پاک فوج کے سربراہ جنرل قمر جاوید باجوہ نے اُبھرتے ہوئے خطرات کے پیش نظر تیاری اور مستعدی یقینی بنانے کی ضرورت پر زور دیا ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے اسکردو اور گلگت کا دورہ کیا، جہاں انہیں کنٹرول لائن پر تعینات افواج کی پیشہ وارانہ تیاری اور تازہ ترین صورتحال سے آگاہ کیا گیا۔
#COAS visited Skardu and Gilgit today. On arrival at Skardu, COAS was briefed on latest situation and operational preparations of FCNA troops deployed along #LOC. Interacting with officers and men, COAS appreciated their high morale, operational readiness (1/4) pic.twitter.com/Y4aKjtJYks
— DG ISPR (@OfficialDGISPR) October 6, 2020
آرمی چیف نے افسران سے گفتگو کرتے ہوئے ان کے بلند حوصلے اور سخت موسمی حالات میں ان کی مستعدی اور پیشہ وارانہ تیاری کو سراہا۔
آرمی چیف نے اُبھرتے ہوئے خطرات کے پیش نظر تیاری اور مستعدی یقینی بنانے کی ضرورت پر زور دیا۔
انہوں نے گلگت میں جدید ترین سافٹ ویئر ٹیکنالوجی پارک کا بھی افتتاح کیا جو کہ اسپیشل کمیونیکیشن آرگنائزیشن (ایس سی او) کا اقدام ہے۔
ٹیکنالوجی پارک سے انفارمیشن ٹیکنالوجی اور دفاعی مواصلات کے شعبے میں تحقیق اور تخلیق کا ماحول پیدا ہوگا اور یہ ادارہ نوجوانوں کی صلاحیتوں میں اضافے کا سبب بنے گا۔
یہ علاقے میں سائبر انڈسٹری کے فروغ میں بھی اہم کردار ادا کرے گا۔
جنرل قمر جاوید باجوہ نے ایس سی او کی کاوشوں کو سراہتے ہوئے کہا کہ دور دراز علاقوں میں آئی ٹی اداروں کے قیام سے جدت اور ڈجیٹائزیشن کی حوصلہ افزائی ہوگی اور اس کے مثبت اثرات سامنے آئیں گے۔
