کشمالہ اور خواجہ آصف کا میگا سکینڈل, سنسنی خیز انکشاف

اسلام آباد (خصوصی رپورٹ) تحریک انصاف کی راہنماءفردوس عاشق اعوان نے انکشاف کیا ہے کہ مسلم لیگ (ق) کی راہنماءکشمالہ طارق خواجہ آصف کے توسط سے شاہد خاقان عباسی کے فلیٹ میں رہ رہی ہیں‘ کشمالہ نے خواجہ آصف کے اکاﺅنٹ میں 16 کروڑ ٹرانسفر کرائے‘ کشمالہ طارق کے بیرون ملک سفر کے اخراجات وزارت پانی و بجلی ادا کرتی ہے۔ میڈیا سے گفتگو کرتے ہوئے تحریک انصاف کے راہنماءفردوس عاشق اعوان نے کہا کہ مسلم لیگ (ق) کی راہنماءکشمالہ طارق ایان علی ٹو ہیں‘ کشمالہ طارق نے سولہ کروڑ روپے خواجہ آصف کے اکاﺅنٹ میں ٹرانسفر کرائے ‘ خواجہ آصف نے ایک کروڑ کا فلیٹ کمرسل کراکر پچیس کروڑ روپے کا کرایا‘ خواجہ آصف نے پلاٹ کمرشل کرانے کیلئے وزارت دفاع کا استعمال کیا۔ انہوں نے کہا کہ کشمالہ طارق خواجہ آصف کے توسط سے پارلیمنٹ لاجز میں وزیر پیٹرولیم شاہد خاقان عباسی کے فلیٹ میں رہ رہی ہیں‘ خواجہ آصف وضاحت کریں کہ ان کا کشمالہ طارق سے کیا رشتہ ہے اور وہ کس حیثیت سے پارلیمنٹ لاجز میں رہ رہی ہیں؟ فردوس عاشق اعوان نے کشمالہ طارق کو ایان علی ٹو قرار دیتے ہوئے کہا کہ ایان علی ٹو کے بارے میں مزید انکشافات کروں گی۔