سٹارفٹبالررونالڈو انجلینا جولی کےساتھ ٹی وی ڈرامہ میں جلوہ گر ہونگے

لزبن(نیوزایجنسیاں) پرتگال فٹبال ٹیم کے کپتان کرسٹیانورونالڈوہالی ووڈ کی معروف فنکارہ انجلینا جولی کے ساتھ ٹی وی ڈرامہ میں جلوہ گر ہوں گے۔فٹبال کی دنیا میں تہلکہ مچانے کے بعد پرتگالی کپتان کرسٹیانو رونالڈو شوبز انڈسٹری میں نام بنانے کیلئے تیار ہیں۔ وہ مستقبل میں ہالی ووڈ اداکارہ انجلینا جولی کے ساتھ ایک ٹی وی ڈرامہ میں جلوہ گر ہوں گے جو ترکی ، مڈل ایسٹ اور لاطینی امریکا سے نشر کیا جائے گا۔ ڈرامے کی عکس بندی اپریل کے ابتدائی ہفتے میں شروع ہو گی جس میں شامی خاندان کی کہانی کو پیش کیا جائے گا۔ ہدایت کار کے مطابق ٹی وی شو میں رونالڈو ، انجلینا جولی ، عرب گلوکارہ نینسی اجرام سمیت دنیا بھر سے اداکار کام کریں گے۔