لاہور (بی این پی ) دورہ ورلڈ الیون کے پیش نظر پاکستان کرکٹ ٹیم کا نیشنل کرکٹ اکیڈمی میں تربیتی کیمپ جاری ہے ، کھلاڑیوں کو مستعد رکھنے کیلئے ہیڈ کوچ مکی آرتھر نے انوکھی سزا متعارف کرادی ہے۔ تفصیلات کے مطابق سکول میں جب بچے غلطی کرتے ہیں تو ان کو سدھارنے کیلئے اساتذہ چھڑی کا استعمال کیا کرتے تھے لیکن قومی کرکٹ ٹیم کے استاد ہیڈ کوچ مکی آرتھر نے کیچ چھوڑنے والے کھلاڑیوں کیلئے انوکھی سزا متعارف کرائی ہے جس سے کھلاڑیوں کی فیلڈنگ میں نہ صرف بہتری آئے گی بلکہ ان کی فٹنس بھی برقرار رہے گی۔ ہیڈ کوچ نے فیصلہ کیا ہے کہ جو کھلاڑی پریکٹس کے دوران کیچ چھوڑے گا اسے پانچ پش اپس لگانے کی سزا دی جائے گی۔