسپ بات یہ ہے کہ انھیں میچ سے قبل نک میڈینسن کے دماغی مسائل کی وجہ سے دستبردار ہونے کی وجہ سے ٹیم میں شامل کیا گیا تھا۔ آخر کار آفریدی نے بینکرافٹ کو متبادل فیلڈر عابد علی کا کیچ بنوا کر آسٹریلیا کی پہلی اننگز کا اختتام کیا۔ عمران نے 5 جبکہ آفریدی اور افتخار نے 2، 2 وکٹیں لیں۔جواب میں دوسرے دن کے اختتام تک پاکستان نے بغیر کسی نقصان کے دوسری اننگز میں 7 رنز بناکر 313 رنز کی برتری حاصل کرلی تھی۔ اس سے قبل دن کے آغاز پر پہلی اننگز میں پاکستان کے دونوں اوورنائٹ بیٹسمین بابر اعظم اور اسد شفیق اپنے گذشتہ روز کے اسکور 157 اور 119 پر ہی ریٹائر آو¿ٹ ہوگئے تاکہ دوسرے کھلاڑیوں کو بیٹنگ کا موقع ملے تاہم اس سے افتخار اور محمد رضوان کوئی فائدہ نہیں اٹھاسکے، دونوں ہی 6، 6 رنز پر بالترتیب نیسیر اور رچرڈسن کی وکٹ بن گئے۔آخر میں یاسر شاہ نے نہ صرف 53 رنز بنائے بلکہ انھوں نے شاہین شاہ ا?فریدی (25) کے ساتھ آٹھویں وکٹ کیلیے 67 رنزکی شراکت بھی کی، پاکستان کی پہلی باری کا اختتام 428 رنز پر ہوا، رچرڈسن نے 3 جبکہ نیسیر اور میریڈتھ نے 2، 2 کھلاڑیوں کو آو¿ٹ کیا۔

بچوں سے زیادتی کر کے لائیو ویڈیو بنانے والا انٹرنیشنل ڈارک ویب کا سر غنہ گرفتار

راولپنڈی (این این آئی)راولپنڈی پولیس نے تھانہ روات کے علاقے میں کارروائی کرتے ہوئے بچوں سے زیادتی کی براہ راست ویڈیوز نشر کرنے والے بین الاقوامی ڈارک ویب کے سرغنہ کو گرفتار کرلیا۔سی پی او راولپنڈی فیصل رانا نے بتایا کہ بچوں سے زیادتی کرکے لائیو ویڈیو چلانے والا انٹرنیشنل ڈارک ویب کا سرغنہ گرفتار کرلیا۔ ایک محنت کش کے چے سے بدفعلی کی اطلاع پر اس کی گرفتاری عمل میں آئی اور دوران تفتیش ہولناک انکشافات سامنے آئے کہ وہ اس مکروہ کام کا عادی مجرم ہے اور بیرون ملک سزا بھی کاٹ چکا ہے۔پولیس کے مطابق سہیل ایاز خیبر پختون خوا کے سول سیکرٹریٹ محکمہ منصوبہ بندی کو کنسلٹینسی دے رہا تھا اور صوبائی حکومت سے ماہانہ 3 لاکھ روپے تنخواہ لیتا ہے، وہ برطانیہ میں بین الاقوامی شہرت کے حامل فلاحی ادارے میں بھی ملازمت کرچکا ہے۔پولیس حکام کے مطابق مجرم سہیل پاکستان میں 30 بچوں کو بدفعلی کا نشانہ بنانے کا اعتراف کر چکا ہے، اگر زیادتی کاشکار بچوں کے والدین خوف یا بدنامی کے ڈر سے مقدمے میں مدعی نہ بنے تو پولیس ان وارداتوں کی مدعی بنے گی، مجرم سے بچوں کی برہنہ ویڈیوز اورتصاویر بر آمد کرنے کے لئے ایف آئی اے سے رجوع کیا جا سکتا ہے۔فیصل رانا نے بتایا کہ سہیل ایازعرف علی کو برطانوی حکومت نے ڈی پورٹ کیا تھا اور وہ بچوں کو بدفعلی کا نشانہ بنانے کے جرم میں برطانوی جیل سے سزا کاٹ چکا ہے،اس نے برطانیہ میں بچوں کے تحفظ کے ادارے میں ملازمت کی اور وہاں یہ مکروہ دھندہ شروع کیا تھا۔پولیس حکام کے مطابق مجرم سہیل اٹلی میں بھی بچوں کے ساتھ زیادتی کے مقدمات میں عدالتی مقدمہ بھگت چکا ہے اور اسے اٹلی سے بھی ڈی پورٹ کر دیا گیا تھا، پاکستان واپس آکر اس نے تھانہ روات کے علاقہ میں رہائش اختیار کی جہاں اس نے متعدد بچوں کو زیادتی کا نشانہ بنایا۔ حال ہی میں قہوہ بیچنے والے محنت کش کے بچے سے بدفعلی اور ویڈیو بنانے کے بعد اس کی گرفتاری عمل میں آئی۔ایس پی صدر رائے مظہر اقبال نے بتایا کہ ملزم سہیل ایاز چارٹرڈ اکاو¿نٹنٹ ہے جو انتہائی ذہین اور ڈارک ویب کو استعمال کرنے کا ماہر ہے، اس کا تعلق اسلام آباد کے علاقے نیلور سے ہے۔اس کی بیوی 9 سال قبل اس کو چھوڑ کر چلی گئی تھی جبکہ اس کی ان حرکتوں کی وجہ سے اس کے والدین اور بہن بھائی بھی اس سے لاتعلق ہوگئے، تاہم انہوں نے پولیس کو اس قبیح فعل کی اطلاع دینا ضروری نہ سمجھا۔

