تازہ تر ین

کرونا: امریکہ ہلاکتوں میں تیسرے نمبر پر،بھارت میں 136مارے گئے دنیا بھر میں2لاکھ 77ہزار مریض صحت یاب

نیویارک/میڈرڈ/پیرس(نیٹ نیوز) دنیا بھر میں کورونا کے مہلک وائرس کےمتاثرین کی تعداد 13 لاکھ سے تجاوز کرگئی جبکہ اموات کی تعداد 74807 ہوگئی ہے۔منگل کو امریکی ذرائع ابلاغ کے مطابق دنیا بھر میںکورونا وائرس تیزی سے پھیل رہا ہے۔کورونا وائرس سے اٹلی میں 16523اور سپین میں13341 افراد لقمہ اجل بن گئے ہیں۔کورونا سے امریکا میں اب تک10941ہلاکتیں ہوئی ہیں۔ برطانیہ میں کورونا وائرس سے ہونے والی اموات کی تعداد5373 سے تجاوز کرگئی ہے۔ یورپی ملک فرانس میں مہلک وائرس سے ہلاکتوں کی تعداد8911 ہوگئی ہے۔ بھارت میں وائرس سے 136 افراد ہلاک ہوگئے جبکہ متاثرین کی تعداد ساڑھے چار ہزار بتائی جاتی ہے۔ دنیا بھر میں جان لیوا وائرس کورونا سے اب تک کم وبیش 13لاکھ افراد متاثر ہوئے ہیں جن کی تعداد تصدیق شدہ ہے جبکہ ان میں سے 284886 صحت یاب ہوئے ہیں۔ بھارت میں مریضوں کی تعداد مسلسل بڑھ رہی ہے۔ جان ہاپکنز یونیورسٹی کے اعدادوشمار کے مطابق گزشتہ 24 گھنٹوں میں امریکہ میں کورونا وائرس سے 1150 اموات ہوئی ہیں، جو کہ اب تک کسی بھی ملک میں ایک دن میں ہونے والی سب سے زیادہ اموات ہیں۔ گزشتہ روز فرانس میں 833جبکہ سپین میں 630 اموات ریکارڈ کی گئی ہیں۔ امریکہ میں اب تک کورونا وائرس سے ہونے والی اموات کی کل تعداد 10941ہے جبکہ اس سے متاثرہ افراد کی تعداد 367000 ہے، امریکہ میں اب تک 19600 افراد صحت یاب ہوچکے ہیں۔امریکہ میں مزید 30 ہزار سے زیادہ افراد میں کورونا وائرس کی تشخیص ہوئی ہے۔ آسٹریلیا کی ریاست جنوبی آسٹریلیا میں کوویڈ 19 سے ہونے والی پہلی ہلاکت ریکارڈ کی گئی ہے۔ یہ آسٹریلیا کی وہ واحد ریاست تھی جس میں کورونا وائرس سے ابھی تک کوئی ہلاکت نہیں ہوئی تھی۔ آسٹریلیا میں اب تک کورونا وائرس کے چھ ہزار کیس سامنے آچکے ہیں جبکہ اموات کی کل تعداد 45 ہے۔ امریکہ میں مسلسل چھٹے روز بھی ایک ہزار سے زائد اموات ریکارڈ۔ مزید 1255 اموات کے بعد ہلاکتوں کی مجموعی تعداد 10 ہزار کا ہندسہ پار کر گئی، 30 ہزار 331 نئے کیسز رپورٹ۔ تفصیلات کے مطابق امریکہ سے مسلسل چھٹے روز بھی انتہائی دلخراش خبریں آ رہی ہیں۔ کورونا وائرس کی معلومات دینے والی عالمی میٹر کے مطابق امریکہ میں 12 سو 55 نئی ہلاکتیں ریکارڈ کی گئی ہیں جس کے بعد ہلاکتوں کی مجموعی تعداد 10 ہزار 871 تک جا پہنچی ہے۔ میڈیا رپورٹس کے مطابق امریکہ میں مسلسل چھٹے روز بھی ایک ہزار سے زائد اموات ریکارڈ کی گئی ہیں جو کہ کسی بھی دوسرے ملک سے زیادہ تباہ کن اعداد و شمار ہیں۔ خبر رساں ادارے کے مطابق 30 ہزار سے زائد نئے کیسز رپورٹ ہونے کے بعد امریکہ میں وائرس سے متاثرہ افراد کی کل تعداد 3 لاکھ 67 ہزار سے زائد ہو چکی ہے۔تازہ اعداد و شمار کے مطابق وائرس زدہ 19 ہزار 671 افراد ایسے ہیں جو صحت یاب ہو چکے ہیں جبکہ وائرس سے متاثرہ افراد میں 8 ہزار 879 افراد ایسے ہیں جو کہ اس وقت تشویشناک حالت میں مبتلا ہیں۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved