ممبئی (آئی این پی) بالی ووڈ اداکارہ سونم کپور اور آنند اہوجا کی شادی کے بعد اب سوشانت سنگھ راجپوت اور کریتی سینن کی شادی کی خبریں گردش کرنے لگیں ہیں۔بھارتی میڈیا کے مطابق خبریں سامنے آرہی ہیں کہ سوشانت سنگھ راجپوت اور کریتی سینن بھی جلد شادی کے بندھن میں بندھ جائیں گے،تاہم اس بارے میں سوشانت سنگھ راجپوت اور کریتی سینن نے مکمل خاموشی اختیار کر رکھی ہے، سوشانت سنگھ راجپوت کریتی کی فیملی کے ساتھ ملاقات کر چکے ہیں اور ان کی کریتی کی فیملی کے ساتھ بنائی گئی تصاویر بھی سوشل میڈیا پر وائرل ہو چکی ہیں۔
