شمالی کیرولینا(ویب ڈیسک)بعض اوقات انسان کو زندگی میں اس قسم کے واقعات کا سامنا کرنا پڑتا ہے جس سے نا صرف اسے حیرت ہوتی ہے بلکہ وہ اس کی قسمت بھی بدل دیتے ہیں۔ایسا ہی کچھ ہوا شمالی کیرولینا میں ایک ویٹریس کے ساتھ جب اسے ریسٹوران میں آنے والے ایک شخص کی جانب سے 10 ہزار ڈالر کی ٹپ دی گئی جس نے اسے حیرت زدہ کر دیا۔ایلیانا کسٹر امریکی ریاست شمالی کیرولینا کے شہر گرین ولے میں ایک ریستوران میں ویٹریس ہیں۔ ایلیانا کا کہنا ہے کہ ایک شخص ریستوران میں داخل ہوا اور اس نے بیٹھنے کے لیے ایک تنہا گوشے کا انتخاب کیا اور دو گلاس پانی کا آرڈر دیا۔ویٹریس نے مزید بتایا کہ وہ شخص پانی پینے کے بعد جاتے ہوئے میز پر پیسوں کا ڈھیر چھوڑ گیا۔’پہلے میں اس ڈھیر کو جعلی سمجھی، لیکن پیسے اٹھانے کے بعد دیکھا تو وہ اصلی نوٹ تھے۔ میں کانپ رہی تھی اور خود سے بار بار کہ رہی تھی کہ یہ کیا ہے۔’ریستوران کے مالک کے مطابق میز پر پیسوں کے ساتھ ایک نوٹ بھی موجود تھا جس پر ‘اتنے مزیدار پانی کے لیے شکریہ’ تحریر تھا۔ایلیانا کے مطابق دوسری میز پر بیٹھے ہوئے دو لوگ ایلیانا کی کیفیت پر ہنستے ہوئے اس کی وڈیو بھی بناتے رہے۔ان دونوں نے ایلیانا کو اپنے یوٹیوب چینل ‘دی بیسٹ ‘کے بارے میں بتایا اور یہ بھی بتایا کہ کیسے وہ لوگو ں میں خوشیاں بانٹتے ہیں۔بعد میں معلوم ہوا کہ یہ سخی شخص یوٹیوب کی معروف شخصیت مسٹر بیسٹ تھے جو اپنا ایک چینل چلا رہے ہیں۔ اس چینل کے مشہور ہونے کی وجہ مسٹر بیسٹ، جن کا اصل نام ہے جمی ڈونلڈسن ہیں، کے لوگو ں میں خطیر رقوم بانٹنا ہے۔بعد ازاں ایلیانا نے اس رقم میں سے صرف 800 ڈالر اپنے پاس رکھتے ہوئے باقی رقم ریستوران میں کام کرنے والے اپنے ساتھیوں میں تقسیم کر دی۔دوسری جانب مالک نے ٹپ کی اس رقم کو اپنے ریستوران کی سب سے بڑی ٹپ قرار دیا ہے۔
پانی کے گلاس پر 10 ہزار ڈالر ٹپ
