لاہور(شوبزڈیسک) پشتو فلم ”ضدی او بدمعاش“ کا آخری گیت سٹیج اور فلم کی اداکارہ سدرہ نور اور فلموں کے نامور ولن جہانگیر خان جانی پر لاہور میں شوٹ ہوگیا جس کے لئے مصنوعی بارش کا خصوصی اہتمام کیا گیا تھا فلم کے حوالے سے ڈائریکٹر شاہد عثمان نے کہا ہے کہ فلم ”ضدی او بدمعاش“ کی نہ صرف شوٹنگ مقررہ وقت پر مکمل کی بلکہ سوشل میڈیا پر فلم کی بھر پور پبلسٹی بھی جاری ہے۔ ہم نے اس بار ایک بہترین کہانی پر مبنی پشتو فلم بنائی ہے جس میں فلم بین اداکار عجب گل، ارباز خان، جہانگیر خان اور خالدہ یاسمین کو انتہائی مشکل ،جاندار اور فنی کیرئیرکے اچھوتے کردار میں دیکھ سکیں گے۔ فلم کا مکمل ٹریلر بہت جلد سوشل میڈیا پر اپ لوڈ ہوگا ۔ فلم ساز شیخ محمد اکرم،مصنف سلیم مراد، مکالمہ نگار سعید تہکالے ،ایڈیٹر اسد زادہ ہےں۔
