خوبصورت اورانوکھے پرندے ہیمنگ برڈ کی چونچ تلواربازی کے لیے بھی استعمال ہو نیکا انکشا ف

برکلے(ویب ڈیسک) کیلیفورنیا: فطرت میں پائے جانے والے خوبصورت اورانوکھے پرندے ہمنگ برڈ کی چونچ اورزبان خاص طور پر پھلوں اورپھولوں کا رس اور شیرا چاٹنے کے لیے بنائی گئی لیکن وہ اس سے شمشیر زنی اور دشمنوں کو بھگانے کا کام بھی کرتے ہیں۔اس دلچسپ تحقیق کی روداد جرنل آف انٹی گریٹو آرگینزمل بائیلوجی میں شائع ہوئی ہیں۔ رپورٹ کے مطابق یونیورسٹی آف کیلی فورنیا برکلے کے ماہرین نے ہمنگ برڈ کی تصاویر اور ویڈیو کو دیکھتے ہوئے کہا ہے کہ جنوبی امریکا کے کچھ نر ہمنگ برڈ اپنی چونچ کو بطور ہتھیار استعمال کرتے ہیں تاکہ دوسروں کو ان کے کھانے کے ذخیرے یا ان کی ممکنہ مادہ سے دور رکھ سکیں۔ اس ضمن میں یونیورسٹی نے بہت دلچسپ ویڈیو بھی تیار کی ہے۔ہیمنگ برڈ اپنی مخصوص نوک دار چونچ دوسروں کو چبھوتے ہیں جس سے وہ انہیں پرے دھکیلنے اور عین تلواربازی کی طرح بھی استعمال کرتے ہیں۔ یہ سب کچھ اتنا تیزی سے ہوتا ہے کہ ہمیں احساس ہی نہیں ہوپاتا اور اسی وجہ سے سائنس دانوں نے ان کی تفصیلی ویڈیو کو سلوموشن کرکے دیکھا ہے جس سے ہمنگ برڈ جیسے پرندے کی یہ نئی ادا بھی سامنے آئی ہے۔