ثناکے خاندان کے افراد نے ڈیمزفنڈ میں اپنا حصہ ڈال دیا

لاہور( شوبزڈیسک)لالی ووڈ سٹار ثناءنے کہا ہے کہ ڈیمز کی تعمیر سے ہماری آنے والی نسلوں کی بقاءجڑی ہوئی ہے اور پوری قوم اس اقدام پر چیف جسٹس آف پاکستان کی مشکور ہے ،ڈیمز کی تعمیر ایک تحریک کی شکل اختیار کر چکی ہے اور انشا اللہ پاکستانی قوم اس میں سر خرو ہو گی ۔ خصوصی گفتگو کرتے ہوئے ثناءنے کہا کہ نہ صرف میں نے بلکہ میرے خاندان کے افراد نے بھی ڈیمز فنڈز میں اپنا حصہ ڈالا ہے اور انشا اللہ آنے والے دنوں میں بھی ہم اس کار خیر میں اپنا حصہ ڈالتے رہیں گے ۔ انہوں نے کہا کہ چیف جسٹس نے قوم کا درد سمجھتے ہوئے اس طرف عملی پیش قدمی کی ہے جس پر پوری قوم انہیں خراج تحسین پیش کرتی ہے ۔ ملک میں پانی کی کمی کے جو حالات ہیں اس طرح کا بڑا ذخیرہ دو دہائیاں قبل ہی بن جانا چاہیے تھا لیکن اب بھی تاخیر نہیں ہوئی اور ہمیں سا کے بعد بھی بڑے آبی ذخائر کی تعمیر کے منصوبوں کو جاری رکھنا چاہیے ۔