لاہور (شوبزڈیسک ) سیشن کورٹ نے گلوکارہ واداکارہ میشا شفیع کے گھر کے باہر عدالتی نوٹس آویزاں کرنے کا حکم دے دیا۔لاہور کی سیشن کورٹ میں گلوکارہ و اداکارہ میشا شفیع کے خلاف ہتک عزت کے دعویٰ کے کیس پر سماعت ہوئی۔ درخواست گزار نے موقف اپنایا کہ میشا شفیع نے ان پر ہراساں کرنے کے بلاوجہ الزامات عائد کیے۔ میشا شفیع نے جھوٹی شہرت کے لیے الزامات عائد کیے، جس کی وجہ سے پوری دنیا میں میری شہرت متاثر ہوئی۔ لہٰذا عدالت میشا شفیع کو 100 کروڑ روپے ہرجانہ اداکرنے کا حکم دے۔عدالت نے میشا شفیع کے گھر کے باہر عدالتی نوٹس آویزاں کرنے کا حکم دے دیا اوراس کے ساتھ میشا شفیع کو دوبارہ نوٹس جاری کرتے ہوئے13 اگست تک جواب طلب کرلیا۔
