اسلام آباد(خصوصی رپورٹ)سینٹ کی قائمہ کمیٹی برائے انسانی حقوق نے مشال خان کے قتل کے خلاف مذمتی قرارداد منظور کرتے ہوئے ذمہ داروں کے خلاف سخت ایکشن کا مطالبہ کردیا،قرارداد میں زور دیا گیا ہے کہ ایسے اقدامات کیے جائیں کہ توہین مذہب کے قانون کا غلط استعمال روکا جائے ۔ کمیٹی اراکین نے چیف سیکرٹری بلوچستان پر اظہار برہمی کرتے ہوئے سیلاب اور بارشوں سے متاثرہ افراد کیلئے 5 لاکھ روپے فی کس دینے کی سفارش کردی ۔ اجلاس میں انسانی حقوق کمیشن کی طرف سے خواجہ سراﺅں کے حقوق سے متعلق بل کا ڈرافٹ پیش کیا گیاجس کے تحت خواجہ سراﺅں کو حقوق ملکیت، جائیدار کی وراثت کے حق، شناختی کارڈ میں مرد اور عورت خواجہ سرا کی شناخت کے علاوہ بنیادی حقوق ، شہری حقوق کی ضمانت دی گئی ہے ۔کمیٹی کا اجلاس سینیٹر جہانزیب جمالدینی کی زیرصدارت ہو ا ۔چیئرمین انسانی حقوق کمیشن نے کہا کہ بد قسمتی سے معاشرہ خواجہ سراﺅں کے ساتھ بدسلوکی کا رویہ اپناتا ہے ۔ سینیٹر فرحت اللہ بابر نے کہا کہ جو والدین خواجہ سرابچوں کونہ اپنائیں ان کے خلاف مقدمات درج کئے جائیں ۔ چیئرمین کمیٹی نے کہا کمیٹی کی سفارشات کو بل میں شامل کیا جائے گا۔ چیئرمین کمیٹی نے کہا کہ پارلیمنٹ سے کوئی بالاتر نہیں‘ عدالتوں میں پیشی ایف آئی آر کا اندراج قانونی پابندی ہے۔ لاپتہ افراد کو عدالتوں میں پیش نہ کرنا آئین کی خلاف ورزی ہے۔
All posts by Daily Khabrain
بھارتی ارب پتی تاجر کی ” مشرف“ کیساتھ تصویر نے تہلکہ مچادیا۔۔۔
لاہور(مانیٹرنگ ڈیسک) بھارتی ارب پتی تاجر سجن جندال پاکستان میں موجود ہیں اور انہوں نے وزیر اعظم سے ملاقات کی ہے جس کے بعد ملک بھر میں ہنگامہ برپا ہوگیا۔ میڈیا اور اپوزیشن وزیر اعظم پاکستان پر شدید تنقید کر رہے ہیں جبکہ حکومت کا مقف ہے کہ سجن جندال وزیر اعظم کے پرانے دوست ہیں۔ مگر سابق آرمی چیف جنرل پرویز مشرف کے ساتھ ان کی تصویر نے ایک نیا پینڈورا باکس کھول دیا ہے۔ تفصیلات کے مطابق وزیر اعظم نواز شریف کی سجن جندال اور ان کے خاندان سے ملاقات کے بعد ملک بھر میں انہیں شدید تنقید کا سامنا ہے، مگر بھارتی ارب پتی تاجر سجن جندال کی سابق آرمی چیف اور صدر پاکستان جنرل (ر) پرویز مشرف کے ساتھ بھی ایک تصویر سامنے آئی ہے۔ مشرف کی سجن جندال کے ساتھ اچھے تعلقات ہیں اس لئے انہوں نے اپنے دورہ بھارت کے دوران سجن جندال سے خصوصی ملاقات کی تھی۔
ڈبوں میں محفوظ کھانے…. کس خطرناک بیماری کاباعث ہیں
