لاہور(شوبزڈیسک)حکومت پاکستان کی جانب سے عید الفطر اور عید الاضحی کے مواقعوں پر بھارتی فلموں پر محدود بندش کے فیصلے کے پیش نظر زشکو انٹرٹینمنٹ کےزیر اہتمام فلم ”نہ بینڈ نہ باراتی“ کی عید الفطر پر نمائش کا اعلان کیا گیا ہے۔ا س اقدام کا مقصد حکومت پاکستان کی جانب سے مقامی فلمی صنعت کی بحالی کیلئے کئے گئے فیصلے کی تائید کرنا ہے۔ اس موقع پر فلم کے پروڈیوسر زین فاروقی کا کہنا ہے ”حکومت پاکستان کی جانب سے کئے گئے حالیہ فیصلے کے پیش نظر ہم نے ان کی حمایت کرتے ہوئے مشترکہ طور پر یہ فیصلہ کیا ہے کہ ”نہ بینڈ نہ باراتی“ کو6جولائی کے بجائے عید الفطر پر نمائش کیلئے پیش کیا جائے ۔نہ بینڈ نہ باراتی تفریح سے بھرپور ایک مکمل فیملی فلم ہے ۔اس کی ہدایات محمود اختر کی ہیں ۔کہانی ہریش کمار کی تحریر کردہ ہے۔
جبکہ اس میں میکال ذوالفقار ‘ قوی خان‘ عتیقہ اوڈھو‘ عذرا محی الدین‘ شایان خان ‘ نایاب خان ‘محمود اختر ‘کومل فاروقی‘ علی کاظمی اور دیگر شامل ہیں۔
