کیریبین پریمیئر لیگ، ٹرنبیگو نائٹ رائیڈرز کی پانچویں کامیابی

بی سیٹری (اے پی پی) کیریبین پریمیئر ٹی ٹونٹی کرکٹ لیگ میں کولن منرو اور ڈیوائن براوو کی دھواں دار بیٹنگ کی بدولت ٹرنبیگو نائٹ رائیڈرز نے سینٹ کٹس اینڈ نیوس پیٹریٹس کو شکست دےکر پانچویں کامیابی حاصل کر لی، اس فتح کے ساتھ ہی ٹرنبیگو پوائنٹس ٹیبل پر ٹاپ پوزیشن پر براجمان ہو گئی، سینٹ کٹس اینڈ نیوس پیٹریٹس کی ٹیم 199 رنز کے ہدف کے تعاقب میں مقررہ اوورز میں 8 وکٹوں پر 153 رنز بنا سکی، ایون لیوس کی 52 رنز کی جارحانہ اننگز ٹیم کے کام نہ آئی، منرو نے 5 چھکوں کی مدد سے 76 رنز کی ناقابل شکست اننگز کھیلی، ڈیوائن براوو نے 11 گیندوں پر 5 چھکوں اور 1 چوکے کی مدد سے 37 رنزبنائے۔ کی اننگز کھیل کر ٹیم کی جیت میں کردار ادا کیا، منرو میچ کے بہترین کھلاڑی قرار پائے۔ بی سیٹری میں کھیلے گئے سی پی ایل کے 23ویں میچ میں ٹرنبیگو نائٹ رائیڈرز نے پہلے کھیلتے ہوئے مقررہ اوورز میں 4 وکٹوں پر 199 رنز بنائے، منرو اور ڈیوائن براوو نے جارحانہ انداز اپناتے ہوئے حریف باﺅلرز کی خوب دھنائی کی، منرو 76 اور براوو 37 رنز بنا کر ناقابل شکست رہے، برینڈن میک کولم 35 رنز بنا کر آﺅٹ ہوئے، الزاری جوزف نے 2 بریتھویٹ اور کوٹریل نے ایک، ایک وکٹ لی، جواب میں سینٹ کٹس اینڈ نیوس پیٹریٹس کی ٹیم ہدف کے تعاقب میں مقررہ اوورز میں 8 وکٹوں پر 153 رنز تک محدود رہی، ایون لیوس کے سوا کوئی بھی کھلاڑی متاثر کن کارکردگی کا مظاہرہ نہ کر سکا، لیوس نے 5 چھکوں کی مدد سے 52 رنز کی اننگز کھیلی لیکن وہ ٹیم کو شکست سے نہ بچا سکے، کرس گیل 9 رنز بنا سکے، تھامس 23 اور کارلوس بریتھویٹ 21 رنز بنا کر آﺅٹ ہوئے، فواد احمد نے 2 کھلاڑیوں کو آﺅٹ کیا۔