لاہور (این این آئی) تحریک انصاف کے چیئرمین عمران خان اور عوامی تحریک کے سربراہ ڈاکٹر طاہر القادری کے درمیان آج لاہور میں ملاقات ہو گی ۔ عمران خان پارٹی کے سینئر رہنماﺅںکے ہمراہ ماڈل ٹاﺅن میں منہاج القرآن سیکرٹریٹ میں طاہر القادری سے ملاقات کر کے سانحہ ماڈل ٹاﺅن پر جسٹس علی باقر نجفی کی رپورٹ، عوامی تحریک کی وزیر اعلیٰ شہباز شریف اور وزیر قانون رانا ثنا اللہ خان کے استعفوں کےلئے دی جانے والی 31دسمبر کی ڈیڈ لائن، 30دسمبر کی آل پارٹیز کانفرنس کے حوالے سے متفقہ موقف اور آئندہ کے لائحہ عمل بارے تبادلہ خیال کریں گے۔ ایک ذرائع کے مطابق ملاقات میں ڈاکٹر طاہر القادری کی جانب سے پی ٹی آئی اور پیپلز پارٹی کی قیادت کے درمیان دوریاں ختم کرانے کےلئے مثبت کردار کی پیشکش بھی کی جا سکتی ہے۔
