حیدرآباد کے قریب مسافر ٹرین رحمان بابا ایکسپریس کو حادثہ پیش آیا ہے۔

پشاور سے کراچی آنے والی رحمان بابا ایکسپریس بولاری اور میٹنگ کے قریب حادثے کا شکار ہوئی اور ٹرین کے انجن سمیت بوگیاں پڑی سے اتر گئیں۔

حادثے کے بعد فوری طور پر امدادی ٹیموں کو طلب کرلیا گیا جب کہ فوری طور پر کسی جانی نقصان کی اطلاع نہیں ملی ہے اور حادثے کی وجہ بھی فوری طور پر سامنے نہیں آسکی  ہے۔

ذرائع کا کہناہےکہ ڈاؤن ٹریک پر رحمان بابا ایکسپریس کی دس کے قریب بوگیاں پٹری سے اتری ہیں جب کہ حادثے کے بعد ٹریک پر ٹرینوں کی آمدو رفت روک دی گئی ہے۔

دوسری جانب ترجمان ایدھی کا بتانا ہےکہ رحمان بابا ٹرین حادثے میں کسی جانی نقصان کی اطلاع نہیں ملی اور قریب ترین کوٹری تعلقہ اسپتال میں بھی حادثے کا کوئی زخمی نہیں لایا گیا تاہم حادثے کے مقام پر ایمبولینسز اور رضا کاروں کی بڑی تعداد بھیج دی گئی ہے۔

اسلام آباد: (ویب ڈیسک) چیئرمین تحریک انصاف عمران خان نے کہا کہ مارکیٹ کو اس وقت پالیسی اور ایکشن کا انتظار ہے۔ جسے امپورٹڈ حکومت فراہم کرنے میں ناکام رہی ہے۔
سابق وزیراعظم عمران خان کا کہنا ہے کہ مارکیٹ کو اس وقت پالیسی اور ایکشن کا انتظار ہے، جسے امپورٹڈ حکومت فراہم کرنے میں ناکام رہی ہے۔ میں اور شوکت ترین دونوں نے نیوٹرلز کو خبردار کیا تھا کہ اگر یہ سازش کامیاب ہوئی تو ہماری کمزور معاشی بحالی دم توڑ جائے گی۔ اور اب سب کچھ یہی ہوا ہے۔ روپے کی قیمت تاریخی کی کم ترین سطح پر پہنچ گئی ہے۔
ڈالر ایک سو ترانوے کا ہوگیا ہے، اسٹاک مارکیٹ تین ہزار پوائنٹس تک نیچےجا چکی ہے۔ مہنگائی تیرہ اعشاریہ چار فیصد کی بلند ترین سطح پر پہنچ گئی ہے۔

اسلام آباد: پاکستان کو خریف سیزن کے دوران آبپاشی کے مقاصد کے لیے 38 فیصد پانی کی شدید کمی کا سامنا ہے جس کا آغاز 1 اپریل کو کپاس، گنا، چاول اور مکئی سمیت بڑی فصلوں کی بوائی کے ساتھ ہوا تھا۔

انڈس ریور سسٹم اتھارٹی (IRSA)، چاروں وفاقی اکائیوں میں دریائے سندھ کے آبی ذرائع کی تقسیم کو ریگولیٹ کرنے اور اس کی نگرانی کرنے والی، نے جمعرات کو قومی اسمبلی کی قائمہ کمیٹی برائے آبی وسائل کو ایک پریزنٹیشن دی۔

اتھارٹی نے کہا کہ پانی کی قلت اب پہلے کی 22 فیصد کی متوقع کمی سے بدتر ہو گئی ہے۔ اس وقت، پانی کی 38 فیصد کمی ہے، جس سے فصل پیدا کرنے والے دو بڑے صوبوں- پنجاب اور سندھ کو شدید نقصان پہنچا ہے اور فصلوں کی بوائی کے موجودہ انداز کو متاثر کر رہا ہے۔

اجلاس کی صدارت نواب یوسف تالپور نے کی اور اجلاس میں وفاقی وزیر برائے آبی وسائل خورشید شاہ، سندھ کے وزیر آبپاشی جام خان شورو اور دیگر حکام نے شرکت کی۔ کمیٹی نے صوبوں کے تحفظات دور کرنے اور وفاقی اکائیوں میں پانی کی منصفانہ تقسیم کے حوالے سے سفارشات دینے کے لیے وفاقی حکومت، پنجاب اور سندھ کے نمائندوں پر مشتمل ایک پینل تشکیل دیا۔

