اداکار عابد علی با رے تشویشنا ک خبر

لاہو ر (ویب ڈیسک)پاکستان کے نامور اداکار عابد علی شدید علیل ہیں اور ڈاکٹرز نے ان کی حالت تشویشناک قرار دی ہے۔عابد علی گزشتہ دو ماہ سے اسپتال میں زیر علاج ہیں اور ان کی صاحبزادی کے مطابق شدید علالت کے باعث ڈاکٹرز نے عابد علی کی صحت یابی کو تقریباً ناممکن قرار دے دیا ہے۔عا بد علی کی دونوں بیٹیاں ایمان علی اور راہمہ علی جو اداکارائیں بھی ہیں انہوں نے سوشل میڈیا پر والد کی طبیعت سے متعلق آگاہ کرتے ہوئے سب سے دعاو¿ں کی درخواست کی۔عابد علی کی چھوٹی بیٹی راہمہ علی نے والد کے ساتھ انسٹاگرام اسٹوری میں تصویر شیئر کرتے ہوئے بیان کیا کہ ‘والد گزشتہ دو ماہ سے شدید علالت کا شکار ہیں جس کا علاج بھی ہوچکا ہے اور تمام طبی کوششیں کی جا چکی ہیں تاہم ڈاکٹرز اب جواب دے چکے ہیں’۔بعدازاں راہمہ علی نے سب سے دعاو¿ں کی اپیل کرتے ہوئے کہا کہ ڈاکٹرز کے جواب کے باوجود اللہ سے بڑی کوئی طاقت نہیں۔عابد علی کی بڑی بیٹی ایمان علی نے بھی اہل خانہ کی ایک یادگار تصویر انسٹاگرام پر شیئر کرتے ہوئے سب مداحوں سے درخواست کی کہ والد کی صحت کے لیے دعا کریں۔