لاہور ( شوبزڈیسک) گلوکارہ سمرا خا ن نے میوزیکل ریئلٹی شو میوزک گیراج میں اپنی صلاحیت کا بھرپور مظاہرہ کرتے ہوئے بہترین سولو فی میل 2018 کااعزاز اپنے نام کرلیا۔ایلائٹ فلمز کی پیش کش میوزک گیراج پاکستانی ناظرین میں بے پنا مقبولیت حاصل کررہاہے جس میں ملک بھر کے معروف راک سنگرز اپنے فن کا مظاہرہ کررہے ہیں ۔یاد رہے کہ سمرا خان کی جانب سے پیش کی گئی موسیقی میں ایک الگ ہی تاثر پایا جاتا ہے جو کہ سامعین کو جھومنے پر مجبور کردیتا ہے۔سمرا خان کوفن کا مظاہرہ کرنے کا موقع کوک سٹوڈیو کے سیزن 8سے ملا ، جہاں انھوں نے اپنی پوشیدہ صلاحیتوں کو عاصم اظہر کے ساتھ مل کر ملکہ ترنم نور جہاں کا گیت "حنا کی خوشبو”اوریجنل ٹریک پر پیش کیا اور جسے شائقین نے بے حد پسند کیا۔ ایلائٹ فلمز نے تب ہی اس ابھرتے ہوئے ستارے کو اپنے پروگرام میوزک گیراج کے لیے انتخاب کیا۔، جس میں مشرق وسطیٰ کی دیگر نمایاں شخصیات کو پہلے ہی سائن کرلیا گیا تھا،جس میں باصلاحیت ڈیوا نے پاکستان کے لیے گرینڈایونٹ جیت لیا۔اس پروگرام میں پاکستانیوں نے ان کی کارکردگی کو دیکھتے ہوئے ان کے لیے بہت دعائیں بھی کیں۔ حنا کی خوشبو کی بڑے پیمانے پر مقبولیت کے بعد گلوکارہ سمرا خان نے اپنے سولو نغموں اور گانوں کو ریلیز کرنے کا ارادہ کیا ۔