حکمرانوں کی رٹ ختم کر دی ،بی پلان کا اعلان آج کرونگا،فضل الرحمن

اسلام آباد (خبرنگار خصوصی)جمعیت علمائے اسلام (ف) کے سربراہ مولانا فضل الرحما ن نے پلان بی کا اعلان کرتے ہوئے کہاہے کہ آج سے پلان اے کے ساتھ پلان بی شروع کر دیا جائے گا۔ آزادی مارچ پلان اے ہے یہ باقی رہے گا اور جب تک پلان بی پر عملدرآمد ا اعلان نہیں کیا جائے گا سب یہیں رہیں گے ، پلان اے کے ہوتے ہوئے ہم پلان بی کی طرف جائیں گے اور جب اعلان ہو گا تو قافلہ روانہ ہو جائیں گے ، پلان بی میں اس حکومت کا سنبھلنا مشکل ہو جائے گا۔ ہم سیاسی لوگ ہیں ہمیں جھپٹنا بھی آتا ہے اور پلٹ کر حملہ کرنا بھی، ثوق سے کہتاہوں اپنے مقصد کے حصول کے قریب پہنچ گئے،تحریک نے نااہل حکمرانوں کی رٹ ختم کردی،کوئی مائی کالعل ان کوکرسی پربرقرارنہیں رکھ سکتا،ہمارا بیانیہ غالب اوران کابیانیہ شکست کھاچکا ہے،ہوائی باتیں نہیں کررہا،بہت کامیابیاں حاصل ہوئیں۔منگل کو آزادی مارچ کے شرکاءسے خطاب کرتے ہوئے جمعیت علمائے اسلام ف کے سربراہ مولانا فضل الرحمان نے پلان بی کا اعلان کر دیا۔ مولانا فضل الرحمان نے کہا کہ آج بدھ سے پلان اے کے ساتھ پلان بی شروع کر دیا جائے گا۔ آزادی مارچ پلان اے ہے یہ باقی رہے گا اور جب تک پلان بی پر عملدرآمد کا اعلان نہیں کیا جائے گا سب یہیں رہیں گے۔انہوں نے کہا کہ پلان اے کے ہوتے ہوئے ہم پلان بی کی طرف جائیں گے اور جب اعلان ہو گا تو قافلہ روانہ ہو جائیں گے۔ پلان بی میں اس حکومت کا سنبھلنا مشکل ہو جائے گا۔ ہم سیاسی لوگ ہیں ہمیں جھپٹنا بھی آتا ہے اور پلٹ کر حملہ کرنا بھی۔جمعیت علمائے اسلام (ف )کے سربراہ مولانا فضل الرحمان کی زیر صدارت جے یو آئی کے اہم اجلاس میں ملک بھرکی اہم شاہراہیں بلاک کرنے اور مارچ جاری رکھنے کافیصلہ کیا گیا، حتمی فیصلہ پیپرورک کی روشنی میں ہوگا۔تفصیلات کے مطابق جمعیت علماءاسلام ف کے سربراہ مولانا فضل الرحمان کی زیر صدارت جے یو آئی کا اہم اجلاس ہوا، ذرائع کے مطابق جے یو آئی کے اجلاس میں پلان بی کو حتمی شکل دیدی گئی، مولانا فضل الرحمان نے آئندہ کے لائحہ عمل پر مشاورت مکمل کرلی ہے۔ ذرائع کے مطابق جے یو آئی کے صوبائی امیروں نے پلان بی کی تیاری پربریفنگ دی، مولانا فضل الرحمان کا چاروں امیروں کی بریفنگ پر اطمینان کا اظہار کیا جبکہ اجلاس میں ملک بھرکی اہم شاہراہیں بلاک کرنے اور مارچ جاری رکھنے کافیصلہ کیا گیا، صوبائی امرا نے تجاویز دے دیں، حتمی فیصلہ پیپرورک کی روشنی میں ہوگا۔ ذرائع کے مطابق اجلاس میں تمام پلان کو دستاویزی شکل دی جارہی ہے، سندھ، بلوچستان، کے پی، پنجاب میں اہم شاہراہیں بند کرنے کی منصوبہ بندی اور راولپنڈی، اسلام آباد میں بھی اہم مقامات پر لاک ڈاو¿ن پلان میں شامل ہیں۔ ذرائع کے مطابق جے یو آئی اجلاس نے اسلام آباد میں دھرنا جاری رکھتے ہوئے ملک کی مختلف بڑی شاہراہیں بند کرنے پر اتفاق کرلیا گیا ہے۔ صوبائی امرا نے پلان بی پر عمل کے حوالے سے تجاویز دے دیں ہیںتاہم کچھ صوبائی امرا نے سڑکیں بلاک کرنے کی جگہوں کی نشاندہی کے لئے وقت مانگ لیا ہے۔ اکرم درانی نے نیب عدالت جبکہ راشد سومرو نے مولانا فضل الرحمن کی رہائش گاہ کے باہر گفتگو میں کہا کہ پلان بی کا بس اب اعلان ہونے ہی والا ہے ،جے یو آئی کی حتمی فیصلہ سازی پر اعتماد کے لئے مولانا فضل الرحمن نے اپوزیشن کی دیگر جماعتوں سے مشاورت شروع کردی ہے۔ حاصل بزنجو نے مولانا فضل الرحمن سے ملاقات میں مکمل ساتھ دینے کی یقین دہانی کرادی ہے۔

جے یو آئی دھرنے کے شرکاءکی تعداد دن بدن کم ہونے لگی ،قائدین پریشان

اسلام آباد (خبرنگار خصوصی) جمعیت علماءاسلام ف کے اسلام آباد پشاور موڑ پر جاری آزادی مارچ کو آج 13روز ہوجائیں گے ،حکومت کی جانب سے مولانا فضل الرحمان کے مطالبات پر کوئی سنجیدگی نہ دکھانے اور مارچ ے شرکاءکی کم ہوتی ہوئی تعداد سے جے یو آئی کی قیادت میں تشویش پائی جانے لگی، جے یو آئی نے دیگر آپشنز پر غور شروع کردیا ، ذرائع کے مطابق جے یو آئی ف کے قائدین طویل ہوتے ہوئے آزادی مارچ اور شرکاءکو درپیش مسائل کے باعث پریشان ہیں ،بعض قائدین مولانا فضل الرحمان پر دباﺅ ڈال رہے ہیں کہ حکومت ان کے مرکزی مطالبات تسلیم کرنے کو تیا رنہیں ہورہی جبکہ مارچ کے شرکاءسخت سردی اور دیگر مسائل کے باعث اکتاہٹ کا شکار ہوکر واپسی کی راہ اختیار کررہے ہیں ایسی صورتحال میں مارچ کو مزید طول دینا سیاسی طور پر نقصان دہ ہوسکتا ہے ،اس لیے دیگر آپشنز پر غور کیا جائے ،ذرائع کا کہنا ہے کہ مولانا فضل الرحمان نے قائدین کی تجویز کو درست قرار دیتے ہوئے پلان بی اور سی پر عمل کرنے کا عندیہ دیدیا ہے جس کے تحت آزادی مارچ کو ملک بھر میں پھیلاکر مرکزی شاہراہوں کو بلاک کرنے سمیت احتجاجی ریلیاں بھی نکالی جائیں گی ،ذرائع کا کہنا ہے جمعیت کے بعض قائدین نے اسلام آباد پشاور موڑ دھرنے کے باعث ارد گرد کے رہائشیوں اور عوام کو درپیش مشکلات پر مولانا فضل الرحمان کو آزادی مارچ کو یہاں سے منتقل کرنے کی بھی تجویز دی ہے ۔

