All posts by Muhammad Arsalan

بھارت میں سکھوں کی مذہبی ریلی میں خوفناک دھماکا، 6 افراد ہلاک اور متعدد زخمی

چندی گڑھ: (ویب ڈیسک ) بھارتی ریاست پنجاب میں سکھوں کے اہم دن کی مناسبت سے نکالی گئی ریلی میں زوردار دھماکا ہوا جس کے نتیجے میں 6 افراد ہلاک اور متعدد زخمی ہوگئے۔عالمی خبر رساں ادارے کے مطابق بھارتی پنجاب کے علاقے ترن تارن کے پلاسور گاو¿ں کے نزدیک بابا دیپ سنگھ کی جینتی کے موقع پر شوبھا یاترا نکالی جارہی تھی۔ یاتری گوردوارہ ٹاہلا صاحب جارہے تھے کہ راستے میں دھماکا ہوگیا جس کے بعد ریلی میں افراتفری مچ گئی۔پو لیس کا کہنا ہے کہ دھماکے میں درجنوں افراد زخمی ہوئے جن میں سے 5 کی حالت نازک ہے، 2 افراد کے ہلاک ہونے کی اطلاع ہے تاہم اسپتال ذرائع کا دعویٰ ہے کہ دھماکے سے ہلاک ہونے والے 6 افراد کی لاشیں لائی گئی ہیں، ہلاک اور زخمی ہونے والی شناخت کا عمل جاری ہے ترن تارن کے سینئر پولیس سپرنٹنڈنٹ دھرو دہیا نے میڈیا کو بتایا کہ دھماکا ایک ٹریکٹر ٹرالی میں ہوا جس میں کئی نوجوان سوار تھے اور ممکن ہے اس ٹرالی میں پٹاخے موجود تھے جن میں چنگاری گرنے سے دھماکا ہو گیا تاہم یاتریوں نے پولیس کے موقف کو مسترد کردیا۔

ماہرہ خان کو بری اداکارہ کیوں کہا، فردوس جمال نے وضاحت کردی

پاکستان کے سینئر اداکار فردوس جمال نے ماہرہ خان کو بری اداکارہ کہنے کی وضاحت کی ہے۔گزشتہ برس جولائی میں اداکار فردوس جمال کا پاکستانی سپر اسٹار ماہرہ خان کے حوالے سے دیا گیا بیان کہ ماہرہ خان کو ہیروئن کے نہیں بلکہ ماں کے کردار کرنے چاہئیں اورماہرہ ماڈل تو ہوسکتی ہیں لیکن وہ نہ تو ایک اچھی اداکارہ ہیں اورنہ ہی ہیروئن نے میڈیا پر تنازع کھڑا کردیا تھا۔ماہرہ خان سے متعلق فردوس جمال کے اس بیان نے  جہاں ماہرہ کے مداحوں کو سخت مایوس کردیا تھا وہیں ان پر کڑی تنقید بھی کی گئی تھی یہاں تک کہ ایک بڑے میڈیا ہاؤس نے ان پر پابندی بھی لگادی تھی۔ تاہم اب حال ہی میں دئیے گئے انٹرویو کے دوران فردوس جمال نے اپنے بیان کی وضاحت کی ہے: ماہرہ خان کو ہیروئن نہیں ماں کا کردار ادا کرنا چاہئے،فردوس جمال نے کہاکہ تکنیکی طور پر کوئی چیزوں کو نہیں دیکھتا تو جب میں تکنیکی طور پر بات کرتاہوں تو لوگوں کو برا لگ جاتا ہے۔ ماہرہ خان کی اداکاری کے بارے میں بھی میں نے تکنیکی طور پر بات کی تھی اور لوگوں کو برا لگ گیا۔ حالانکہ میری کسی سے کوئی ذاتی دشمنی نہیں ہےاور نہ ہی میں ماہرہ خان نامی خاتون سے کبھی ملاہوں میں انہیں جانتا بھی نہیں ہوں بس اتنا معلوم ہے کہ وہ کراچی میں رہتی ہیں۔فردوس جمال نے کہا ماہرہ خان کے ساتھ نہ میں نے کبھی کام کیا اور نہ کبھی بالمشافہ ملاقات ہوئی لہذٰا مجھ سے جب ان کے بارے میں پوچھا گیا تو میں نے کہا ماہرہ خان اسٹار ہیں لیکن وہ اداکارہ نہیں ہیں، ہاں ماڈل اچھی ہیں۔ ماڈلز ہمیشہ اپنی خوبصورتی کو لے کر فکرمند رہتی ہیں کیونکہ اچھا نظر آنا ان کے کام کا حصہ ہوتا ہے، ماڈلز پروڈکٹس کی نمائندگی کرتی ہیں اور وہ کوئی کردار ادا نہیں کرتیں ماڈلز سیلز مین اورسیلز وومن ہوتے ہیں۔

