حسن علی کی آرمی کے کیڈٹس کےساتھ سیلفی وائرل

لاہور ( این این آئی) قومی کرکٹر حسن علی کی پاک آرمی کے کیڈٹس کے ساتھ سیلفی سوشل میڈیا پر وائرل ہو گئی۔آرمی فزیکل ٹریننگ اسکول ایبٹ آباد میں جاری قومی کرکٹرز کے فٹنس کیمپ کے دوران حسن علی نے وہاں موجود آرمی کیڈٹس کے ساتھ ایک سیلفی بنائی۔انہوں نے سوشل میڈیا پر تصویر شیئر کرتے ہوئے لکھا کہ پاکستان آرمی کے نوجوانوں کے ساتھ سیلفی بنانے کا موقع ملا، آپ سب دوستوں سے مل کر بہت خوشی ہوئی، اللہ تعالی آپ کو اپنی قوم کی حفاظت کے لئے اور زیادہ طاقت عطا فرمائے۔ حسن علی کے اس اقدام کو سوشل میڈیا پر سراہا جا رہا ہے، پیسر سوشل میڈیا پر کافی فعال رہتے ہیں۔واضح رہے کہ قومی کرکٹرز تین روزہ کیمپ کیلئے آرمی ٹریننگ سینٹر ایبٹ آباد میں موجود ہیں، جہاں آرمی ٹرینرز ان کی جسمانی فٹنس بہتر بنانے کیلیے کام کر رہے ہیں، پلیئرز رننگ کے علاوہ تیر اندازی اور مانٹین سائیکلنگ بھی کر رہے ہیں جبکہ ان کی ذہنی استعداد کو بڑھانے کیلئے لیکچرز بھی دیئے جا رہے ہیں۔