لاہور (ویب ڈیسک )کراچی میں عام انتخابات سے قبل گدھے کو تشدد کا نشانہ بنایا گیا جس کے باعث وہ جان کی بازی ہار گیا لیکن یہ سلسلہ وہیں تھم نہ سکا بلکہ سیاسی گہما گہمی نے میں جانوروں کو نشانہ بنانے کا کام ہی شروع ہو گیا ، کراچی کے بعد لاہور میں بھی گدھے کو نشانہ بنایا گیا اور اب ٹویٹر پر ایک اور انتہائی دردناک ویڈیو سامنے آ گئی ہے جس میں سیاسی جماعت کے نوجوان کارکن بے زبان جانور کتے پر سیاسی جماعت کا جھنڈا باندھ کر اسے گولیاں مار کر ہلاک کر دیتے ہیں۔تفصیلات کے مطابق سوشل میڈیا پر وائرل ہونی والی ویڈیو میں سیاسی جماعت کے کارکن کتے پر پاکستان تحریک انصاف کا جھنڈا باندھتے ہیں اور پھر اس پر گولیوں کی برسات کردیتے ہیں جبکہ ویڈیو میں وہ مقامی زبان میں کچھ گفتگو بھی کر رہے ہیں۔ویڈیو پر وائر ل ہونے والی 45 سیکینڈ کی ویڈیو میں دیکھا جاسکتاہے کہ مٹی پر بیٹھے ہوئے کتے پر پی ٹی آئی کا جھنڈا لپیٹا گیاہے اور دو لڑکوں کی گفتگو کی آواز سنائی دیتی ہے تاہم وہ اچانک سامنے آتے ہیں اور پہلے سیاسی جماعت کا پرچم لہراتے ہیں جس پر ” وطن پارٹی “ لکھاہواہے اور انتخابی نشان ”چراغ “ بنا ہواہے جس کے بعد وہ کتے پر تین گولیاں چلاتے ہیں اور کتا سسکتے ہوئے اپنی جان دے دیتاہے۔