کوئٹہ : مسجد کے اندر دھماکا، ڈی ایس پی امان اللہ سمیت 15 افراد شہید

کوئٹہ (ویب ڈیسک)کوئٹہ کے علاقے سیٹلائٹ ٹاون میں ہونے والے دھماکے میں ڈی ایس پی امان اللہ سمیت 13 افراد شہید اور 21 زخمی ہوگئے۔پولیس کے مطابق دھماکا سیٹلائٹ ٹاو¿ن کے علاقے غوث آباد کی مسجد میں ہوا جس میں ڈی ایس پی امان اللہ اور دیگر 12 افراد جاں بحق ہوئے۔اطلاعات کے مطابق دھماکا نماز مغرب کے دوران ہوا۔ زخمیوں اور جاں بحق ہونے والے افراد کو سول اسپتال منتقل کیا گیا ہے۔پولیس کا کہنا ہے کہ دھماکے کی نوعیت کا تعین کیا جارہا ہے۔ڈی ایس پی امان اللہ کون تھے؟ڈی ایس پی امان اللہ اسحاق زئی یکم اپریل 1963کو پیدا ہوئے اور یکم دسمبر 1988میں بطور اے ایس آئی پولیس کیریئر کا آغاز کیا۔پانچ اکتوبر 2012 کو ڈی ایس پی کے عہدے پر ترقی پائی اور اس وقت پولیس ٹریننگ کالج سریاب روڈ میں تعینات تھے۔پولیس کیریئر میں وہ مختلف تھانوں و دفاتر میں فرائض انجام دے چکے ہیں۔ ان کے بیٹے کو ایک ماہ قبل فائرنگ کرکے شہید کردیا گیا تھا اور ان کے کیریئر کا زیادہ تر وقت پولیس ٹریننگ میں گزرا۔دھماکے کی مذمت وزیراعلیٰ بلوچستان جام کمال نے غوث آباد بم دھماکے کی مذمت کرتے ہوئے ڈی ایس پی حاجی امان اللہ اور دیگر افراد کی شہادت پر دکھ کا اظہار کیا ہے۔وزیراعلیٰ نے شہر میں سیکیورٹی انتظامات کو مزید سخت کرنے کی ہدایت کی ہے۔ قائم مقام گورنر بلوچستان عبدالقدوس بزنجو نے بھی کوئٹہ دھماکے کی مذمت کی ہے۔
اس کے علاوہ وزیراعلیٰ پنجاب عثمان بزدار نے بھی کوئٹہ دھماکے کی مذمت کی ہے۔خیال رہے کہ 7 جنوری کو بھی کوئٹہ کے میکانگی روڈ پر فرنٹیئر کور (ایف سی) کی گاڑی کے قریب دھماکے میں 2 افراد جاں بحق اور متعدد زخمی ہوگئے تھے۔ دھماکے میں ایف سی کی گاڑی کو رش والے علاقے میں نشانہ بنایا گیا اور دھماکے کی جگہ بارودی مواد نصب کیا گیا تھا۔