نیویارک(خصوصی رپورٹ)عالمی ادارہ صحت نے خبردار کیا ہے کہ ڈبوں میں پکے ہوئے بند کھانے بالخصوص گوشت کھانے سے کینسر کا خطرہ لاحق ہوسکتا ہے اس لیے اس سے پرہیز کیا جائے ۔عالمی ادارہ حت(ڈبلیو ایچ او)کی تحقیقاتی رپورٹ کے مطابق ڈبوں میں پکا کر بند کیا ہوا 50 گرام گوشت روزانہ کھانے سے کولوریکٹل کینسر کا خطرہ 18 فیصد تک بڑھ جاتا ہے ایک اندازے کے مطابق ہر سال 34 ہزار افراد پروسیسڈ کھانے کے استعمال سے زندگی سے ہاتھ دھو بیٹھتے ہیں ۔
”رونا دھونا“ جلد ختم, لیگی وزراءکا جھوٹی سیاست بارے حیران کُن اعلان
لاہور، اسلام آباد(نمائندگان خبریں) وزیرریلوے خواجہ سعد رفیق نے عمران خان پر تنقید کرتے ہوئے کہاہے کہ سیاسی مقاصد کیلئے قرآن پاک کانام لینے والا شخص بد بخت ہے،تحریک انصاف دروغ گوئی،بے شرمی اوربددیانتی کاشاہکارہے۔تفصیلات کے مطابق خواجہ سعد رفیق کا عمران خان کے خطاب پر ردعمل کا اظہار کرتے ہوئے کہنا تھا کہ جلسے میں عمران خان کے گر مستند کرپٹ لوگ جمع ہوتے ہیں ،رات کی تاریکی میں لائٹس کے بل پرجلسہ کرنےوالے دن میں جلسہ کیوں نہیں کرتے؟۔ عمران اور جہانگیر کی 3مئی سے تلاشی شروع ہوگی اور استعفی مانگنے والا جلد ہی سیاست سے بھاگ جائے گا۔انہوںنے عمران خان کو شدید تنقید کا نشانہ بناتے ہوئے کہا کہ نقلی بھٹو،جعلی خان،بھگت رہا ہے پاکستان۔ ذلت اور رونا دھونا تحریک انصاف کا مقدر ہے جبکہ دوسروں کےلئے گڑھے کھودنےوالاعمران خان خوداپنے گڑھے میں گرنےوالاہے یہی نہیں عمران خان تبدیلی کے نام پر لوگوں کو بے وقوف بنارہاہے اور عمرانی ٹولہ چندروزہ اقتدار کے لیے باو¿لہ ہو رہا ہے۔سعید رفیق نے لگے ہاتھوں پیپلزپارٹی پر بھی تنقید کرتے ہوئے کہاکہ 1970میں بھٹواور2013میں عمران خان نے تبدیلی کے نام پرلوگوں کوبےوقوف بنایاہے۔اگر10ارب کاثبوت نہ دیاتوجھوٹے کوقانون اورعوام کی عدالت میں گھسیٹیں گے جبکہ نوازشریف کاکارکن امیرمقام اکیلاعمران ٹولے سے حساب چکتاکرنے کےلئے کافی ہے۔ وفاقی وزیر ریلوے خواجہ سعد رفیق نے کہا ہے کہ عمران خان کے10 ارب اور وزیراعظم بننے کا خواب کبھی پورانہیں ہوگا، جھوٹ پکڑنے تک پیچھا کریں گے وزیراعظم مستعفی نہیں ہوں گے، ریاض پیرزادہ کی شکایات دور کرکے قافلے میں دوبارہ شامل کریں۔ وزیرمملکت اطلاعات ونشریات مریم اورنگزیب نے کہا ہے کہ خان صاحب فلڈ لائٹس میں خالی کرسیوں سے خطاب پر مبارک ہو، خان صاحب آپ دوسرے ممالک کےلئے سیکیورٹی رسک ہیں، آپ کو بین الاقوامی ایئرپورٹس پر روکا جاتا ہے ، آپ اپنے جھوٹ اور نفرت انگیزبیانات کی وجہ سے مقبول ہورہے ہیں ، خان صاحب میں اگر اخلاقی جرات اور شرم ہوتی تو ایک ارب روپے کی پیشکش کرنے والےبندے کا نام بتاتے، عدالت میں جھوٹ بول کر نہ تھکنے والا آج پھر جھوٹ اور صرف جھوٹ بول رہا ہے ۔جمعہ کو پی ٹی آئی کے جلسے اورعمران خان کے خطاب پر ردعمل دیتے ہوئے مریم اورنگزیب نے کہا کہ عمران صاحب اب تو لوگ بھی آپ کا رونا اور جھوٹ سننے نہیں آتے ، اللہ رسول اور قرآن کا نام لے کر جھوٹ نہ بولیں ، خالی کرسیاں ضروری اعلان کی منتظر ہیں ، میٹرو اور پل بنانا آپ کی قسمت میں نہیں ہے ، جو شخص جھوٹ بولتا ہے اس کی خدا بھی مدد نہیں کرتا۔ مریم اورنگزیب خان صاحب آپ کے خطاب میں وہ گھن گرج کیوں نہیں ہے ، آپ بیمار بیمار لگ رہے ہیں کوئی بات نہیں صدمے ہوتے رہتے ہیں ۔ وزیردفاع خواجہ محمد آصف نے کہا ہے کہ عمران خان کی 10ارب روپے کی پیشکش والی بات پر ہنسی آرہی ہے ،عمران کی ذہنی سطح نئی پستیوں میں جا گری ہے ۔جمعرات کو خواجہ آصف نے اپنے ایک بیان میں کہا کہ عمران خان کی مایوسی نئی بلندیوں کو چھو رہی ہے جبکہ ذہنی سطح نئی پستوں میں جا گری ہے ان کی 10ارب روپے کی پیشکش والی باتسن کر ہنسی آرہی ہے۔ رانا تنوےر حسین نے کہا ہے کہ عمران خان ذہنی طور پر بیمار ہیں دس ارب کا الزام ان کے بیمار سوچ کی مکمل عکاسی کرتا ہے ان کے جھوٹے الزامات اور آئے روز کی بہتان تراشی سے پی ٹی آئی کی دےگر قےادت اور کارکنوں میں ماےوسی بڑھ رہی ہے بغےر ثبوت کے الزام لگانا اور پھر ڈھٹائی کے ساتھ اس جھوٹ کو سچ کہنا ہے عمران خان کی پرانی عادت ہے کو ئی بےوقوف شخص ہی عمران خان جیسے آدمی کو دس ارب روپے کی آفر کرسکتا ہے چندہ اور زکواة اکٹھی کرنےوالے کو کو ئی بھی ذی شعور انسان اتنی بڑی پیش کش نہیں کرسکتا بے بنےاد ا لزامات لگانے والوں کو پہلے بھی ماےوسی ہو ئی تھی اور آئندہ بھی ان کو شرمندگی کا سامنا کرنا پڑے گا۔ طلال چودھری نے پنڈال میں لگی کرسیوں کی تعداد بھی بتادی، کہتے ہیں کل7 ہزار کرسیاں لگائی گئی ہیں،صرف700 خواتین کے بیٹھنے کاانتظام ہے، دونوں اطراف کرسیوںکی90 قطاریں لگائی گئی ہیں۔ رکن قومی اسمبلی محمد پرویز ملک نے کہا ہے کہ مبلغ الزام خان ثبوت دین یا آرٹیکل62,63کے لئے تیار رہیں،قانونی کارروائی کی جائے گی بھاگنے نہیں دیں گے،دوسروں پر کیچڑ اچھالنے اور الزامات لگانے سے مقبولیت میں اضافہ نہیں بلکہ ناکامیوں کا راستہ کھلتا ہے اور پریشانیاں بڑھتی ہیں ،بہتان تراشی عمران خان کا وطیرہ ہے،غریب عوام کے فلاحی منصصوبوںکی مخالفت کرنے والے نیازی خان اور زرداری خان ہیں جن کا منشور ہی ملک میں انتشار پھیلاناہے، 2018ءکے عام انتخابات میں ترقی کی مخالف سیاسی پارٹیوں کو عبرتناک شکست ہوگی۔
وزیراعظم برہم, بجلی کی فوری فراہمی کیلئے بڑا حکمنامہ جاری
اسلام آباد (خبرنگار خصوصی) وزیراعظم محمد نواز شریف نے موجودہ لوڈ شیڈنگ کے دورانیے پر ناراضگی کا اظہار کرتے ہوئے کہا ہے کہ عوام کو ریلیف فراہم کرنا حکومت کی ذمہ داری ہے ، متعلقہ وزارتوں اور ان کے اداروں نے پیشگی منصوبہ بندی نہیں کی جس کے لئے ذمہ داری کا تعین ہونا چاہیے۔ انہوںنے یہ بات جمعہ کووزیراعظم ہاﺅس میں توانائی کے بارے میں کابینہ کمیٹی کے رواں ماہ کے دوران مسلسل چوتھے اجلاس کی صدارت کرتے ہوئے کہی۔ سیکرٹری پانی و بجلی نے اجلاس کو غیر فعال آئی پی پیز اور کیپٹو پاور پلانٹس کی دستیابی اور استعمال کے بارے میں آگاہ کیا۔ انہوں نے نیپرا کی طرف سے اپ فرنٹ ٹیرف سے متعلق امور اور موسم گرما کے لئے لوڈ مینجمنٹ پلان سے بھی آگاہ کیا۔ انہوں نے اجلاس کو بتایاکہ بجلی کی 866میگاواٹ پیداوار اپریل کے مہینے میں نظام میں بحال کر دی گئی ہے اور مئی 2017ءکے وسط تک مزید 400میگاوٹ بجلی نظام میں شامل کی جائے گی ۔ وزیر پانی و بجلی نے اجلاس کو بتایاکہ بجلی کے نظام میں رکاوٹیں دور کرنے کا پروگرام دسمبر 2017ءتک مکمل ہو جائے گا۔ وزیر خزانہ نے اجلاس کو پاکستان میں سولر پاور منصوبوں کی فنڈنگ کے حوالے سے عالمی بینک کے صدر کے ساتھ اپنی ملاقات کے بارے میں آگاہ کیا ۔ وزیر اعظم نے سیکرٹری پانی و بجلی کو ہدایت کی کہ بجلی کی فراہمی کی صورتحال کی ہر گھنٹے بعد نگرانی کے لئے خصوصی ٹیم تشکیل دےں ۔ انہوں نے ہدایت کی کہ یہ ٹیم بجلی کی ترسیل اور تقسیم کے نظام کی نگرانی کے بارے میں بھی ہفتہ وار بنیاد پر رپورٹ دے۔ وزیر اعظم نے سیکرٹری پانی و بجلی ، سیکرٹری خزانہ اور وزیر اعظم کے سیکرٹری کو ہدایت کی کہ غیر فعال آئی پی پیز سے متعلق مسائل کے حل کےلئے لائحہ عمل وضع اور دو روز میں رپورٹ پیش کی جائے۔ وزیر اعظم نے وزارت پٹرولیم اور وزارت پانی و بجلی کو ہدایت کی کہ بجلی کی پیداوار کے پلانٹس کی فرنس آئل سے ری گیسیفائیڈ لیکوڈ نیچرل گیس (آر ایم جی) اور کوئلے پر منتقلی کا متوازن منصوبہ وضع کیاجائے اور توانائی کے بارے میں کابینہ کمیٹی کے آئندہ اجلاس میںیہ منصوبہ پیش کیاجائے جس سے حکومت کو تمام شعبوں کے لئے بجلی کی لاگت مزید کم کرنے میں مدد ملے گی۔ اجلاس میں وزیر خزانہ محمد اسحاق ڈار ، وزیر پٹرولیم و قدرتی وسائل شاہد خاقان عباسی ، وزیر منصوبہ بندی و ترقی احسن اقبال ،وزیر پانی و بجلی خواجہ محمد آصف ، وزیر اعلیٰ پنجاب محمد شہباز شریف ، وزیر مملکت برائے اطلاعات و نشریات مریم اورنگزیب ، وزیر اعظم کے معاون خصوصی طارق فاطمی اور سینئر حکام نے شرکت کی ۔ مےڈےا رپورٹس کے مطابق جمعہ کے روز وزےراعظم ہا¶س اسلام آباد مےں وزےراعظم نوازشرےف کی زےر صدارت توانائی بحران کے خاتمے پر اجلاس ہوا جس مےں وزےراعلیٰ پنجاب شہبازشرےف نے خصوصی طور پر شرکت کی اور ملک مےں حالےہ بجلی کی لوڈشےڈنگ اور گےس کے بحران پر قابو پانے سے متعلق وزےراعظم اور وزےراعلیٰ پنجاب شہبازشرےف کو برےفنگ دی گئی۔وزےراعظم نے بجلی کی کمی کو پورا کرنے کےلئے تمام وسائل بروئے کار لانے اور عوام کو رےلےف فراہم کرنے کی ہداےت کرتے ہوئے کہا ہے کہ بجلی کی غےر اعلانےہ لوڈشےڈنگ کسی صورت برداشت نہےں کی جائے گی اور توانائی منصوبوںکو جلد از جلد مکمل کرنے کا بھی حکم دےا ہے جبکہ انہوں نے کہا ہے کہ رمضان المبارک مےں بجلی کی لوڈشےڈنگ نہےں ہو گی،وزےراعظم وزےرپانی وبجلی کی کارکردگی سے بھی مطمئن نظر نہےں آئے۔
پاک ویسٹ انڈیزدوسرے ٹیسٹ کاکل سے آغاز
بارباڈوس ( آئی این پی) پاکستان اور ویسٹ انڈیز کی ٹیموں کے درمیان تین ٹیسٹ میچوں پر مشتمل سیریز کا دوسرا میچ کل سے برج ٹاﺅن، باربا ڈوس میں شروع ہوگا۔ تین میچوں کی سیریز میں پاکستان کو ویسٹ انڈیز کے خلاف 1-0 کی برتری حاصل ہے، میچ پاکستان کے معیاری وقت کے مطابق رات 7 بجے شروع ہوگا، پاکستان نے ویسٹ انڈیز ٹیم کو پہلے ٹیسٹ میچ میں 7 وکٹوں سے شکست دی تھی۔پاکستان کرکٹ ٹیم کے کپتان اور مایہ ناز بلے باز مصباح الحق نے کہا ہے کہ انکی ٹیم مکمل طور پر فٹ اور بھر پور فارم میں ہے۔ اور ویسٹ انڈیز کے خلاف دوسرے ٹیسٹ کے لئے میدان میں اترنے کو بے تاب ہے۔ انہوں نے کہا کہ انکی ٹیم میزبان ٹیم کو دوسرے میچ میں بھی شکست دیکر سیریز 2-0 سے اپنے نام کریگی تاہم انہوں نے کہا کہ اس مقصد کے حصول کے لئے ٹیم کو اپنی کارکردگی کو برقرار رکھنا ہوگا بلکہ اس میں مزید بہتری لانا ہوگی ۔ واضح رہے کہ دونوں ٹیموں کے درمیان ٹیسٹ سیریز کا تیسرا اور آخری ٹیسٹ میچ 10 مئی سے شروع ہوگا۔ پاکستان کو ویسٹ انڈیز کے خلاف شیڈول تین ٹیسٹ کرکٹ میچوں کی سیریز میں عالمی درجہ بندی میں پانچواں نمبر بچانے کا چیلنج درپیش ہو گا، گرین شرٹس کو اب ویسٹ انڈیز ٹیم سے ایک اور میچ جیتنا ہے اور جیت کی صورت میں پاکستان ٹیم عالمی درجہ بندی میں پانچویں پوزیشن کا دفاع کرنے میں کامیاب ہوجائیگی۔
اب تیرا کیا ہو گا کالیا …. جنید خان بے قصور قرار
لاہور( نیوز ایجنسیاں) عمراکمل کا جھوٹ پکڑا گیا،جنید خان کے خلاف ٹیم سے غائب ہونے کا بیان دیا تھا،قومی بلے باز کی چیمپئنز ٹرافی کی 15رکنی ٹیم سے چھٹی ہونے کا بھی امکان ہے۔ پاکستان کپ میں عمر اکمل اور جنید خان کی لڑائی کی گونج پی سی بی کے ایوان میں بھی سنائی دی،تین رکنی تحقیقاتی کمیٹی نے پنجاب ٹیم کے کپتان عمر اکمل کو قصوروار قرار دے دیا،ڈسپلن کی خلاف ورزی پر چیف سلیکٹر انضمام الحق بھی عمر اکمل سے ناراض ہو گئے،بلے باز کی چیمپئنز ٹرافی کی 15 رکنی ٹیم سے چھٹی ہونے کا امکان ہے۔واضح رہے پاکستان کپ میں عمر اکمل اور جنید خان کی لڑائی ہوئی تھی جس کے بعد عمر اکمل نے جنید خان پر ٹیم چھوڑ کر غائب ہونے کا الزام لگایا،جواب میں جنید خان کا کہنا تھا کہ عمر اکمل جھوٹے ہیں، طبیعت کی خرابی پر ٹیم ڈاکٹر اور مینجمنٹ کو بتا کر گیا تھا۔ عمر اکمل پاکستان کپ میں پنجاب ٹیم کے کپتان ہیں اور ان کی ٹیم خراب کارکردگی کے باعث ایونٹ سے باہر ہو چکی ہے۔
دھوکے بازشراپوواکوکھیلنے نہیں دیناچاہیے
اسلام آباد (آئی این پی ) ومبلڈن 2014 کا فائنل کھیلنے والی کینیڈا کی ٹینس کھلاڑی یوجین بوشارڈ کا کہنا ہے کہ ماریا شراپووا جیسی ‘دھوکے باز’ کھلاڑی کو دوبارہ کھیلنے کی اجازت نہیں ملنی چاہیے تھی۔ ماریا شرواپووا نے ممنوعہ ادویات کے استعمال کے جرم میں 15 ماہ کی پابندی گزاری ہے۔ ثالثی عدالت نے اپنے فیصلے میں کہا تھا کہ شراپووا ‘عالمی ڈوپر’ نہیں، یعنی انھوں نے عالمی سطح کے مقابلوں میں ممنوعہ ادویات کا استعمال نہیں کیا ہے۔لیکن یوجینی بوشارڈ کا کہنا تھا ‘وہ دھوکے باز ہیں اور میں نہیں سمجھتی کہ دھوکہ دینے والے شخص کو کسی بھی کھیل میں دوبارہ اجازت ملنی چاہیے۔ بوشارڈ عالمی سطح پر59 رینک کی کھلاڑی ہیں۔میں سوچتی ہوں کہ ورلڈ ٹینس ایسوسی ایشن کی جانب سے نوجوان بچوں کو غلط پیغام جاتا ہے کہ دھوکہ کرو اور ہم پھر سے آپ کا خیر مقدم کریں گےان کا مزید کہنا تھا ’میرے خیال سے یہ صحیح نہیں ہے اور وہ میرے لیے اب کوئی ایسی شخصیت نہیں رہیں کہ ان سے ترغیب مل سکے۔