مولانا سے دھرنے میں شمولیت کا نہیں آزادی مارچ کا وعدہ کیا جو پورا کر دیا،بلاول بھٹو

لاہور (وقا ئع نگار) پاکستان پیپلز پارٹی کے چیئر مین بلاول بھٹو زرداری نے کہا ہے کہ سلیکٹڈ حکومت سے نجات چاہتے ہیں، مولانا فضل الرحمان کے ساتھ جو وعدہ کیا وہ پورا کیا ے۔ان خیالات کا اظہار چیئرمین پیپلز پارٹی بلاول بھٹو نے پنجاب ایگزیکٹو کے اجلاس کے دوران کیا۔ پی پی پنجاب نے محترمہ بینظیر بھٹو شہید کی برسی کے موقع پر اس بار جلسہ راولپنڈی میں کرنے کی تجویز دی جبکہ بلاول نے 26 دسمبر کو جلسہ راولپنڈی میں کرنے پر مشاورت کیلئے وقت مانگ کیا۔پیپلز پارٹی کے چیئر مین کا کہنا تھا کہ ہم نے جمعیت علمائے اسلام (ف)کے آزادی مارچ اور جلسے میں بھرپور شرکت کی، آزادی مارچ کا ہر جگہ جیالوں نے استقبال کیا۔بلاول بھٹو زرداری کا کہنا تھا کہ ہم نے دھرنے میں ساتھ دینے کا وعدہ کیا ہی نہیں تھا، مولانا صاحب سے جو جو وعدہ کیا وہ پورا کیا۔ایک سوال کے جواب میں ان کا کہنا تھا کہ پاکستان مسلم لیگ ن کی کمٹمنٹ کا جواب تو وہ خود ہی دینگے۔ میں اپنی پارٹی کا جوابدہ ہوں۔ چیئرمین پاکستان پیپلز پارٹی بلاول بھٹو زرداری سے ممبر بار ایسوسی ایشن پتوکی عبدالرزاق بھٹی کی ملاقات ملاقات میں ملکی سیاسی صورت حال اور مسلہ کشمیر پر تبادلہ خیال تفصیلات کے مطابق ممبر بار ایسوسی ایشن پتوکی عبدالرزاق بھٹی ایڈووکیٹ ہائی کورٹ نے گزشتہ روز اوچ شریف میں چیئر مین پاکستان پیپلز پارٹی بلاول بھٹو زرداری سے ملاقات کی ملاقات میں ملکی سیاسی صورت حال اور مسئلہ کشمیر پر خصوصی گفتگو ہوئی اس موقع پر چیئر مین پاکستان پیپلز پارٹی بلاول بھٹو زرداری نے کہا کہ عالمی برادری مقبوضہ کشمیر میں کشمیری مسلمانوں کے قتل عام خواتین کی بے حرمتی اور ان کے بچوں کے ساتھ زیادتیوں کا فوری نوٹس لیکر آواز بلند کرے کشمیری مسلمانوں کا قتل عام کرنے والے قاتل مودی کا راستہ روکیں مزید کہا کہ مقبوضہ کشمیر میں مودی سرکار نے ظلم زیادتی اور ناانصافی کے پہاڑ توڑ رکھے ہیں بے گناہ کشمیروں کا قتل عام اور ان کی نسل کشی ایک بھیانک منظرکشی کا نمونہ پیش کررہی ہے عالمی میڈیا سے بھی اپیل کی کہ وہ کشمیر کی صورتحال کا جائزہ لیکر اپنے قلم کے ذریعے آواز بلندکریں تاکہ مظلوموں کے ساتھ زیادتی اور ناانصافی کا راستہ روکا جاسکے-