عامرلیاقت کا فضا علی کے ساتھ تیسری شادی کی خواہش کا اظہار

کراچی: (ویب ڈیسک )پاکستانی ڈراموں کی نامور اداکارہ ومیزبان فضا علی نے انکشاف کیا ہے کہ عامر لیاقت نے شو کے دوران اپنی بیوی طوبیٰ کے سامنے ایک بار پھر ان کے ساتھ شادی کی خواہش کا اظہار کیا ہے۔اداکارہ فضا علی کی ایک ویڈیوسوشل میڈیا پر وائرل ہورہی ہے جس میں وہ انٹرویو دیتی ہوئی نظر آرہی ہیں۔ ویڈیو میں دیکھا جا سکتا ہے کہ میزبان ان سے پوچھتی ہوئی نظر آرہی ہے آپ کے شو میں عامر لیاقت نے اپنی دوسری اہلیہ طوبیٰ کے سامنے اظہار کیا کہ وہ آپ کے ساتھ شادی کے خواہشمند تھے تاہم آپ نے انہیں منع کردیا تھا آپ کے منع کرنے کی وجہ کیا تھی۔فضا علی نے کہا کہ عامرلیاقت نے طوبیٰ کے سامنے تو ابھی کہا لیکن وہ میرے ساتھ شادی کی خواہش کا اظہار بہت پہلے کرچکے تھے۔ فضاعلی نے کہا عامر صاحب بہت اچھے اورصاف دل کے انسان ہیں اور جو وہ سوچتے ہیں وہ کہہ دیتے ہیں۔اداکارہ فضا نے کہا کہ جب میری طلاق ہوئی اور اس بات کا علم عامر لیاقت کو ہوا تو انہوں نے بہت صاف دل کے ساتھ مجھے شادی کی پیشکش کی تھی اور کہا تھا کہ میں آپ کے ساتھ نکاح کرنا چاہتا ہوں اوردنیا کے سامنے شادی کرنا چاہتا ہوں۔ اس وقت ان کی پہلی بیگم بھی ساتھ ہی تھیں۔ لیکن اس وقت میں طلاق ہونے کی وجہ سے بہت ڈپریشن میں تھی لہذٰا میں نے یہ بات ایک کان سے سن کر دوسرے کان سے نکال دی۔فضا علی نے مزید کہا کہ بہت وقت کے بعد میں نے عامر لیاقت کی طوبیٰ کے ساتھ شادی کا سنا، دونوں ہی میرے بہت اچھے دوست ہیں اور مجھے ان دونوں کی شادی کا سن کر بہت خوشی ہوئی۔ فضا علی نے انکشاف کرتے ہوئے کہا کہ حال ہی میں عامر لیاقت اپنی بیوی طوبیٰ کے ساتھ ان کے شو میں شریک ہوئے اورایک بار پھرخواہش کا اظہار کرتے ہوئے کہا کہ ابھی بھی زیادہ دیر نہیں ہوئی، میں ابھی بھی راضی ہوں طوبیٰ کو بھی کوئی مسئلہ نہیں ہے۔ بعد ازاں فضا علی نے ہنستے ہوئے کہا عامر لیاقت ہر بات ایسے ہی کہہ دیتے ہیں۔

سنی دیول کرتارپور افتتاحی تقریب میں شرکت کریں گے، سدھو کو بھی اجازت

نئی دہلی: (ویب ڈیسک )نامور بالی ووڈ اداکار وسیاستدان سنی دیول اور نوجوت سنگھ سدھو کرتارپور راہداری کے افتتاح کے موقع پر کل پاکستان آئیں گے۔اداکار سنی دیول کی پاکستان آمد کی تصدیق بھارتی پنجاب کے وزیراعلیٰ کیپٹن امریندر سنگھ نے گزشتہ روز کی ہے۔ بھارتی میڈیا رپورٹ کے مطابق کرتارپور راہداری افتتاح کی تقریب میں شرکت کے لیے پاکستان آنے والے وفد میں سنی دیول بھی شامل ہوں گے۔سنی دیول کے علاوہ بھارتی وفد میں سابق وزیراعظم منموہن سنگھ اور بھارتی پنجاب کے وزیراعلیٰ بھی شامل ہوں گے جب کہ نوجوت سنگھ سدھو کرتارپور آنے والے پہلے بھارتی وفد میں شامل ہوں گے۔سابق بھارتی کرکٹر نوجوت سنگھ سدھو نے کرتارپور راہداری افتتاح کی تقریب میں شرکت کی اجازت کے لیے بھارتی حکومت کو 3 خط لکھے تھے۔ جس کے بعد انہیں بھارتی وزیر خارجہ کی جانب سے کرتارپور افتتاحی تقریب میں شرکت کی اجازت مل گئی۔واضح رہے کہ اداکار و سیاستدان سنی دیول کا تعلق بھارتی پنجاب کے ضلع گورداس پور سے ہے اور سنی دیول نے بی جے پی کے پلیٹ فارم سے ضلع گوردار پور سے ہی بھارتی الیکشن میں حصہ لیاتھا۔

نوازشریف، شہبازشریف اورمریم نوازکا لندن جانے کا امکان

لاہور:(ویب ڈیسک ) سابق وزیراعظم نواز شریف، شہباز شریف اورمریم نوازکا لندن جانے کا امکان ہے جس کے لئے اسحاق ڈار نے لندن میں انتظامات مکمل کرلئے ہیں۔شریف خاندان اور(ن) لیگی رہنماو¿ں کا اہم اجلاس ہوا جس میں فیصلہ کیا گیا کہ نوازشریف کا علاج لندن سے کرایا جائے گا۔ (ن) لیگی ذرائع کے مطابق نوازشریف کے علاج کے لئے سابق وزیرخزانہ اسحاق ڈارنے لندن میں انتظامات مکمل کرلئے ہیں، نوازشریف کے ساتھ شہبازشریف بھی جائیں گے اور بیرون ملک علاج کے لئے پنجاب حکومت کو بھی آگاہ کیا جائے گا۔خاندانی ذرائع کے مطابق مریم نوازکا بھی نوازشریف کے ہمراہ بیرون ملک روانہ ہونے کا امکان ہے۔ مریم نوازکے پاسپورٹ کی واپسی کے لئے درخواست عدالت کے روبرو جمع کروائی جائے گی۔ وہ اپنے والد کی دیکھ بھال کے لئے بیرون ملک ہی قیام کریں گی۔نواز شریف کے معالج ڈاکٹرعدنان نے بھی بیرون ملک علاج کے لئے جانے کا مشورہ دیا اور شریف خاندان کوبریفنگ دیتے ہوئے کہا کہ نوازشریف کی طبیعت سے متعلق رپورٹس ٹھیک نہیں۔والدہ شمیم اختر نے نوازشریف سے کہا کہ بیرون ملک علاج کروایا جائے جب کہ شہبازشریف نے کہا کہ آپ کی صحت کے حوالے سے بہت فکر مند ہیں، علاج کروانا بہت ضروری ہے۔ اس متعلق مریم نوازنے کہا کہ حکومت نے ہمارے خلاف سب کچھ کرلیا لیکن کچھ ثابت نہ ہوا، کرپشن کیسز بنتے رہے لیکن کرپشن کا ایک روپیہ بھی ثابت نہ کرسکے۔

