کشمیریوں پر بھارتی مظالم کی ویڈیوز دیکھ کر ہالی ووڈ اداکارہ آبدیدہ

سرینگر (خصوصی رپورٹ) مقبوضہ کشمیر میں بھارتی مظالم پر ہالی وڈ فنکار بھی تڑپ اٹھے۔ جنت نظیر وادی میں سیر کیلئے نے والی اداکارہ ایریکاڈیرکسن کشمیر پر بھارتی ظلم وستم بیان کرتے ہوئے آبدیدہ ہوگئیں۔ ویب سائٹ پر شیئر کی گئی اپنی ویڈیو میں ایریکاڈیرکسن کا کہنا تھا کہ آپ کیسا محسوس کرینگے کہ اگر آپ کا شوہر گھر سے دودھ یا ڈبل روٹی لینے جائے اور پھر کبھی واپس نہ آئے۔ آپ کیسا محسوس کریں گے، اگر آپ کی بیٹی کو پیلٹ گن سے نشانہ بنایا جائے اور وہ پھر وہ ہمیشہ کیلئے اپنی آنکھیں کھودے۔ آپ کو کیسا محسوس ہوگا جب فورسز جو آپ کے علاقے اور شہر پر قابض ہوں، آپ کی بہن کو درندگی کا نشانہ بنا دیں۔ اگر آپ باہر جائیں اور آپ کا قتل کردیا جائے۔