کمیٹی جمعہ کو گڈو اور سکھر بیراجوں اور ان کی ذیلی نہروں پر پانی کی آمد اور اخراج کی پوزیشن کا اندازہ لگائے گی۔ اس کے ساتھ ساتھ اسے وفاقی اکائیوں میں پانی کی منصفانہ تقسیم کے حوالے سے سفارشات دینے کا بھی کام سونپا گیا ہے۔

2.102 MAF کے متوقع بہاؤ کے مقابلے میں 13% کم – 1.831 MAF تھی۔ اس کے برعکس دریائے کابل کے بہاؤ میں 46 فیصد، منگلا میں 44 فیصد اور چناب میں 48 فیصد کی کمی واقع ہوئی۔ اس مدت کے دوران حقیقی آمد 8.590 MAF کے مقابلے میں 5.350 MAF ریکارڈ کی گئی جو کہ 38% کی کمی کو ظاہر کرتی ہے۔

اوسط سے کم بارش

IRSA نے یہ بھی بتایا کہ اپریل 2022 میں ملک بھر میں بارش اوسط سے 74% کم تھی اور اسے 1961 کے بعد دوسرے خشک ترین مہینے کے طور پر درجہ دیا گیا تھا۔ اپریل میں بارش پورے ملک میں اوسط سے کم رہی۔ پنجاب کو 89 فیصد، خیبر پختونخوا کو 79 فیصد، بلوچستان کو 79 فیصد، آزاد جموں و کشمیر کو 56 فیصد اور جی بی کو 51 فیصد ووٹ ملے۔ IRSA نے ذکر کیا کہ دریائے کابل سے آنے والی آمد میں بڑے پیمانے پر کمی غیر متوقع تھی۔

سندھ اور پنجاب میں پانی کی قلت کے بارے میں قومی اسمبلی میں متعدد ایم این ایز کی جانب سے اٹھائے گئے پوائنٹ آف آرڈر کے جواب میں وزیر آبی وسائل خورشید شاہ نے کہا کہ ملک کو پانی کی قلت کا سامنا ہے اور سندھ اور پنجاب کے ٹیل اینڈ کے علاقے متاثر ہیں۔ بہت زیادہ. انہوں نے کہا کہ 15 جون تک پانی کی قلت کی صورتحال بہتر ہو جائے گی۔

انہوں نے یقین دلایا کہ تمام صوبوں کو ان کے حصے کے مطابق پانی دیا جائے گا اور پانی کی کمی کو اسی حساب سے پورا کیا جائے گا۔ انہوں نے پنجاب حکومت سے درخواست کی کہ وہ اپنے حصے سے جنوبی پنجاب کے چولستان کے علاقوں کو 300 کیوسک پانی فراہم کرے۔

اس سے قبل مشترکہ مفادات کونسل (سی سی آئی) سیکریٹریٹ نے صوبوں کے درمیان اختلافات دور کرنے کے لیے وزیر برائے آبی وسائل کی سربراہی میں اسٹیئرنگ کمیٹی تشکیل دی تھی۔

دریں اثناء، منگلا ڈیم میں پانی کا ذخیرہ تقریباً چٹان کے نیچے تک ریکارڈ کیا گیا ہے یہاں تک کہ گرمیوں کی آمد کے چوٹی کے موسم میں بھی، یہ اس وقت ریکارڈ کی گئی سب سے کم ترین سطح ہے جو کہ 10 سال کے مقابلے میں نو گنا کم ہے۔ اوسط

اسلام آباد: (ویب ڈیسک) سابق اسپیکر قومی اسمبلی اسد قیصر نے کہا ہے سپریم کورٹ کے فیصلے پر نظرثانی کی اپیل دائر کر دی، پوری قوم کی نظریں عدالت کی طرف ہیں، مجھے امید ہے سپریم کورٹ جلد از جلد الیکشن کرانے میں کردار ادا کرے گی اور مراسلہ پر جوڈیشل کمیشن بنایا جائے گا۔
اسد قیصر نے سپریم کورٹ کے باہر میڈیا سے گفتگو میں کہا کہ ہمیں عدالت عظمیٰ پر مکمل اعتماد ہے، عدالت عظمیٰ کا ہر فیصلہ تاریخ کا حصہ ہوگا، کیا آرٹیکل 5 آرٹیکل 95 سے بھاری ہے، خیبر سے سندھ تک سب متفق ہیں کہ یہ بیرونی سازش تھی۔ انہوں نے کہا کہ ہمیں بار بار سلیکٹڈ حکومت کہا گیا، یہ لوگ آپس میں بھی متفق نہیں ہے، انہوں نے کہا مراسلہ میں نے خود پڑھا تھا، میں نے سپریم کورٹ کو اس سلسلے میں جوڈیشل کمیشن بنانے کی گزارش کی تھی۔
اسد قیصر کا کہنا تھا کہ ہماری کسی ملک سے کوئی دشمنی نہیں ہے، کسی ملک کو دوسرے ملک کے اندرونی معاملات میں مداخلت کی اجازت نہیں ہے، جو عالمی طریقہ کار ہے اس پر عملدرآمد کے خواہاں ہیں، سپریم کورٹ کے فیصلہ پر اعتراض تھا مگر اسے قبول کیا، جوڈیشل کمیشن تحقیقات کرے گا تو حقائق سامنے آ جائیں گے، بیرونی سازش پر اسپیکر کے عہدے سے استعفی دیا، قومی سلامتی کمیٹی نے اس معاملے کو تسلیم کیا، سپریم کورٹ کا جو بھی فیصلہ آیا اسے ہم نے قبول کیا۔

کراچی: (ویب ڈیسک) کراچی میں طویل لوڈشیڈنگ کے خلاف جماعت اسلامی نے شہر بھر میں احتجاج کا اعلان کر دیا۔
گلبرگ، نیو کراچی، لیاقت آباد، ایف بی ایریا، محمودآباد میں مظاہرے ہونگے۔ اختر کالونی، دہلی کالونی، شیریں جناح کالونی، برنس روڈ، لیاری میں مظاہرے ہونگے۔ ناظم آباد، بفرزون، گلشن حدید، داود چورنگی سمیت دیگر مقامات پر بھی احتجاج ہوگا۔ امیر جماعت اسلامی کراچی کا کہنا ہے کہ شہر میں بدترین لوڈشیڈنگ پر عوام پریشان ہیں۔ انہوں نے لوڈشیڈنگ کی صورتحال بہتر نہ ہونے پر کے الیکٹرک ہیڈ آفس پر دھرنے کا عندیہ دے دیا۔
دوسری جانب ملک میں توانائی کا بحران سنگین صورتحال اختیارکرنے لگا ہے۔ مختلف شہروں میں 8 سے 12 گھنٹے کے لوڈشیڈنگ کی جا رہی ہے۔ پاور ڈویژن ذرائع کا کہنا ہے کہ ملک میں بجلی کا شارٹ فال 4 ہزار 743 میگاواٹ پر پہنچ چکا ہے، بجلی کی مجموعی پیداوار 20 ہزار 757 میگا واٹ جب کہ طلب 25 ہزار2 سو میگاواٹ تک پہنچ چکی ہے۔ ملک میں بجلی کی مجموعی پیداواری صلاحیت 36 ہزار 39 میگاواٹ ہے۔
ذرائع کے مطابق پن بجلی ذرائع سے 5 ہزار 37 میگاواٹ بجلی پیدا ہورہی ہے، سرکاری تھرمل پاور پلانٹس 821 میگاواٹ جبکہ نجی شعبے کے بجلی گھروں کی پیداوار 11 ہزار 717 میگاواٹ ہے، ونڈ پاور پلانٹس 535 میگاواٹ بجلی پیدا کر رہے ہیں۔ بگاس پاور پلانٹس سے 162 میگاواٹ بجلی پیدا ہو رہی ہے۔ نیوکلیئر پاور پلانٹس کی پیداوار 2 ہزار 372 میگاواٹ اور سولر پاور پلانٹس سے 114 میگاواٹ بجلی پیدا ہو رہی ہے۔ موسم کی شدت میں اضافے کے ساتھ شارٹ فال میں بھی مزید اضافے کا خدشہ ہے۔

