اسلام آباد(ویب ڈیسک) پاکستان مسلم لیگ ن کے مرکزی رہنماءاور سابق وزیرداخلہ چوہدری نثارعلی خان نے کہا ہے کہ شہبازشریف کی وزیراعظم کیلئے نامزدگی اچھا فیصلہ ثابت ہوسکتاہے،مسلم لیگ ن ایک جمہوری جماعت ہے۔، غیرسیاسی لوگوں کے فیصلوں سے پارٹیوں کی ساکھ متاثر ہوتی ہے،سیاسی جماعتیں ٹویٹس اور ٹکرز سے نہیں چلائی جاتیں، تصادم کی بجائے سیاسی مخالفین پرتوجہ رکھنی چاہیے۔انہوں نے آج یہاں گفتگو کرتے ہوئے کہاکہ شہبازشریف کی وزیراعظم کیلئے نامزدگی اچھا فیصلہ ثابت ہوسکتاہے۔شہبازشریف کوان کی صلاحیت کے مطابق کام کرنے دیاجائے۔انہوں نے کہا کہ مسلم لیگ ن ایک جمہوری جماعت ہے۔تاہم مسلم لیگ ن اس وقت ناز ک دورسے گزر رہی ہے۔اس وقت ہوش سے فیصلے کی اشد ضرورت ہے۔انہوں نے کہا کہ غیرسیاسی لوگوں کے فیصلوں سے پارٹیوں کی ساکھ متاثر ہوتی ہے۔سیاسی جماعتیں ٹویٹس اور ٹکرز سے نہیں چلائی جاتیں۔چوہدری نثار نے کہا کہ اس وقت تصادم کی بجائے سیاسی مخالفین پرتوجہ رکھنی چاہیے۔ غیرضروری تنازعات کے باعث الجھنے سے گریز کرناچاہیے۔
