چکوال‘ کوہاٹ (نمائندگان خبریں) ڈسٹرکٹ چکوال میں تلہ گنگ کے قریب ڈھوک پٹھان کے مقام پر بس پل سے گر کر حادثے میں زخمی مزید 4افراد دم توڑ گئے جس کے بعد جاں بحق ہونے والوں کی تعداد 28 ہوگئی، جن کی آبائی علاقے میں تد فین کر دی گئی۔ تفصیلات کے مطابق گزشتہ رات حادثے کا شکار ہونے والی بس کوہاٹ سے رائے ونڈ جارہی تھی جو تلہ گنگ کے قریب 150 فٹ گہری کھائی میں جاگری۔ واقعے کی اطلاع ملنے پر ریسکیو اہلکاروں نے موقع پر پہنچ کر امدادی کارروائیاں شروع کیں اور ابتدائی طور پر 24 افراد کی لاشوں کو نکال گیا جبکہ حادثے میں زخمی ہونے والے 35 سے زائد زخمیوں کو تحصیل ہیڈ کوارٹر اسپتال منتقل کیا گیا۔ ریسکیو حکام کے مطابق بس میں 60 مسافر سوار تھے جو اجتماع میں شرکت کے لیے رائے ونڈ جارہے تھے جبکہ حادثہ تیز رفتاری کے باعث پیش آیا۔ ہسپتال حکام نے بتایا کہ حادثے میں زخمی ہونے والوں میں سے 4 افراد دم توڑ گئے ہیں جس کے بعد جاں بحق ہونے والوں کی تعداد 28 ہوگئی جبکہ دیگر زخمیوں میں بعض کی حالت تشویشناک ہے۔
Pic09-069
KOHAT: Nov 09 A large number of people are offering the funeral prayers of 27 people who were martyred in an accident after their bus fell from a bridge while they were on their way to attend a tableeghi ijtema in Lahore. ONLINE PHOTO by Basit Gilani