راولپنڈی: (ویب ڈیسک) سابق وزیر داخلہ شیخ رشید احمد نے کہا ہے کہ انتخابات نہ کرانے کی صورت میں ملکی صورتحال سری لنکا جیسی ہو سکتی ہے۔
سابق وزیر داخلہ شیخ رشید احمد نے میڈیا سے گفتگو میں کہا کہ چھٹی بار ڈی جی آئی ایس پی آر نے کہا فوج کو سیاست میں نہ گھسیٹیں اور ڈی جی آئی ایس پی آر کا بیان فوج کے اندر کی سوچوں کی ترجمانی کرتا ہے۔
انہوں نے کہا کہ بلاول کو ایک وزیر مارشل لا کی دھمکی دیتا ہے جو بھونڈا مذاق ہے۔ نواز شریف، مریم نواز اور آصف علی زرداری نے فوج کو نشانے پر رکھا ہوا ہے۔
شیخ رشید احمد نے کہا کہ اسٹاک ایکسچینح گر رہی ہے اور ریزرو کم ہو رہے ہیں جبکہ ڈالر 200 روپے کا ہونے جا رہا ہے۔ موجودہ صورتحال میں ملک ڈیفالٹ بھی ہوسکتا ہے۔
انہوں نے کہا کہ موجودہ مسائل کا حل عبوری حکومت کا قیام ہے اور ملکی مسائل کا واحد حل ہے انتخابات کرائے جائیں لیکن اگر انتخابات نہ کرائے گئے تو ملک سری لنکا کی حالات کی طرف جاسکتا ہے۔ پھر کسی کے ہاتھ کچھ نہیں آئے گا اور جھاڑو پھر جائے گا۔

کراچی: (ویب ڈیسک) وزیر اعلیٰ سندھ سید مراد علی شاہ نے کہا ہے کہ صنعت کے پہیے کو سست کرنے والی رکاوٹوں کو دور کر رہے ہیں۔
وزیر اعلیٰ سندھ سید مراد علی شاہ نے تقریب سے خطاب میں کہا کہ گزشتہ روز صدر دھماکے میں ایک شخص شہید اور 9 افراد زخمی ہوئے۔ دہشت گردوں کا کوئی مذہب نہیں ہوتا اور ہم نے کراچی میں تلخ حالات دیکھے ہیں۔ وہ انسان نہیں جو اساتذہ اور نوجوانوں کو قتل کرے اس کا کیا ہو سکتا ہے۔
انہوں نے کہا کہ ہم دہشت گردوں کو چھپنے نہیں دیں گے اور انہیں کہیں بھی چھپنے کی جگہ نہیں ملے گی۔ دہشتگردی کا ہر صورت خاتمہ کریں گے۔
سید مراد علی شاہ نے کہا کہ 2004 میں کے سی سی آئی کے صدر کی حیثیت سے تجارتی میلہ سراج تیلی کا شاندار اقدام تھا۔ کراچی ایک اہم اقتصادی مرکز کے طور پر اپنی اہمیت رکھتا ہے اور میری حکومت مینوفیکچرنگ کی لاگت کو کم کر رہی ہے جبکہ صنعت کے پہیے کو سست کرنے والی رکاوٹوں کو دور کر رہے ہیں۔
انہوں نے کہا کہ سندھ حکومت سرمایہ کاری کے لیے سازگار ماحول پیدا کرنے کی پوری کوشش کر رہی ہے اور اس طرح کی نمائشیں ملک کی معاشی خوشحالی میں اہم کردار ادا کرتی ہیں۔ یہ تجارتی روابط سے لے کر اقتصادی سرگرمیوں کو جنم دینے تک کئی فوائد فراہم کرتی ہیں۔
وزیر اعلیٰ سندھ نے کہا کہ کسی ملک کی صنعتی اور تجارتی ترقی کو ظاہر کرنے میں چیمبرز کا کردار بلاشبہ بہت اہم ہے اور کے سی سی آئی نے اپنا کردار بہت متحرک اور مؤثر طریقے سے ادا کیا ہے۔ چیئرمین زبیر موتی والا، صدر محمد ادریس سمیت دیگر اراکین کو مبارکباد پیش کرتا ہوں۔

اسلام آباد: (ویب ڈیسک) پاکستان تحریک انصاف (پی ٹی آئی) کے رہنما اور سابق وفاقی وزیر اطلاعات فواد چودھری نے کہا ہے کہ پوری نام نہاد حکومت لندن میں بیٹھی ہے۔
سابق وفاقی وزیر اطلاعات فواد چودھری نے سماجی رابطے کی ویب سائٹ ٹوئٹر لکھا کہ پوری نام نہاد حکومت لندن میں بیٹھی ہے اور یہاں روپیہ 193 روپے فی ڈالر پر چلا گیا ہے۔
انہوں نے کہا کہ ملک میں کوئی حکومت نہیں اور پنجاب میں پانی میسر نہیں خریف کی فصلیں تباہ ہو رہی ہیں۔ یہ مذاق بند کریں، عبوری حکومت بنائیں اور انتخابات کرائیں۔