اسلام آباد (خصوصی رپورٹ)محکمہ موسمیات نے ربیع الاول 1439 ہجری کا چاند 19 نومبر کو دکھائی دینے کے امکانات کی پیشگوئی کی ہے۔ محکمہ موسمیات کے حکام نے اے پی پی کو بتایا کہ 18 نومبر کو پاکستان کے معیاری وقت کے مطابق چاند 4 بجکر 42 منٹ پر کراسنگ جنکشن پوائنٹ پر پیدا ہو گا جو اگلے روز 19 نومبر کی شام دکھائی دے گا۔ اس موقع پر ملک کے بیشتر حصوں میں مطلع ابرد آلود اور جزوی طور پر مطلع صاف ہو گا جہاں ربیع الاول کا چاند دکھائی دینے کے امکانات ہوں گے۔
