سادہ سی حسابی مساوات لیکن انٹرنیٹ صارفین تقسیم ہوگئے۔کیا آپ اسے حل کر سکتے ہیں؟

لاہور(ویب ڈیسک)پہلی نظر میں دیکھنے پر یہ سادہ سی حسابی مساوات معلوم ہوتی ہے، جسے ہم سکول میں آسانی سے حل کر لیا کرتے تھے لیکن اس حسابی مساوات نے انٹرنیٹ صارفین کو تقسیم کر دیا ہے۔یہ مساوات 8 divided by 2(2+2) کو سوموار کو ٹوئٹر پر پوسٹ کیا تھا۔ اس کے پوسٹ کیے جانے کے بعد ہزاروں صارفین اس کا جواب دے چکے ہیں لیکن وہ کسی ایک جواب پر متفق نہیں۔ٹوئٹر صارفین کے حل کے مطابق اس مساوات کا جواب 16 یا 1 آتا ہے۔ ایسا کیوں ہورہا ہے؟ اصل میں اس مساوات کا جواب اس کے طریقے پر منحصر ہے۔ اس سوال کے جواب کا انحصار اس بات پر ہے کہ آپ کو سکول میں BODMAS طریقہ پڑھایا گیا ہے یا PEMDAS طریقہ سکھایا گیا ہے۔ اگر آپ BODMAS طریقے (Brackets, Orders, Division, Multiplication, Addition, Subtraction) سے اسے حل کریں گے تو آپ کا جواب 16 ہو گا جبکہ PEMDAS طریقے (Parentheses, Exponents, Multiplication, Division, Addition, Subtraction) سے حل کرنے پر اس کا جواب 1 ہوگا۔