آئی سی سی سے کہہ دیا ’پھٹیچر‘ ٹیم نہ بھیجے
لاہور( آئی این پی)پاکستان سپر لیگ کے چیئر مین نجم سیٹھی کا کہنا ہے کہ انہوں نے انٹر نیشنل کرکٹ کونسل سے درخواست کی ہے کہ وہ ایسے کھلاڑی پاکستان نہ بھیجیں جن کے بارے میں عمران خان پھر کہ دیں کہ ”پھٹیچر “ ٹیم پاکستان آئی ہے۔نجی ٹی وی کے مطابق آئی سی سی کے اجلاس میں شرکت کے بعد وطن واپس پہنچنے والے نجم سیٹھی نے میڈیا سے گفتگو کرتے ہوئے کہا کہ آئی سی سی سے کہا ہے، زبردست کھلاڑی بھیجیں، ایسی ٹیم نہ بھیجیں کہ عمران خان کہہ دے کہ پھٹیچر ٹیم بھیج دی ہے،آئی سی سی کے فنڈز کی منصفانہ تقسیم پر بات ہوئی اور فنڈز کا زیادہ حصہ بھارت کو دینے کی بجائے برابری کی بنیاد پر تقسیم ہوگا۔بھارتی کرکٹ ٹیم کے دورہ پاکستان سے متعلق سوال پر نجم سیٹھی نے کہا کہ پہلے کچھ ٹیمیں آئیں گی اور پھر آہستہ آہستہ دیگر ٹیمیں بھی آنا شروع ہوجائیں گی۔انہوں نے کہا کہ پی ایس ایل کی تیاریاں جاری ہیں ، چھٹی ٹیم بھی شامل کریں گے ، بنگلادیش ہمارے ساتھ کرکٹ کھیلنا چاہتا ہے، ان پر واضح کیا ہے کہ پاکستان آکر کھیلیں اور وہ اگر نہیں آئیں گے تو ہم نہیں کھیلیں گے۔
پی ایس ایل میں چھٹی ٹیم کونسی ہو گی ؟ فیصلہ کی تاریخ فائنل
لاہور (سپورٹس رپورٹر) پاکستان کرکٹ بورڈنے پاکستان سپر لیگ میں چھٹی ٹیم خریدنے کے خواہشمند مالکان سے بولی طلب کر لی ہے جو 2018کے ایڈیشن میں متعارف کرائی جائے گی۔بولی کی دستاویزات 15 مئی 2017تک پی سی بی کو ایک ہزار ڈالر میں فیس کی ادائیگی کے بعد حاصل کی جا سکتی ہیں۔ یہ فیس وائر ٹرانسفر، پے آرڈر اور ڈیمانڈ ڈرافٹ کے ذریعے جمع کرائی جا سکتی ہے جو ناقابل واپسی ہو گی۔ اس حوالے سے مزید معلومات کے حصول کیلئے ذیل میں دئیے گئے ای میل ایڈریس یا فون نمبرز پر رابطہ کیا جا سکتا ہے۔پی سی بی کی جانب سے جاری ہونے والے مراسلے کے مطابق کسی اور ذریعے سے حاصل کردہ معلومات کو درست نہیں سمجھا جائے گا جبکہ تکنیکی اور مالی پروپوزل بولی کی دستاویزات کے ساتھ سیل شدہ لفافے میں 30 مئی 2017 تک جمع کرانا ہوں گے۔ تکنیکی پروپوزل 30 مئی 2017 کو نیشنل کرکٹ اکیڈمی میں کھولے جائیں گے۔ اور اس مرحلے میں کامیاب ہونے والے افراد ہی اگلے مراحل میں شرکت کر سکیں گے جبکہ مذکورہ مرحلے میں کامیاب نہ ہونے والے افراد کے مالی ڈ رافٹ کھولے بغیر ہی واپس کر دئیے جائیں گے۔