ممبئی(شوبزڈیسک)بالی ووڈ کی خوبرو اداکارہ سوناکشی سہنا نے کہا ہے کہ موٹاپے کو کم کرنے کیلئے سخت ورزش اور ڈائٹنگ کررہی ہوں ، خود کو فٹ رکھنے کیلئے جوسز اور گرین ٹی کا زیادہ استعمال کررہی ہوں ، زیادہ معاوضے کا لالچ کبھی نہیں کیا ،کوئی اچھی فلم ملی تو آفر قبول کرلوں گی ۔ایک بھارتی جریدے کو دیئے گئے انٹرویو میں سناکشی کا کہنا تھا کہ بالی ووڈ فلم انڈسٹری اپنے عروج پر جارہی ہے اور آج کل اچھی فلمیں شائقین کو دیکھنے کو مل رہی ہیں ،تاہم مجھے معاوضے کا لالچ نہیں ہے جیسے ہی مجھے کوئی اچھی فلم کی آفر ہوئی تو اسے قبول کرلوں گی ۔موٹاپے کے حوالے سے سوال پر انہوں نے کہاکہ میں کچھ زیادہ موٹی تو نہیں ہوں مگر خود کو فٹ رکھنے کیلئے سخت ورزش اور ڈائٹنگ کررہی ہوں جبکہ غذاﺅں میں زیادہ تر جوسز اور گرین ٹی کا استعمال کررہی ہوں ۔ایک اور سوال پرانہوں نے کہاکہ اس وقت رنبیر کپور اور سلمان خان میرے فیورٹ ہیں جو بالی ووڈ فلم انڈسٹری جان ہیں اور اگر ان ہیروز کے ساتھ مزید کام کرنے کا موقع ملے تو میرے لئے اس سے بڑی خوشی کی بات اور کیا ہوسکتی ہے ۔
