رنبیرکپور،ارجن کپور،شاہدکپور،دیپکاپڈکون،ملائکہ اور کرن جوہرنشے میں مدہوش دکھائی دیئے

ممبئی(ویب ڈیسک) کرن جوہر کی پارٹی میں دپیکا ، ملائکہ سمیت کئی بالی وڈ سٹارز کی نشے میں دھت ویڈیو پر سوشل میڈیا میں گرماگرم بحث ، حال ہی میں بالی وڈ کے ڈائریکٹر اور پروڈیوسر کرن جوہر کے گھر میں منعقد کی گئی ایک پارٹی کی ویڈیو وائرل ہوگئی ہے جس کے بارے میں کہا جارہاہے کہ اس میں کئی بالی وڈ سٹارز کو مبینہ طور پر نشے کی حالت میں دیکھا جاسکتا ہے، اس ویڈیو میں دپیکا پڈوکون، رنبیرکپور،ارجن کپور، ملائکہ اروڑہ اور شاہد کپور سمیت انڈین فلم انڈسٹری کے کئی چہروں کو دیکھا جاسکتا ہے، یہ ویڈیو کرن جوہر نے اپنی ذاتی انسٹاگرام اکاﺅنٹ سے شیئر کی جس کو بعد میں انڈیا کے رکن اسمبلی مجندرسرسا نے ٹوئٹر پر شیئر کیا، انہوں نے اس کے ساتھ لکھا”افسانہ بمقابلہ حقیقت“ دیکھیں کس طرح بالی وڈ کے بڑے نام اپنی نشے کی حالت کو فخر کیساتھ دکھا رہے ہیں، میں منشیات کیخلاف اپنی آواز بلند کرتا ہوں اور اگر آپ مجھ سے متفق ہیں تو میری ٹویٹ کو ری ٹویٹ کریں، منجند رسرسا کی جانب سے یہ ویڈیو شیئر کرنے پر کانگریس رہنما ملنددیوڑابالی ووڈ سٹارز کا دفاع کرنے میدان میں آگئے، انہوں نے ٹوئٹر پر لکھا”میری بیوی بھی اس پارٹی میں موجود تھی، وہاں کسی نے منشیات کا استعمال نہیں کیا اس لئے جھوٹ پھیلانے اور ان لوگوں کو بدنام کرنے کا سلسلہ بند کیا جائے جنہیں آپ نہیں جانتے، انہوںنے اپنی ٹویٹ میں منجندرسرسا سے معافی مانگنے کا مطالبہ بھی کیا ، تاہم منجندر سرسا نے اپنی ایک اور ٹویٹ میں معافی مانگنے سے صاف انکار کردیا، اس ویڈیو کے منظر عام پر آئے کے بعد سوشل میڈیا پر صارفین کی جانب سے غصے کا اظہار کیا گیا ہے، پریانکا مشرا نے لکھا، یہ نوجوان طبقے کیلئے مثال ہیں اور پھر ہم پوچھتے ہیں کہ لوگ قدامت پسند اور بے کارکیوں بن رہے ہیں، دیپکایادیونامی صارف نے لکھا کہ بالی وڈاداکار منشیات استعمال کررہے تھے یا نہیں اس بارے میں ثبوت سامنے آنے چاہئیں، ہمیں اپنے معاشرے کو بچانا ہوگا، انکورمتر جانے بالی وڈ سٹارز پر آیا سارا غصہ ملنددیوڑا پر نکال دیا اور مطالبہ کیا کہ کانگریس انہیں اپنی جماعت سے نکال باہر کرے، ایک اور صارف نے حیرت کا اظہار کرتے ہوئے لکھا ، دیپکا کیسے منشیات کااستعمال کرسکتی ہیں، جبکہ وہ فلم کے سین تک کیلئے سگریٹ نہیں پیتی ہیں۔