اسلام آباد(ویب ڈیسک ) وفاقی وزیراطلاعات فواد چوہدری نے کہا ہے کہ منی لانڈرنگ کے مزید کیسزکی تفصیلات سامنےآئیں گی توآپ کی نیندیں اڑجائیں گی۔وفاقی کابینہ کے اجلاس میں ہونے والے فیصلوں سے میڈیا کو بریفنگ دیتے ہوئے وزیراطلاعات نے کہا کہ کابینہ نے منی لانڈرنگ کے حالیہ کیسز پرشدید تحفظات کا اظہار کیا، شریف خاندان اور آصف زرداری نےمنی لانڈرنگ کی، ان لوگوں کے کرتوت تھے جس کے باعث پاکستان اقتصادی بحران کا شکار ہوا، مہنگائی اور ڈالر کی قدر میں اضافے کی وجہ بھی شریف خاندان اور زرداری کی حکومتوں میں ہونے والی کرپشن ہے۔وزیراطلاعات نے کہا کہ حسن،حسین نواز اور اسحاق ڈارعدالتوں کاسامنا نہیں کررہے، حمزہ شہبازکے 98 فیصداثاثہ جات ٹی ٹی پرمنحصر ہیں جب کہ 26 ملین ڈالر ٹی ٹی کے ذریعے شہباز شریف کو موصول ہوئے، ایف آئی اے منی لانڈرنگ کے مقدمات کی تحقیقات کررہی ہے اور آگے مزید ہوشربا تفصیلات سامنے آنے والی ہیں۔
وزیراطلاعات نے کہا کہ دہشتگردی کے حالیہ واقعات میں بیرونی ہاتھ ملوث ہے، نیشنل ایکشن پلان پر عمل درآمد ہی دہشتگردی پر قابو پانے کی کسوٹی ہےہم جلد دہشتگردی سےمکمل نجات پالیں گے۔فواد چوہدری نے کہا کہ اسٹیل مل کی بحالی کاپلان لارہےہیں جب کہ ایم این ایز اور ایم پی ایز کو گریڈ ایک سے 5 تک کی نوکری کیلیے دیا گیا کوٹا ختم کیا جارہا ہے اس کی بجائے قرعہ اندازی کی جائے گی،پاکستان پینل کوڈمیں ترمیم لائی جارہی ہےتاکہ ہم اپنے ڈاکو چوردوسرےملکوں سےواپس لائیں، ہمارےقانون میں سزائےموت کےباعث بہت سےملک ہمارےقیدی واپس نہیں کرتے۔وزیراطلاعات نے مزید کہا کہ این ٹی ایس سے متعلق سٹیزن پورٹل میں شکایا ت آئی ہیں، اسٹیبلشمنٹ ڈویژن کو یہ کام دیاگیا ہے کہ ان شکایات کو دیکھا جائے۔

اسلام آباد(ویب ڈیسک)وفاقی وزیر اطلاعات فواد چوہدری نے پنجاب اسمبلی کے اراکین کی تنخواہوں میں اضافے کے معاملے پر کچھ ہی دیر بعد اپنے بیان سے یوٹرن لے لیا۔تفصیلات کے مطابق پنجاب حکومت کی جانب سے عوامی نمائندگان ترمیمی بل 2019 کی منظوری کے بعد جب وفاقی وزیراطلاعات فواد چوہدری سے اس حوالے سے پوچھا گیا تو انہوں نے وزیراعلیٰ پنجاب، اسپیکر، ڈپٹی اسپیکر اور اراکین کی تنخواہ و مراعات میں اضافے کے فیصلے کی حمایت کرتے ہوئے کہا کہ ارکان اسمبلی کی تنخواہیں کم تھیں اور یہ تنخواہ نہیں بڑھتی تو مڈل کلاس طبقہ کبھی بھی الیکشن نہیں لڑے گا۔دوسری جانب وزیراعظم عمران خان نے سماجی رابطے کی ویب سائٹ پر اپنی ٹوئٹ میں اس فیصلے پر برہمی کا اظہار کرتے ہوئے کہا کہ پنجاب اسمبلی کی جانب سے تنخواہوں اور مراعات میں اضافے سے بہت مایوس ہوا۔ وزیراعظم کی ٹوئٹ کے چند منٹ بعد ہی وفاقی وزیر اطلاعات نے بھی یوٹرن لیتے ہوئے اس بل کی مخالفت میں ٹوئٹ کردی۔اپنی ٹوئٹ میں فواد چوہدری نے وزیراعلیٰ پنجاب اور اسمبلی کے اس فیصلے کی مخالفت کرتے ہوئے کہا کہ پنجاب اسمبلی کے خود کو نوازنے کے اقدامات وزیراعظم اور وفاقی حکومت کی پالیسیزسے متصادم ہیں اور اس اقدام سے حکومتی پالیسی کا مذاق اڑایا گیا ہے، اس پالیسی پر فوری نظرثانی کی جانی چاہئے۔

