اسلام آباد۔وفاقی وزیر اطلاعا ت و نشریات سینیٹر شبلی فراز نے سابق وزیر اعظم نوازشریف کو پاکستان واپس کیلئے برطانیہ سے تعاون مانگتے ہوئے کہاہے کہ برطانیہ کے ساتھ ملزمان کی حوالگی کا معاہدہ نہیں برطانیہ کو چاہیے ہمارے ساتھ تعاون کرے اور پاکستان کے مفرور ملزم کو یہاں بھیجے۔
ان کو جسٹس قیوم جیسے ججز چاہئیں، یہ جان لیں این آر او نہیں ملے گا،ملک لوٹنے والوں کو ہم جیل میں ڈالیں گے، شہباز شریف بھی ٹی ٹی کی وجہ سے جیل میں ہیں،ملک میں مہنگائی اور بجلی گیس کی زائد قیمتوں کی ذمہ دار سابق حکومت ہے،اگر عوام مشکل میں ہیں تو حکومت بھی کوئی عیاشی نہیں کررہی ہے۔
اتوار کو پریس کانفرنس سے خطاب کرتے ہوئے انہوں نے کہاکہ مسلم لیگ (ن)کے ترجمان بڑے وثوق سے عوام کے سامنے جھوٹ بولتے ہیں۔
وفاقی وزیر اطلاعات نے کہاکہ عوام کے سامنے ایک ایسا بیانیہ پیش کیا جارہا ہے جس کا حقیقت سے کوئی تعلق نہیں۔انہوں نے کہاکہ مسلم لیگ (ن)نے لوٹ مار اور کرپشن کے سوا اس ملک میں کچھ نہیں کیا۔انہوں نے کہاکہ مسلم لیگ (ن)ہمارے لئے بارودی سرنگیں بچھا کے گئی تھی۔ڈالر کی قیمت کو مصنوعی طور پر کم رکھا گیا۔
وفاقی وزیر اطلاعات نے کہاکہ شاہد خاقان عباسی نے اسحاق ڈار کو اپنے طیارے میں فرار کروایاانہوں نے عوام کے ساتھ دشمنی کے علاوہ کچھ نہیں کیا۔23 ارب ڈالر سٹیٹ بنک میں رکھ کر ڈالر کو مصنوعی طور پر پر روکے رکھا۔
سینیٹر شبلی فراز نے کہا کہ تحریک انصاف کی حکومت نے ٹارگٹ سے زیادہ ٹیکس اکٹھا کیا،حکومت نے اس بار ہدف سے زیادہ ٹیکس اکٹھا کیا۔پاکستان کی ایکسپورٹس بڑھی ہیں غیر ملکی ترسیلات زر میں بھی اضافہ ہوا۔
انہوں نے کہاکہ ٹیکسز ایک کھرب سے ذیادہ اکٹھے کئے جو حدف سے ذیادہ ہیں۔ وفاقی وزیر اطلاعات نے کہاکہ شاہد خاقان اکانومی کے سکرات ہیں،ایل این جی کا مہنگا معاہدہ کرکے ملک کو ایک اور مشکل میں ڈالا۔ وفاقی وزیر نے کہاکہ سی پیک کے منصوبوں کو جلد از جلد مکمل کرنا چاہتے ہیں۔ انہوں نے کہاکہ چائنا کی حکومت نے سی پیک کے منصوبوں پر پاکستانی حکومت کی تعریف کی ہے۔
وفاقی وزیر اطلاعات نے کہاکہ یہ بات کرتے ہیں کہ نیب ہمارے پیچھے پڑی ہوئی ہے۔ انہوں نے کہاکہ نیب اگر پیچھے پڑی ہے تو اس کی کوئی وجہ ہے،انہوں نے کہاکہ کوئی سزا یافتہ ہے تو کوئی ضمانت پر ہے اور بھاشن دیتے ہیں مہنگائی کا۔ وزیر اطلاعات نے کہاکہ ہر گزرتے دن کے ساتھ ملک کی اقتصادی صورتحال بہتر ہو رہی ہے۔
انہوں نے کہاکہ اپوزیشن کا جو اکٹھ ہو رہا ہے اس میں دیکھ لیں کون کون سی جماعت ہے جو نواز شریف کے بیانیے کو سپورٹ کرتی ہیں۔وفاقی وزیر اطلاعات نے کہاکہ ایسے لوگوں کے اداروں میں لگایا گیا جو چوری میں ان کی معاونت کر سکیں،یہ چاہتے ہیں کہ پاک فوج کا ادارہ بھی ان کے نیچے ہو۔
وزیر اطلاعات نے کہاکہ سقوط کشمیر کا لفظ استعمال کر کے کشمیریوں کو کیا پیغام دیا جا رہا ہے۔وفاقی وزیر اطلاعات نے کہاکہ یہ پاکستان کے عوام اور اداروں کو بلیک میل کرنا چاہتے ہیں،وزیر اطلاعات نے نوازشریف پر تنقید کرتے ہوئے کہاکہ یہ تو خود کو امیرالمومنین ڈکلیئر کرنا چاہتے تھے،ان کی اپنی جماعت ٹوٹ پھوٹ کا شکار ہے۔ سینیٹر شبلی فراز نے کہاکہ قانون کے سامنے پیش ہونا اور جواب دینا ہوں گے۔
