چوہدری نثار کی نام لیے بغیر وزیراعظم کی صاحبزادی پر تنقید 3وزراءبھی نشانہ بنے

لاہور (مانیٹرنگ ڈیسک) سنیئر صحافی و اینکر پرسن ڈاکٹر عبد المالک نے کہا ہے کہ چودھر ی نثار نے بغیر نام لئے مریم نواز کو تنقید کا نشانہ بنایا ،چودھر ی نثار کو اعتراض تھا کہ وزیر اعظم نے تین وزراءخواجہ آصف ، احسن اقبال اور پرویز رشید سے میرے خلاف باتیں سنیں لیکن مجھ سے صفائی کیوں نہیں لی ، پریس کانفرنس اپنے وقت کے اعتبار سے انتہائی اہمیت اختیار کر گئی ہے اور ب یہ الزام دھرنا شروع کر دیا جائے گا کہ فوج اور عدلیہ مل کر وزیر اعظم کے خلاف کام کر رہے ہیں۔ ان خیالات کا اظہار انہوں نے نجی ٹی وی پر چودھر ی نثار کی پریس کانفرنس پر تبصرہ کرتے ہوئے کیا۔ انہوں نے کہا کہ سیاست میں گالم گلوچ کے حوالے سے چودھر ی نثارنے بغیر نام لئے تنقیدکا نشانہ مریم نواز اور اپوزیشن کے مطابق ن لیگ کی میڈیا ٹیم طلال چودھر ی ، دانیا ل چودھری اور دیگر نے جو حالات پیدا کئے ہیں ،انہیں وزارتیں دیں اور اپنے معاملات چلانے کا مشورہ دیتے ہوئے کی۔ انہوں نے کہا کہ وزیر اعظم نواز شریف کی اپنے تینوں ادوار میں تمام آرمی چیفس سے تعلقات خراب رہے ہیں اوراب تک یہ سلسلہ چل رہے ہے اور یہ معاملہ پانامہ کیس کے نتائج کے بعد کی صورتحال سے نمٹنے میں مشکلات پیدا کرے گا۔انہوں نے کہا کہ اب پریس کانفرنس کے وقت کی بہت اہمیت ہو گئی ہے اور کئی لوگ یہ خیال بھی کریں گے کہ چودھر ی نثار کو معلوم تھا کہ فیصلہ آنے والا ہے لہذا انہوں نے فیصلے سے قبل پریس کانفرنس کر کے معاملے سے خودکو پیچھے کیا ہے اور اب یہ الزام دھرنا شروع کر دیا جائے گا کہ فوج اور عدلیہ مل کر وزیر اعظم کے خلاف کام کر رہے ہیں۔