لاہور(شوبزڈیسک)اداکارو سری دیوی کی بیٹیجھانوی کپور کی پہلی فلم ” دھڑک “ کے گیتوں کا جادو سر چڑھ کر بولنے گا ،فلم کے نئے رومانوی گیت ” پہلی بار“ کی پسندیدگی میںبھی اضافہ کرن جوہر کی پروڈکشن میں بنی ری میک فلم میں جھانوی کپور کے مد مقابل ایشان کھتر نے مرکزی کردار ادا کیا ہے ، فلم 20جولائی کو سنیماﺅں کی زینت بنے گی ۔بھارتی فلمی صنعت کی سپر سٹار فنکارہ سری دیوی کی بیٹی جھانوی کپور کی پہلی فلم ” دھڑک“ کی پروموشن فائنل مرحلے میں داخل ہوچکی ہے ، فلم کی سٹا رکاسٹ جھانوی کپور اور ایشان کھتر جہاں مختلف شہروں کے دورے کرکے شائقین سے ملاقات کر رہے ہیں وہیں ساتھ ہی ساتھ فلم کا میوزک تیزی سے کامیابی کے زینے طے کرتا جا رہا ہے ۔ بھارتی موسیقار جوڑی اجے اتل نے ” دھڑک“ کی موسیقی ترتیب دی ہے۔
جبکہ معروف نغمہ نگار امیتابھ بھٹہ چاریہ نے فلم کے گیت تحریر کئے ہیں ۔ فلم کے ٹائٹل ٹریک کے علاوہ دوسرا گیت ” زنگت“پہلے ہی مقبولیت حاصل کر چکا ہے جبکہ ریلیز کردہ نئے رومانوی گیت ” پہلی بار“ کو بھی فلمی حلقوں نے خوب سراہا ہے ۔ دھڑک کی پاکستان میں نمائش ڈسٹری بیوشن کلب کے پلیٹ فارم سے کی جارہی ہے ۔ فلمساز کرن جوہر کے مطابق ” دھڑک“ پیار اور محبت کے آفاقی رشتے پر مبنی ایک بہترین کہانی ہے جسے جھانوی کپور اور ایشان کھتر کی بے مثال اداکاری نے چارچاند لگا دئیے ہیں اور یہ فلم دونوں فنکاروں کے پیشہ ورانہ کیرئیر میں اہم سنگ میل ثابت ہوگی۔