نواز شریف بیمار ،ڈیل کا تاثردرست نہیں ،احتساب جاری رہے گا،عمران خان

اسلام آباد(نامہ نگار خصوصی) وزیراعظم عمران خان کا کہنا ہے کہ نواز شریف کو صرف انسانی ہمدردی کی بنیاد پر بیرون ملک بھیجا جارہا ہے، ڈیل کا تاثر درست نہیں ہے احتساب کا عمل جاری رہے گا۔ وزیراعظم عمران خان کی زیر صدارت پارٹی ترجمانوں کا اجلاس ہوا، اجلاس میںنواز شریف کا نام ای سی ایل سے نکالنے کے معاملے پر حکومتی بیانیے پر مشاورت ہوئی۔وزیراعظم عمران خان کا کہنا تھا کہ نواز شریف کو صرف انسانی ہمدردی کی بنیاد پر بیرون ملک بھیجا جارہا ہے۔وزیراعظم نے کہا کہ حکومت نواز شریف کے بیرون ملک علاج کے حوالے سے واضح موقف دے چکی ہے، نواز شریف قانونی تقاضے پورے کر کے باہر جائیں حکومت کوئی رکاوٹ نہیں ڈالے گی۔وزیراعظم نے ترجمانوں کو نواز شریف کے علاج سے متعلق حکومتی مقف کا سیاسی تاثر زائل کرنے کی ہدایت کرتے ہوئے کہا کہ ڈیل کا تاثر درست نہیں ہے احتساب کا عمل جاری رہے گا۔ وزیراعظم عمران خان نے کہا کہ سابق وزیراعظم اور مسلم لیگ نواز کے قائد نواز شریف کو صرف انسانی ہمدردی کی بنیاد پر بیرون ملک بھیجا جارہا ہے۔ وزیراعظم عمران خان نے کہا ہے کہ حکومت کی توجہ عام آدمی کو ہرممکن ریلیف فراہم کرنے پر مرکوز ہے۔تفصیلات کے مطابق وزیراعظم خان کی زیر صدارت حکومتی معاشی ٹیم کا اجلاس ہوا جس میں معاشی صورت حال، غیرملکی سرمایہ کاری کے فروغ سے متعلق وزیراعظم کو بریفنگ دی گئی۔وزیراعظم کو اسپتالوں کے لیے آلات و مشینری کی ڈیوٹی فری درآمد کے حکومتی فیصلے پر بریفنگ دی گئی اور چینی کی قیمتوں میں کمی لانے، پاکستان اسٹیلز ملز کی بحالی کے اقدامات سے بھی آگاہ کیا گیا۔عمران خان کو تیل، گیس، معدنیات کے شعبے میں وفاق، صوبائی حکومتوں میں تعاون پر بریفنگ دی گئی۔وزیراعظم کو بڑے صنعتی یونٹس کو دی جانے والی مراعات کے حوالے سے بریفنگ دی گئی، عمران خان کو بتایا گیا کہ چینی کی قیمتوں کو کنٹرول کرنے کے لیے موثر انتظامی اقدامات کیے جارہے ہیں، ذخیرہ اندوزی، منافع خوری کی حوصلہ شکنی پر خصوصی توجہ دی جارہی ہے، یوٹیلٹی اسٹورز کو 6 ارب جاری کرنے کے فیصلے سے قیمتوں میں خاطر خواہ کمی آئے گی۔وزیراعظم نے کہا کہ ملک میں چینی کے ذخائر اور دستیابی کی صورتحال اطمینان بخش ہے، حکومتی کوششوں سے معاشی صورت حال مستحکم اور تاجروں کا اعتماد بحال ہوا ہے۔انہوں نے کہا کہ مزید معاشی استحکام، سرمایہ کاروں کے لیے آسانیاں پیدا کرنا اولین ترجیح ہے، تیل، گیس، معدنیات میں صوبوں کی استعداد کار بڑھانے میں معاونت کریں گے۔