پاکستان میں ضرور پرفارم کروں گی: بھارتی اداکارہ و ماڈل شلپا

لاہور: (ویب ڈیسک) بھارتی اداکارہ و ماڈل شلپا شندے نے کہا کہ وہ پیسے کمانے کی خاطر پاکستان میں ضرور پرفارم کریں گی۔ فنکاروں پر پرفارمنس کی وجہ سے پابندی لگانے والی تنظیموں کو فنکاروں کا روزگار کم کرنے پر شرم آنی چاہیے۔میڈیا رپورٹ کے مطابق ایک بھارتی اخبار کو دئیے گئے انٹرویو میں شلپا شندے نے پاکستان اور پاکستانی فنکاروں سے نفرت کرنے والوں کو کرارا جواب دیتے ہوئے کہا کہ اگر انہیں پڑوسی ملک کے فنکاروں سے اتنی ہی نفرت ہے تو وہ نصرت فتح علی خان کو سننا کیوں نہیں چھوڑ دیتے۔شلپا کے مطابق پاکستان اور بھارت کے عوام میں سے کوئی بھی جنگ نہیں چاہتا۔ یاد رہے کہ بھارتی گلوکار میکا سنگھ کو گزشتہ دنوں پاکستان میں پرفارم کرنے پر بھارت میں شدید تنقید کا نشانہ بنایا گیا تھا اور ان پر بھارتی تنظیموں کی جانب سے پابندی بھی عائد کر دی گئی تھی جس پر میکا سنگھ نے معافی مانگ کر جان چھڑوائی۔ شلپا شندے نے اس معاملے پر بھرپور احتجاج کرتے ہوئے پاکستان میں پرفارم کرنے کا ارادہ ظاہر کیا تھا۔