اپوزیشن کے قانون سازی اور پارلیمنٹ کے حوالے سے مطالبات منظور ہوں گے، وزیراعظم

اسلام آباد: (ویب ڈیسک ) وزیراعظم عمران خان نے جمعیت علمائے اسلام (جے یو آئی-ف) کے آزادی مارچ سے متعلق قائم حکومتی مذاکراتی کمیٹی کو مکمل اختیار دے دیا۔وزیراعظم عمران خان کی زیر صدارت وزیراعظم ہاو¿س میں حکومتی مذاکراتی کمیٹی کا اجلاس ہوا جس میں چیئرمین سینیٹ صادق سنجرانی، اسپیکر قومی اسمبلی اسدقیصر، وزیر دفاع اور کمیٹی کے سربراہ پرویز خٹک سمیت پرویز الہٰی، نورالحق قادری، اسد عمر اور شفقت محمود شریک تھے۔اجلاس میں کمیٹی نے وزیراعظم کو گزشتہ روز اپوزیشن کی رہبر کمیٹی اور مولانا فضل الرحمان سے ہونے والی ملاقات سے متعلق آگاہ کیا۔بعدازاں تمام تر صورتحال کا جائزہ لیتے ہوئے وزیراعظم نے کمیٹی سے کہا کہ جو بھی آپ فیصلہ کریں گے مجھے منظور ہوگا۔ذرائع کے مطابق وزیراعظم نے مذاکراتی ٹیم کو مکمل اختیار دیتے ہوئے استعفے کے علاوہ کوئی بھی جائز اورآئینی مطالبہ ماننے کی منظوری دی ہے۔وزیراعظم کا کہنا تھا کہ اپوزیشن کے قانون سازی اور پارلیمنٹ کے حوالے سے مطالبات منظور ہوں گے لیکن استعفے کی خواہش قبول نہیں ہوگی۔اس کے علاوہ وزیراعظم نے مذاکرات میں کردار ادا کرنے پر چوہدری برادران کا شکریہ بھی ادا کیا۔یاد رہے کہ مولانا فضل الرحمان کی قیادت میں آزادی مارچ 6 روز سے اسلام آباد کے ایچ 9 گراو¿نڈ میں پڑاو¿ ڈالے ہوئے ہے جبکہ دوسری جانب حکومت اور اپوزیشن کی رہبر کمیٹی کے درمیان مذاکرات کا سلسلہ بھی جاری ہے۔

بیرونی قرضوں کی واپسی کے تمام ریکارڈ توڑیں گے، حماد اظہر

ا سلام آباد(ویب ڈیسک ) وفاقی وزیر برائے اقتصادی امور حماد اظہر کا کہنا ہے کہ ہم بیرونی قرضوں کی واپسی کے تمام ریکارڈ توڑیں گے۔اسلام آبادمیں پریس کانفرنس کے دوران حماد اظہر نے کہا کہ گردشی قرضے 450 ارب سے بڑھ کر 1200 ارب روپے ہوگئے تھے، قرضوں کی وجہ سے توانائی کا پورا نظام مفلوج ہوگیا تھا،تحریک انصاف نے گزشتہ سال 10 ارب ڈالر کا غیر ملکی قرضہ اتارا، ہم بیرونی قرضوں کی واپسی کے تمام ریکارڈ توڑیں گے۔وفاقی وزیر نے کہا کہ پیپلز پارٹی کے پہلے 13ماہ میں مہنگائی ساڑھے21 فیصد جب کہ ن لیگ کی حکومت میں 8.3 فیصد تھی، تسلیم کرتے ہیں کہ مہنگائی میں اضافہ ہوا، ایسا اس لیے ہوا کہ پچھلی حکومت کرنٹ اکاو¿نٹ خسارا بہت زیادہ چھوڑ کرگئی، گزشتہ سال کرنٹ اکاوَنٹ خسارے میں 32 فیصد کمی آئی، رواں سال کرنٹ اکاوَنٹ خسارے میں 65 فیصد کمی آئی، کرنٹ اکاو¿نٹ خسارے میں کمی کے باعث آئندہ مہینوں میں مہنگائی میں کمی ہوگی۔حماد اظہر کا کہنا تھا کہ بیرونی سرمایہ کاری میں 137 فیصد اضافہ ہوا ہے، زرمبادلہ کے ذخائرمیں اضافہ ہورہا ہے، تین ماہ میں اسٹاک ایکسچینج میں 5500 پوائنٹس کا اضافہ ہوا،سرکاری محکموں میں اصلاحات کی جارہی ہیں مگر کسی کو فارغ نہیں کیا جارہا۔کارکے تنازع کے حوالے سے حماد اظہر نے کہا کہ کار کے کیس میں پاکستان کو بڑی کامیابی ملی ہے، کمپنی نے 200 ارب روپے معاف کیے، پاکستان اور ترکی کے وزرائے اعظم نے اس تنازع کو کم کرنے میں اہم کردار ادا کیا۔

