پاکستانی فنکاروں کو بھارت سے فوری نکل جانے کی دھمکی

اسلام آباد (مانیٹرنگ ڈیسک) بھارتی صحافیوں نے پاکستانی اداکاروں اور گائیکوں کو دھمکی آمیز خط لکھا ہے جس میں کہا ہے کہ تمہارے ملک میں بھارتی فلموں کا غیرقانونی کاروبار ہوتا ہے۔ بھارتی فلمیں بہت مقبول بھی ہیں ہم نے تمہیں دو سالوں میں اتنی دولت دی ہے کہ وہ تم 10 سالوں میں بھی نہیں کما سکتے لیکن یہ تمام کام اب ہمارے سپاہیوں کی لاشوں پر نہیں ہو سکتا تم پاکستان کے انتہا پسندوں کے خلاف آواز کیوں نہیں اٹھاتے۔ اب وقت آ گیا ہے کہ تم پاکستان واپس چلے جاﺅ۔ پلیز جلد چلے جاﺅ بتاﺅ کہ تم کس دن ممبئی سے واپس کراچی جا رہے ہو۔ تفصیلات کے مطابق بھارتی صحافیوں نے بالی وڈ میں کام کرنے والے پاکستانی فنکاروں کے نام ایک دھمکی آمیز خط لکھا ہے۔ خط پاکستانی فنکار عدنان سمیع، راحت فتح علی خان، مائرہ خان ودیگر کے نام تحریر کیا گیا جس میں درج ہے کہ تم پاکستان کے انتہا پسندوں کے خلاف آواز کیوں نہیں اٹھاتے لہٰذا اب وقت آ گیا ہے کہ تم بھارت چھوڑ کر پاکستان چلے جاﺅ۔ فواد خان ابھی سے کراچی کی فلائٹ لو اور پاکستان چلے جاﺅ۔ ہم نے دو سالوں میں تمہیں اتنی دولت دی ہے کہ تم یہ رقم سالوں میں بھی نہیں کما سکتے لیکن اب ایسا بھارتی سپاہیوں کی لاشوں پر نہیں ہو گاؒ۔