لاہور(خصوصی نامہ نگار)حدیبیہ پیپر مل لمیڈڈآل شریف کی جانب سے کی جانے والی کرپشن کی ماں ہے ،اسی مقدمہ سے آل شریف نے اپنی کرپشن کا آغاز کرتے ہوئے اس ملک کے غریب عوام کے وسائل لوٹ کر ایک بینک میں جعلی اکاﺅنٹ بنا کر قاضی فیملی کے نام پر منی لانڈرنگ کا آغاز کیا ،عوامی مسلم لیگ کے سربراہ شیخ رشید نے خبریں سے خصوصی گفتگو کرتے ہوئے کہا کہ پورا پانامہ کیس ایک طرف اور حدیبیہ پیپر ملز کا کیس ایک طرف ہے اس کیس سے اب میاں شہباز شریف بھی میاں نواز شریف کے ساتھ کھڑے ہو جائیں گے اور اب میاں شہباز شریف کی سیاست دفن ہونے کے قریب ہے جہاں ان کے خلاف سانحہ ماڈل ٹاﺅن کا دوسرا بڑا کیس انہیں گھر پہنچا دے گا وہ یہ نہیں معلوم کس گھر میں جائیں گے اوروہ گھر ان کا اپنا ہو گا یا قانون کا ،شیخ رشید کا کہنا تھا کہ ملتان میٹرو ،جعلی کمپنیاں وغیرہ جھوٹے جھوٹے جعل سازی کے کیس ہیں مگر حدیبیہ اور سانحہ ماڈل ٹاﺅن کے کیسز میں شہباز شریف کی سیاسی موت ہو گی اور قدرت کا قانون انہیں اپنے تکبر اور غرور کو توڑ کر انہیں ان کے منطقی انجام تک لے جائے گا جبکہ سابق وفاقی وزیر قانون اور ماہر قانون دان ڈاکٹر بابر اعوان نے کہا کہ آل شریف کی جانب سے لندن میں بھی پاکستان کی طرح قرضے ہڑپ کرنے کی کوشش کی مگران کے خلاف بینک اور عدالت کا فیصلہ آگیا ،حدیبیہ پیپر مل لمیڈڈ مقدمہ کو مک مکا کے ذریعے ختم کیا گیالیکن پانامہ کرپشن سکینڈلز کے دوران یہ مقدمہ قدرتی انجام کو پہنچا اور یہ مقدمہ دربارہ کھل گیا جہاں اس مقدمہ کے 4 مرکزی ملزمان جس میں شامل میاں شریف ،میاں عباس شریف ،میاں شہباز شریف ،حمزہ شہباز شریف اور بینک پر نیب کی جانب سے مقدمہ کھولا جارہا اس کے بارے میں پاناما کیس سے پہلے کی پیرا گرام نمبر 11 اور 12 میں پوری تفصیلات دی گئیں ہیں اور اب حدیبیہ پیپر کیس اپنے منطقی انجام کو پہنچے گا اور گارڈ فادر ٹو میاں شہباز شریف کا سیاسی کیئرر بھی اپنے انجام کو پہنچے گا ،ڈاکٹر بابر اعوان کا مزید کہنا تھا کہ آل شریف کو اپنی کرپشن پر ملنے والی سزا کا خوف نہیں ہے بلکہ کرپشن کی مد میں لوٹی گئی رقم کو دوبارہ قومی خزانے میں جمع کرائے جانے کا خوف ہے مزید کہنا تھا کہ میاں شہباز شریف کے خلاف یہ پہلا مقدمہ ہے مگر اس کے بعد ملتان میٹرو کی کرپشن ،156 جعلی کمپنیاں ،غیر قانونی ٹھیکے ،سسے تندور ،آشیانہ ہاﺅسنگ ،اور کرکٹ کے گراﺅنڈ کے نام پر گھپلے ایک طرف کھلیں گے جبکہ سانحہ ماڈل ٹاﺅن کا کیس دوسری جانب جس میں آل شریف کے قریبی رشتہ دار میاں شیر علی کے بیان کے مطابق کرایہ کا قاتل اور میاں شہباز شریف مکمل طور پر پھنس گئے ہیں ۔