اسلام آباد(ویب ڈیسک) وفاقی وزیر اطلاعات فواد چوہدری کا کہنا ہے کہ 50 ملکوں کو ایئرپورٹ لاو¿نج پر ہی ویزہ دے دیا جائے گا جب کہ 175 ملکوں کو ای ویزہ کی سہولت دی گئی ہے۔پارلیمنٹ ہاو¿س کے باہر میڈیا سے گفتگو میں وزیر اطلاعات فواد چوہدری کا کہنا تھا کہ 50 ملکوں کو ایئرپورٹ لاو¿نج پر ہی ویزہ دے دیا جائے گا جب کہ 175 ملکوں کو ای ویزہ کی سہولت دی گئی ہے، نئی ویزہ پالیسی سے پاکستان میں بڑی تبدیلی آئے گی، 1965 تک پاکستان ایک بہترین ملک رہا۔فواد چوہدری نے کہا کہ برٹش، امریکن پاسپورٹ رکھنے والے بھارتی باشندوں کو ویزا آن ارائیول کی سہولت ہوگی،96 ملکوں کو ویزہ سہولت دے دی گئی ہے جب کہ اسٹوڈنٹ ویزا کی مدت 2 سال کر دی گئی ہے۔وفاقی وزیر اطلاعات نے کہا کہ وزیراعظم کی ایوان آمد پر اپوزیشن کا رویہ درست نہیں تھا، وزیراعظم کی آمد پر طعنے اور فقرے کسے جاتے ہیں، اپوزیشن کو وزیراعظم کا احترام کرنا ہوگا۔ انہوں نے کہا کہ محمد بن سلمان پاکستان آرہے ہیں جب کہ یواے ای کے ولی عہد 12 سال بعد پاکستان آئے۔فواد چوہدری کا کہنا تھا کہ سب سے زیادہ ماورائے عدالت قتل شہباز شریف کے دور میں ہوئے، شہبازشریف سے پہلے ماورائے عدالت قتل کا تصورنہیں تھا، سانحہ ماڈل ٹاو¿ن منصوبہ بندی کے ساتھ اور سانحہ ساہیول غلطی سے ہوا، شہبازشریف اور سعد رفیق کے خلاف نیب انکوائری مذاق بن گئی ہے جب کہ پاکستان کو خطرہ نہیں بلکہ سندھ کے غداروں کو خطرہ ہے۔

لاہور(ویب ڈیسک) ترجمان تحریک انصاف فواد چوہدری کا کہنا ہے کہ عدالتوں کے فیصلے بیگم صاحبہ کا حکم نہیں جو نواز شریف نہ مانیں انہیں عدالت نے نااہل کیا ہے اسے ماننا ہوگا۔نواز شریف کے بیان پر رد عمل دیتے ہوئے ترجمان تحریک انصاف فواد چوہدری کا کہنا تھا کہ نواز شریف کو سپریم قائد منتخب کرلیا ہے اس سے پہلے صدام حسین اور معمر قزافی بھی سپریم قائد تھے، اللہ نواز شریف کو ایسے انجام سے بچائے۔ ان کا کہنا تھا کہ عدالتوں کے فیصلے بیگم صاحبہ کا حکم نہیں جو نہ مانیں، انہیں عدالت نے نااہل کیا ہے اسے ماننا ہوگا۔فواد چوہدری نے کہا کہ 4 مارچ سے عمران خان ملک گیر دوروں کا آغاز کررہے ہیں، اسی دن سے انتخابی مہم شروع کردیں گے جب کہ پاکستان کی سیاست عمران خان کے دروازے پر جارہی ہے، مسلم لیگ (ن) اس وقت 100 نشستوں کی پارٹی ہے جب کہ پاکستان کی سب سے بڑی جماعت تحریک انصاف ہے۔واضح رہے سابق وزیراعظم نواز شریف نے مسلم لیگ (ن) کی مرکزی مجلس عامہ کے اجلاس سے خطاب میںکہا تھا کہ ملک میں آمریت نہیں لیکن پھر بھی اس دور جیسے فیصلے ہورہے ہیں اور میں برملا کہوں گا کہ میں یہ فیصلے نہیں مانتا۔