محب مرزا نے آمنہ شیخ سے راہیں جدا کرلیں

کراچی(ویب ڈیسک ) معروف ڈرامہ و فلمی اداکارہ محب مرزا نے اہلیہ و اداکارہ آمنہ شیخ سے راہیں جداکر لیں۔دس سال قبل رشتہ ازدواج میں منسلک ہونے والی ڈرامہ انڈسٹری کی محب مرزا اور آمنہ شیخ کی جوڑی نے اب ایک دوسرے سے راہیں جدا کرلی ہیں جس کی تصدیق خود محب مرزا نے کی ہے۔اداکار احسن خان کے شو میں بطور مہمان شرکت کرنے والے محب مرزا کی ایک ویڈیو سوشل میڈیا پر نہایت تیزی سے وائرل ہو رہی ہے جس میں وہ یہ انکشاف کرتے نظر آرہے ہیں۔ ویڈیو میں شو کے میزبان احسن خان کی جانب سے محب مرزا سے سوال پوچھا گیا کہ آپ کے کتنے بچے ہیں ساتھ ہی یہ بھی پوچھا گیا کہ کیا آپ اور آمنہ ساتھ رہتے ہیں؟محبت مرزا نے سوال کے جواب میں لب کشائی کرتے ہوئے کہا کہ میری ایک بیٹی ہے اور آمنہ اور میں اب ایک ساتھ نہیں رہتے جس پر احسن خان نے تعجب کا اظہار کرتے ہوئے کہا کہ ایسی افواہیں زیر گردش تھیں اور سننے میں بھی آیا تھا کہ آپ دونوں الگ ہو گئے ہیں تاہم آپ نے اس بات کی تصدیق کر دی ہے اور آج بھی آپ لوگ اچھے دوست ہیں۔واضح رہے کہ محب مرزا اور آمنہ شیخ رشتہ ازدواج میں 2005 میں منسلک ہوئے تھے ان کی ایک بیٹی بھی ہے جس کا نام میسا مرزا ہے۔

سی این جی اسٹیشنز کے لیے گیس کے نئے کنکشن دینے پر پابندی ختم

لاہور(ویب ڈیسک) حکومت نے سی این جی اسٹیشنز پر گیس کے نئے کنکشن دینے پر عائد پابندی کو ختم کر دیا ہے۔آل پاکستان سی این جی ایسوسی ایشن نے پابندی ختم کرنے کو سراہتے ہوئے کہا کہ سی این جی کی وجہ سے حکومت کو ایک ارب ڈالر کا تیل کم امپورٹ کرنا پڑے گا اور سی این جی کے استعمال سے فضائی آلودگی میں بھی خاطر خواہ کمی آئے گی۔ وفاقی حکومت نے سی این جی کنکشن پر کئی برسوں سے عائد پابندی ہٹا لی، پابندی کے خاتمے کے بعد سی این جی اسٹیشن لگانے کے لیے فوری گیس کا کنکشن مل جائے گا اور جو گیس نہ ملنے کی وجہ سے پہلے ہی بند تھے، وہ دوبارہ کھل جائیں گے۔غیاث عبداللہ پراچہ کے مطابق سی این جی اسٹیشن کی بحالی سے گاڑیوں میں سی این جی کے استعمال میں اضافہ ہوگا جس سے پیٹرولیم مصنوعات کم امپورٹ کرنے سے حکومت کو تقریباً ایک ارب ڈالر سالانہ کی بچت ہو گی، حکومت جلد ہی سی این جی اسٹیشنوں کے قیام کی پالیسی بھی لائے۔